ពលរដ្ឋខ្មែរ ពីរនាក់ ឆ្លងដែនចូលទៅលួចមាន់ នៅក្នុងកសិដ្ឋាន របស់ប្រជាពលរដ្ឋថៃ ត្រូវបានថៃបាញ់ឲ្យរងធ្ងន់!
បាត់ដំបង៖ ចូលស្រុកគេកុំចេះតែហ៊ានមានដៃមានជើងពលរដ្ឋខ្មែរ ពីរនាក់ ឆ្លងដែនចូលទៅលួចមាន់ នៅក្នុងកសិដ្ឋាន របស់ប្រជាពលរដ្ឋថៃ ត្រូវបានថៃបាញ់ឲ្យរងធ្ងន់។ហើយត្រូវបានសមត្ថកិច្ចថៃដឹកបញ្ជូនភ្លាមៗ ទៅកាន់មន្ទីរពេទ្យក្នុងស្រុកខ្លងហាត ប្រទេសថៃ ដើម្បីសង្គ្រោះបន្ទាន់ដោយមិនដឹងថាសង្គ្រោះជិវិត្តបានឬអត់ទេ។
យោងតាមរបាយការណ៍ របស់កម្លាំងកងទ័ព ការពារព្រំដែនជួរមុខកម្ពុជា បានឲ្យដឹងថា វេលាម៉ោង៤ ទៀបភ្លឺ ថ្ងៃទី១១ ខែតុលា ឆ្នាំ២០១៧ ប៉ុស្តិ៍ព្រំដែនជួរមុខគីឡូ៩ បានទទួលព័ត៌មាន តាមរយៈទូរស័ព្ទពីឈ្មោះ ឡាក់ ឌី ជាទាហ៊ានសឹករងប្រចាំការណ៍ ខទី១ នៅចំណុចភូមិអូរល្វា ឃុំជ្រៃសីមា ស្រុកសំពៅលូន បានប្រាប់ថា មានប្រជាពលរដ្ផខ្មែរពីរនាក់ ត្រូវបានប្រជាពលរដ្ឋថៃ បាញ់ឲ្យរងរបួសហើយនៅក្នុងទឹកដីថៃ ត្រង់ចំណុចកងវ៉ា ក្នុងភូមិរ៉ាសូភី ឃុំខ្លងហាត ស្រុកខ្លងហាត ខេត្តស្រះកែវ ជាប់នឹងខ្សែបន្ទាត់ព្រំដែនថៃ-កម្ពុជា ។
ក្រោយពីបានទទួលបានព័ត៌មាននេះភ្លាម កម្លាំងទ័ពកម្ពុជា បានទៅដល់កន្លែងភូមិអូរល្វា ឃុំជ្រៃសីម៉ា ដើម្បីត្រួតពិនិត្យ និងធ្វើការសាកសួរទៅលើឈ្មោះ ម៉ៅ ចន្ធី ភេទប្រុស អាយុ៣០ឆ្នាំ ដែល គាត់បានដើរមកពី បេះម្ទេសឲ្យថៅកែថៃ លុះដល់ពេលត្រឡប់មកវិញ ដល់ចំណុចព្រៃរបោះ គាត់បានឃើញជនរងគ្រោះ ២នាក់ កំពុងដេកដួលក្នុងថ្លុកឈាម ក្រោយពេលសួរនាំទើបដឹងថា ពួកគេបានលបឆ្លងដែនចូលទៅលួចមាន់ ក្នុងកសិដ្ឋានរបស់ប្រជាពលរដ្ឋថៃ ហើយត្រូវពួកគេបាញ់តែម្តង ដោយជនជា តិខ្មែរទាំងពីរនាក់នេះមានឈ្មោះ ស្រី ភក្តី ភេទប្រុស អាយុ២៩ ឆ្នាំរស់នៅភូមិអូរល្វា ឃុំជ្រៃសីម៉ា ស្រុកសំពៅលូន ខេត្តបាត់ដំបង និងឈ្មោះ រឿម រឹម ហៅង៉ោល ភេទប្រុស អាយុ ៣០ ឆ្នាំ ជាប្រជាពលរដ្ផរស់នៅភូមិ ល្វា ឃុំបឹងបេងស្រុកម៉ាឡៃ ខេត្តបន្ទាយមានជ័យ ។
ក្រោយពីសមត្ថកិច្ចដឹកទៅកាន់មន្ទីពេទ្យក្នុងស្រុកខ្លងហាត ប្រទេសថៃ ដើម្បីសង្គ្រោះបន្ទាន់ដោយមិនដឹងថាសង្គ្រោះជិវិត្តបានឬអត់ទេ។
ទោះជាយ៉ាងណា មជ្ឈដ្ឋាននានាបានលើកឡើងថា ជនជាតិថៃកាចសាហាវឃោឃៅណាស់គ្រាន់ចោរលួចមាន់សោះបែជាប្រើកាំងភ្លើងបាញ់មនុស្សដូចបាញ់សត្វគ្មានញញើតដៃសោះ។ នេះជាមេរៀនមួយសម្រាប់ពលរដ្ឋខ្មែរដទៃត្រូវចាំថាចូលស្រុកគេកុំចេះតែហ៊ានមានដៃមានជើងលួចគេបានវាគ្រាន់ដល់ពេលគេទាន់វាក្រែល៕
![]()
![]()
![]()