ចៅសង្កាត់អូរចារបានរិះគន់ខ្លាំងៗថា៖ កុំប្រើដៃម្ខាងគំរាមរំលាយបក្សខ្ញុំ និងដៃម្ខាងទៀតអូសទាញអោយខ្ញុំចុះចូលនោះ

ភ្នំពេញ) បន្ទាប់ពីនាយករដ្ឋមន្ត្រី ហៅបុរសខ្មៅប្រចាំប្រទេសកម្ពុជា ប្រកាសជាចំហរថា គណបក្សសង្គ្រោះជាតិនឹងត្រូវរំលាយក្នុងពេលឆាប់ៗខាងមុខនេះហើយបើកផ្លូវឲ្យមេភូមិ មេឃុំ និងមន្ត្រីរបស់គណបក្សសង្គ្រោះជាតិអាចូលរួមរស់ជាមួយនឹងបក្សកាន់អំណាចបានបន្ត ទៀតប្រសិនបើមិនចង់បាត់បង់មុខតំណែងរបស់ខ្លួននោះទេ។ 

ការប្រកាសរបស់លោក ហ៊ុនសែន បែបនេះគឺធ្វើឡើងកាលពីព្រឹកថ្ងៃទី២២ ខែតុលា ឆ្នាំ២០១៧ ក្នុងជំនួបសំណេះសំណាលជាមួយកម្មករ កម្មករនីរោងចក្រនៅកោះពេជ្រ។

មេឃុំមួយចំនួនរបស់គណបក្សសង្គ្រោះជាតិបានប្តេជ្ញាចិត្តមិនចួលរួមជាមួយគណបក្សដែលបំផ្លាញជាតិ បំផ្លាញប្រជាពលរដ្ឋនិងពោរពេញទៅដោយការរំលោភសិទ្ធិមនុស្សយ៉ាងធ្ងន់ធ្ងរនោះទេ ដោយមេឃុំទាំងនោះលើកឡើង​ថា សារ​នយោបាយ​របស់​លោក ហ៊ុន សែន នៅ​ពេល​នេះ​គ្រាន់​តែ​ចង់​បំបាក់​ស្មារតី​របស់​មន្ត្រី​បក្ស​ប្រឆាំង​តែ​ប៉ុណ្ណោះ។

នៅនារាត្រីនេះផងដែរ កញ្ញា ស៊ិន រ៉ូហ្សេត ចៅសង្កាត់អូរចារក៏បានបង្ហាញពីជំហររបស់ខ្លួនយ៉ាងម៉ឺងម៉ាត់ថា បើទោះជាកំដៅនយោបាយ បានដុតរោលរាយលមកលើគណបក្សសង្គ្រោះជាតិយ៉ាងសន្ធោសន្ធៅក៏ដោយ ក៏បេះដូង ទឹកចិត្ត ឧត្តមគតិ និងមនសិការរបស់ចៅសង្កាត់ រូបនេះ និងអ្នកគាំទ្រគណបក្សសង្គ្រោះជាតិទាំងអស់មិនរុញរា មិនខ្លបខ្លាច មិនចុះញ៉ម ឬការភ័យខ្លាចនឹងការបាត់បង់មុខតំណែង តួនាទី ជាចៅសង្កាត់ ឬជាសមាជិកក្រុមប្រឹក្សាឃុំសង្កាត់នោះទេ។

ចៅសង្កាត់រូបនេះបានព្រមានធ្ងន់ៗថា សូមកុំប្រើដៃម្ខាងគំរាមរំលាយបក្សសង្គ្រោះជាតិ និងដៃម្ខាងទៀតព្យាយាមអូសទាញឲ្យមន្ត្រីសង្គ្រោះជាតិចូលរួមឃុបឃិតទង្វើអាក្រក់ជាមួយនឹងខ្លួនឲ្យសោះ។

កញ្ញា បានបន្តថា កាលដែលកញ្ញាសម្រេចចិត្តចូលរួមធ្វើការជាមួយគណបក្សសង្គ្រោះជាតិដំបូង កញ្ញាមិនដែលមានបំណងចង់ធ្វើជាក្រុមប្រឹក្សា ឬចៅសង្កាត់ម្តងណាឡើយ តែអ្វីដែលជាក្តីបំណងធំរបស់ចៅសង្កាត់រូបនេះគឺ  “ការផ្លាស់ប្តូរជាវិជ្ជមាន តាមរយះការបោះឆ្នោតដោយឈរលើគោលការណ៍អហឹង្សា “  ។ឧត្តមគតិមិនអាចកាត់ថ្លៃបាន !ទោះប៉ុន្មានខែចុងក្រោយនេះកំដៅនយោបាយបានដុតរោលមកលើគណបក្ស សង្គ្រោះជាតិយ៉ាងសន្ធោសន្ធៅយ៉ាងណាក្តី ក៏ទឹកចិត្ត ឧត្តមគតិមនសិកាស្នេហាជាតិ របស់ខ្ញុំ ក៏ដូចអ្នកគាំទ្រគណបក្ស សង្គ្រោះជាតិទាំងអស់មិនរុញរា មិនខ្លបខ្លាច មិនចុះញ៉ម ទៅនឹងអំណាចគំរាម អំណាចទឹកលុយ និងការបាត់បង់មុខដំណែងតួនាទី ជាចៅសង្កាត់ ឬជាសមាជិកក្រុមប្រឹក្សាឃុំ/សង្កាត់បន្តិចណាសោះ ។ដូច្នេះខ្ញុំសូមបញ្ជាក់ថា កុំប្រើដៃម្ខាងគំរាមរំលាយបក្សខ្ញុំ និងដៃម្ខាងទៀតអូសទាញអោយខ្ញុំចុះចូលជាមួយបក្សរបស់អ្នកអោយសោះ ព្រោះកាលខ្ញុំសម្រេចចិត្តចូលរួមជាមួយគណបក្ស សង្គ្រោះជាតិដំបូង ខ្ញុំមិនដែលមានបំណងចង់ធ្វើជាក្រុមប្រឹក្សាឃុំ/សង្កាត់ ឬមេឃុំ/ចៅសង្កាត់ម្តងណាឡើយ គឺបំណងរបស់ខ្ញុំមានតែមួយគត់ “ការផ្លាស់ប្តូរជាវិជ្ជមាន តាមរយះការបោះឆ្នោតដោយឈរលើគោលការណ៍អហឹង្សា “ ៕