សភាជាតិ ចាប់ផ្តើមប្រជុំធ្វើវិសោធនកម្មច្បាប់ចំនួន ៤ ជាជំហ៊ាន បែងចែកអាសនៈ របស់គណៈ សង្គ្រោះជាតិ
ភ្នំពេញៈនៅព្រឹកថ្ងៃទី ១៦ ខែ តុលា ឆ្នាំ២០១៧នេះ បានជួបប្រជុំដែលមានសមាសភាពចូលរួម មានទាំងសម្តេចអគ្គមហាសេនាបតី តេជោហ៊ុន សែន នាយករដ្ឋមន្ត្រី បានចូលរួមផងដែរ ។
ក្នុងការធ្វើវិសោធនកម្មច្បាប់ចំនួន៤ នេះ សេចក្តីព្រាងច្បាប់សំខាន់ៗចំនួន៤ពាក់ព័ន្ធនឹងវិសោធនកម្មច្បាប់ពាក់ព័ន្ធនឹងការបែងចែកអាសនៈរដ្ឋសភាគណបក្សនយោបាយដែលត្រូវរំលាយ។ សមាជិកសភាជាតិ មានចំនួន ៦៧ រូប មកពីគណបក្សប្រជាជនកម្ពុជា នៃរដ្ឋសភាជាតិ ទាំងមូល ។
កិច្ចប្រជុំសភាលើករបៀបវារៈមួយចំនួននេះ បន្ទាប់ពីអចិន្ត្រៃយ៍រដ្ឋសភា សម្រេចបញ្ជូនរបៀបវារៈសំខាន់ៗចំនួន៤ ពាក់ព័ន្ធនឹងវិសោធនកម្មច្បាប់ដែលគណបក្សនយោបាយដែលត្រូវរំលាយ ទៅចែកឲ្យគណបក្សនយោបាយផ្សេងតាមការកំណត់របស់គណៈកម្មាធិការជាតិរៀបចំការបោះឆ្នោត
របៀបវារៈសំខាន់ៗមានដូចជា ៖
១- វិសោធនកម្មច្បាប់ស្តីពីការបោះឆ្នោតជ្រើសតាំងតំណាងរាស្ត្រ
២- វិសោធនកម្មច្បាប់ស្តីពីការបោះឆ្នោតជ្រើសតាំងព្រឹទ្ធសភា
៣- វិសោធនកម្មច្បាប់ស្តីពីការបោះឆ្នោតជ្រើសរើសក្រុមប្រឹក្សាឃុំ/សង្កាត់
៤- វិសោធនកម្មច្បាប់ស្តីពីការបោះឆ្នោតជ្រើសរើសក្រុមប្រឹក្សារាជធានី ខេត្ត ក្រុង ស្រុក ខណ្ឌ។
នេះជាជំហ៊ានពង្រាងច្បាប់ និងវិសោធនកម្មច្បាប់ ត្រៀមទុកជាមុន ចំពោះគណបក្សនយោបាយ ដែលនឹងរលាយ អាសនៈនៅក្នុង រដ្ឋសភាជាតិ នឹងត្រូវប្រគល់ទៅឲ្យគណបក្សផ្សេង ដើម្បីឲ្យសភា មានដំណើរការប្រជុំបន្តទៅទៀត ។
លោក កែវ ថៃ ជាសមាជិកគណបក្សសង្គ្រោះជាតិ បានមានប្រសាសន៍ថាៈ ច្បាប់ដែលកែប្រែ នោះមិនមានឥទ្ធិពលទេ វាមិនមែនទិដ្ឋភាពផ្លូវច្បាប់មានប្រតិសកម្មទេ ។ ការកែប្រែច្បាប់ដើម្បី យកអាសនៈនៅរដ្ឋសភា នៅក្នុងជួររាជរដ្ឋាភិបាល រហូតដល់ឃុំ/សង្កាត់នោះ គឺជាអំពើប្លន់ មុខ តំណែង តួនាទី របស់គណបក្សសង្គ្រោះជាតិហើយ ។
គណបក្សសង្គ្រោះជាតិ មានអាសនៈនៅក្នុងរដ្ឋសភា និង តំណែងក្រុមប្រឹក្សាឃុំ/សង្កាត់ បានមក ដោយការបោះឆ្នោត ចេញពីឆន្ទៈប្រជាពលរដ្ឋ មិនមែនបានមក ដោយការប្លន់ គំរាមកំហង បោក ប្រាស់ ឬ ទិញលក់នោះទេ ។
ព្រឹកនេះរដ្ឋសភាជាតិ បានអនុម័ត សេចក្តីព្រាងច្បាប់ និង វិសោធនកម្មច្បាប់ចំនួន ៤នោះ ដោយបានរៀបចំទុកជាមុន ដែលសម្តៅទៅលើគណបក្សសង្គ្រោះជាតិ ដែលកំពុងនៅជាប់ បណ្តឹងរបស់ក្រសួងមហាផ្ទៃនៅតុលាការកំពូល ។ នៅពេលណាតុលាការកំពូលសម្រេចរំលាយ
គណៈបក្សមួយនេះ ច្បាប់មានរួចជាស្រាច់ ហើយគណៈកម្មការរៀបចំការបោះឆ្នោតជាអ្នកធ្វើ ការ បែងចែកអាសនៈ ដោយយកអាសនៈរបស់គណបក្សនយោបាយរលាយ ទៅធ្វើការបែងចែកជូន គណបក្សផ្សេង ក្នុងនោះាចជា អគណបក្សហ៊្វុនស៊ិនប៉ិច អាចនឹងទទួលបានអាសនៈនៅក្នុងរដ្ឋសភា នឹង គេដែរ ..៕
·
![]()
![]()
![]()