ថ្នាំញៀនខេទឹកកកទំងន់១០១,៩ក្រាម យ៉ាម៉ា៤,០៣៣គ្រាប់ រូមនិងជនសង្ស័យ០៣ នាក់ត្រូវបានកម្លាំងអាវុធហត្ថឃាត់ខ្លួន

បន្ទាយមានជ័យ៖ អាវុធហត្ថក្រុងប៉ោយប៉ែតបង្ក្រាបករណីជួញដូរគ្រឿងញៀនទ្រង់ទ្រាយធំ ឃាត់ខ្លួនជនសង្ស័យចំនួន០៣នាក់និងរឹបអូសបានថ្នាំញៀនខេទឹកកកទំងន់១០១,៩ក្រាម យ៉ាម៉ា៤,០៣៣គ្រាប់បញ្ជូនទៅតុលាការ។
យោងតាមរបាយការណ៍កងរាជអាវុធហត្ថមូលដ្ឋានបានឲ្យដឹងថា៖នៅវេលាម៉ោង១២ និង ៣០ នាទីថ្ងៃទី៣០ ខែកញ្ញា ឆ្នាំ២០១៧ ដោយមានការសម្របសម្រួលពីលោក មាស ច័ន្ទពិសិដ្ឋ ព្រះរាជអាជ្ញាធរអមសាលាដំបូងខេត្តបន្ទាយមានជ័យ កម្លាំងមូលដ្ឋានកងរាជអាវុធហត្ថក្រុងប៉ោយប៉ែត  បានបង្ក្រាប ករណីជួញដូរ និងចែកចាយគ្រឿងញៀន នៅចំណុចភូមិក្បាលកោៈ សង្កាត់-ក្រុងប៉ោយប៉ែត ដោយឃាត់ខ្លួនជនសង្សយ័ចំនួន០៣ នាក់ ១-ឈ្មោះ សៀង ស្រីណែត ភេទស្រី អាយុ១៦ ឆ្នាំ រស់នៅភូមិសាមគ្គីមានជ័យ សង្កាត់-ក្រុងប៉ោយប៉ែត២- ឈ្នោះ សៀង ហួរ ភេទប្រុសអាយុ១៨ឆ្នាំ
៣-ឈ្មោះ ឡៃ ហួរ ភេទស្រី អាយុ៤៦ ឆ្នាំ ជនសង្ស័យរស់នៅភូមិក្បាលកោះ សង្កាត់-ក្រុងប៉ោយប៉ែត។ និងដកហូតវត្ថុតាងរូមាន
១-ខេទឹកកកពណ៌សចំនួន០១ថង់ថ្លា ទំងន់១០១,៩ក្រាម
២-គ្រឿនញៀនយ៉ាម៉ាចំនួន២០ថង់ពណ៏ខៀវ ស្មើនិង ៤០៣៣ គ្រាប់
៣-ជញ្ជីងសំរាប់ថ្លឹងគ្រឿងញៀន០១និងថង់តូចថ្លាសំរាប់វិចខ្ចប់មួយចំនួន។

ជនសង្ស័យ និងវត្ថុតាងត្រូវបានមន្ត្រីជំនាញ បញ្ជួនទៅសាលាដំបូងខេត្តដើម្បីចាត់ការបន្តទៅតាមនិតិវិធី៕