រថយន្តធុនធំ ដឹកប្រេងគេចពន្ធ ពីថៃ ចូលកម្ពុជា តាមច្រកជប់គគីរ ម៉ាសេរី
ខេត្តឧត្តរមានជ័យ៖ រថយន្តធុនយក្ស ដឹកប្រេងសាំង គេចពន្ធពីប្រទេសថៃ នាំចូលកម្ពុជា តាមច្រក របៀងជប់គគីរ ដូចហែ កឋិន ។ ប្រជាពលរដ្ឋ ដែលរស់នៅ ក្បែរមាត់ច្រក របៀងជប់គគីរ បាននិយាយ ថា សកម្មភាព ខាងលើ បានដំណើរការ ជាង ៥ ខែមកហើយ ដែលគេដឹក ចូលមក ស្តុកក្នុង ការ៉ាស សាំងមួយកន្លែង នៅចំណុចក្រោម ជើងភ្នំក្បែរ មាត់ច្រករបៀង ជប់គគីរ ស្ថិតនៅ ភូមិចាន់ក្រហម សែនជ័យ ឃុំអំពិល ស្រុកបន្ទាយអំពិល ខេត្តឧត្តរមានជ័យ ។
ការ៉ាសសាំងមួយនេះ មានស្លាក់យីហោ ឈ្មោះ តេឡា ហើយក៏ជាកន្លែង ស្តុកសំរាប់ផ្ទេរដាក់ រថយន្ត ដឹកបន្ត ទៅចែកចាយ នៅបណ្តាល ខេត្ត នានា ក្នុងប្រទេសកម្ពុជា ផងដែរ ។ ជាក់ស្តែងកាលពី វេលាម៉ោង ០២ នារសៀល ថ្ងៃទី០៧ ខែមិថុនា ឆ្នាំ២០១៦ កន្លងមកថ្មីៗនេះ មានរថយន្ត ធុនយក្សដឹក ប្រេងរបស់ ថៃ ចំនួន ០២ គ្រឿង បានដឹកចូលទីតាំង ការ៉ាស សាំងតេឡា ខាង លើ ! មិនតែប៉ុណ្ណោះ មានរថយន្ត ជាច្រើនគ្រឿង ចត ចាំផ្ទេរប្រេងសាំង ដឹកបន្តទៀតផង ។
មតិសាធារណជន បាននិយាយប្រាប់ថា ប្រេងសាំងនាំចូល ខាងលើនេះ អត់ពន្ធ គ្រាន់តែយក ទីតាំង ស្លាកយីហោ ដើម្បី បំភ័ណ ភ្នែកប៉ុណ្ណោះ ! ព្រោះពុំមាន ការចែកចាយ ឫលក់រាយនោះឡើយ កន្លងមក រថយន្តថៃ ដឹកប្រេងសាំង ខាងលើ ត្រូវបានសមត្ថកិច្ចជំនាញក្នុងខេត្ត ធ្វើការ ចាប់ ឃាត់ខ្លួន ម្តងរួចហើយ តាំងពីខែដំបូង ដែលចាប់ផ្តើមដឹក ប្រេងសាំងមកកម្ពុជាម្ល៉េះ ។
ពាក់ព័ន្ធនឹង បញ្ហានេះ នៅរសៀលថ្ងៃនេះ អ្នកព័ត៌មាន មិនអាចសុំការ ពីលោក ប៉ែន ស្រស់ មន្ត្រីគយចល័ត បាននៅឡើយទេ ! ថាតើ នាយកដ្ឋានគយ និងរដ្ឋាករ បានមិនដឹងពីបញ្ហានេះ ដែរឫទេ ?
![]()
![]()
![]()