ចៅក្រមតុលាការកំពូល បានប្រញាប់ប្រញាល់ ចាត់វិធានការ ពិនិត្យទៅលើគណបក្សសង្គ្រោះជាតិ តើអាចរំលាយបានទេ ?

  ភ្នំពេញៈ កាលពីថ្ងៃទី ០៩ ខែ តុលា ឆ្នាំ ២០១៧ ចៅក្រមរបស់តុលាការកំពូល បានបង្គាប់ឲ្យខាងនីតិបុគ្គល គណបក្សសង្គ្រោះជាតិ ដាក់ឯកសារត្រៀម នៅក្នុងសំណុំរឿងរដ្ឋប្បវេណី លេខ ១០ គប ចុះថ្ងៃទី០៦ ខែតុលា ឆ្នាំ២០១៧ ដែលដើម​បណ្តឹងជាក្រសួងមហាផ្ទៃ ប្តឹងសុំរំលាយគណបក្សសង្គ្រោះជាតិ ។

គណបក្សសង្គ្រោះជាតិ កំពុងតែប្រឈមមុខ ក្នុងការរំលាយគណបក្សមួយនេះ តាមរយៈតុលាការ កំពូល  ពិនិត្យពិចារណា វិនិច្ឆ័យរឿងក្តីនេះ ដោយឯករាជ្យ មិនលុះក្រោមអំណាចស្ថាប័នណាមួយ ឡើយ ។  ដើមបណ្តឹងរដ្ឋប្បវេណីនៃរឿងក្តីនេះ គឺក្រសួងមហាផ្ទៃ ដោយបានឲ្យមេធាវីចំនួន៥ រូប ជាអ្នកតំណាងដោយអាណត្តិ ដើម្បីជួយជំរុញឲ្យរឿងក្តីឲ្យដំណើរការ រហូតដល់ចប់នីតិវិធី ។

ដំណើរការនីតិវិធីនៃពាក្យបណ្តឹងរំលាយគណបក្សនយោបាយនេះ ត្រូវបានតុលាការកំពូល បាន ចាត់វិធានការយ៉ាងឆាប់រហ័ស នូវរឿងក្តីនេះ ហើយបានចាប់ផ្តើមដំណើរ ចាប់ពីថ្ងទី ៩ ខែតុលា ឆ្នាំ២០១៧ ។ ក្នុងការប្តឹងរំលាយគណបក្សសង្គ្រោះជាតិនេះ មានប្រតិកម្មពីអតីតៈស្ថាបនិក គណ បក្សហ្វ៊ុនស៊ិនប៉ិចយ៉ាងខ្លាំង ហើយបានលើកឡើងថា” បើសិនជាគណបក្សសង្គ្រោះជាតិរលាយ ត្រូវរលាយទាំងអស់ “។

ដោយសារតែនីតិវិធីរបស់តុលាការកំពូលកំពុងដំណើរនេះ ក្រុមអ្នកច្បាប់កំពុងរង់ចាំមើលលើនីតិ វិធីរបស់តុលាការកំពូលនេះ ។

ប្រជាពលរដ្ឋគាំទ្រគណបក្សសង្គ្រោះជាតិ បានបញ្ចេញមតិថា” ពួកខ្ញុំមិនពេញចិត្តចំពោះចំណាត់ ការនេះទេ ព្រោះបើសិនជាគណបក្សសង្គ្រោះជាតិរលាយមែននោះ ពួកយើងខ្ញុំមិនសុខចិត្ត ចំពោះចំណាត់ការនេះទេ យើងខ្ញុំសូមសំណូមពរ ឲ្យខ្មែរទាំងអស់រួមគ្នា ហើយគណបក្សទាំងអស់ គិតពីប្រយោជន៍ជាធំ ប្រសើរជាងគិតប្រយោជន៍ក្រុមខ្លួន៕