បុរសសតិមិនគ្រប់ម្នាក់ធ្លាក់ពីលើរថយន្តដឹកទំនិញរបស់ជនជាតិថៃបណ្តាលឲ្យរងរបួសធ្ងន់!
ខេត្តបន្ទាយមានជ័យ៖បុរសវ័យជាង៣០មានសន្តិមិនគ្រប់ម្នាក់បានរងរបួសធ្ងន់ហើយបាខណះដែលរូបគេបានឡើងតោងរថយន្តដឹកទំនិញរបស់ជនជាតិថៃរបូតដៃធ្លាក់បណ្តាលឲ្យធ្លាក់មកលើថ្នល់បង្ករអោយមានការភ្ញាក់ផ្អើលទាំងយប់។
ហេតុការណ៍នេះបានកើតឡើងកាលពី វេលាម៉ោង៨និង៤០នាទីយប់ថ្ងៃទី១០ខែវិច្ឆិការឆ្នាំ២០១៧នៅលើកំណាត់ផ្លូវជាតិលេខ៥ ត្រង់ចំណុចខាងមុខសណ្ឋាគារសុង ដារ៉ា ស្ថិតនៅក្នុងភូមិបាលិលេយ្យ២ សង្កាត់ប៉ោយប៉ែតក្រុងប៉ោយប៉ែត ខេត្តបន្ទាយមានជ័យ។
ប្រភពពីកន្លែងកើតហេតុបានប្រាប់អោយដឹងថា៖ជនរងគ្រោះត្រមាវបានគេស្គាល់ថាឈ្មោះ សុខ តុលា ភេទប្រុសអាយុប្រហែលជាង៣០ឆ្នាំ មានស្រុកកំណើតនៅស្រុកព្រះស្តេច ខេត្តព្រៃវែង។ចំណែកម្ចាស់រថយន្តបង្កមានឈ្មោះសុ ធីណាន់ ភេទប្រុសអាយុ៣៣ឆ្នាំ ជនជាតិថៃមុខរបតៃកុងរថយន្ត រស់នៅខេត្តហ្គោនគែន ប្រទេសថៃ បើកបររថយន្តប្រភេទដឹកទំនិញពាក់ស្លាក់លេខស្រះកែវ 70-1014។បើតាមប្រភពព័ត៌មានពីកន្លែងកើតហេតុបានឲ្យដឹងថា៖នៅមុនពេលកើតហេតុគេបានឃើញរថយន្តដឹកទំនិញរបស់ជនជាតិថៃខាងលើបានបើបរក្នុងទិសដៅពីកើតទៅលិចក្នុងគោលបំណងចូលទៅប្រទេសថៃ លុះមកដល់ចំណុចកើតហេតុខាងលើក៏ស្រាប់តែបុរសរងគ្រោះខាងលើធ្លាក់ពីលើរថយន្តផ្នែកខាងក្រោយបណ្តាលឲ្យបែកក្បាលនិងបាក់ជើងខាងស្តាំ។បើតាមតៃកុងរថយន្តដែលជាជនជាតិថៃបានឲ្យដឹងថា៖ខ្លួនមិនបានដឹងថាមានមនុស្សនៅខាងក្រោយរថយន្តនោះទេខណៈដែលកំពុងតែបើកក៏ស្រាប់តែមានមនុស្សធ្លាក់ពីលើរថយន្តរបស់ខ្លួនទៅវិញបង្កឲ្យមានការភ្ញាក់ផ្អើល។បើតាមប្រភពពីអ្នករត់ម៉ូតូឌុបបានបញ្ជាក់ថា៖នាពេលកន្លងមកជនរងគ្រោះតែងតែដើរលើទ្រូងផ្លូវដោយមិនខ្លាចមានគ្រោះថ្នាក់កើតឡើងឡើយ សង្ស័យអាចជាមនុស្សសន្តិមិនគ្រប់។ក្រោយពីកើតហេតុកម្លាំងសមត្ថកិច្ចក្រុងប៉ោយប៉ែតបានចុះធ្វើការវាស់វែងនិងខលហៅរថយន្តរបស់មន្ទីពេទ្យបង្អែកដីថ្មី ដើម្បីជួយសង្គ្រោះបន្ទាន់។ដោយឡែករថយន្តបង្ករបស់ជនជាតិថៃត្រូវបានកម្លាំងសមត្ថកិច្ចនាំយកទៅរក្សាទុកនៅអធិការដ្ឋាននគរបាលក្រុងប៉ោយប៉ែតរងចាំដោះស្រាយគ្នាជាក្រោយ៕
![]()
![]()
![]()