លោកចៅ វាសនា អតីត:ចៅសង្កាត់រងទី២ សង្កាត់ប៉ោយប៉ែត និងជាបេក្ខភាពប្រធានក្រុមប្រឹក្សាសង្កាត់ប៉ោយប៉ែត ទទួលបន្ទុកផ្នែកសន្តិសុខសណ្តាប់ធ្នាប់ នៅក្នុងសង្កាត់ ។ កាលពីថ្ងៃទី២៥ ខែឧសភា ឆ្នាំ ២០១៥ មានក្រុមកម្មករអូសរទេះបានធ្វើបាតុកម្មអហិង្សា ទាមទារអោយមន្ត្រីគយនិងរដ្ឋាករក្រុងប៉ោយប៉ែត ជួយបន្ធូរបន្ថយការយកថ្លៃដឹកទំនិញ ក្នុងពេលធ្វើបាតុកម្មអហិង្សានោះ មានមន្ត្រី សមត្ថកិច្ចPMបានប្រើហិង្សាលើកម្មករអូសរទេះ ទើបមានបាតុកម្មហិង្សាមួយ កើតឡើង ដោយមានយកដុំថ្មគប់អាគារគយនិងរដ្ឋាករ ព្រមទាំងរថយន្ត បណ្តាលឲ្យខូចខាត ។ ចំណែកលោក ចៅ វាសនា ដែលក្នុងសំលៀកបំពាក់ ជាមន្ត្រីសាធារណ: បានប្រឹងប្រែងរកស្វះស្វែងរកដំណោះស្រាយ ទាំងភាគីកម្មករ និង  គន្ត្រីគយ ជួបគ្នាកុំឲ្យមានប៊ញ្ហាណាកើតឡើង តែចំណែកលោក អភិបាលក្រុង ប៉ោយប៉ែត លោកបានចុះទៅកន្លែងកើត ហេតុនោះដែរ ក្នុងសំលៀកបំពាក់ ជាស៊ីវិល បានឃ្លាំមើលព្រឹត្តិការណ៍ឡើងដែរ ។ តែក្រោយមានបាតុកម្មហិង្សាបំផ្លាញ អាគារគយនិងរដ្ឋាករ ព្រមទាំងរថយន្តផងនោះ ហើយព្យសនមកម្មកើតឡ់ង លើករណីនេញទាមទារអោយមានអ្នកទទួលខុសត្រូវ បែរជាលោកអភិបាលក្រុងប៉ោយប៉ែត បានធ្វើរបាយការណ៍ផ្ញើជូនឯឧត្តមអភិបាលខេត្ត ដោយចោទប្រកាន់ទៅមនុស្សពីរនាក់ គឺ លោក ចៅ វាសនា និង លោក ឌិន ពុទ្ធី ព្រមទាំងគូកន ជាអ្នកនៅពីក្រោយរឿង បាតុកម្មហិង្សានេះ ។ ដោយសារតែរឿងនេះលោក ចៅ វាសនា ត្រូវបានសាលាដំបូង ខេត្តបន្ទាយមានជ័យ បានសម្រេចឃុំខ្លួនបណ្តោះ អាសន្នក្នុងពន្ធនាគារ ចំណែកលោក ឌិន ពុទ្ធី សម្រេចដាក់នៅក្រោមការត្រួតពិនិត្យតាមផ្លូវតុលាការ ។ 

លោក ចៅ វាសនា ធ្លាប់ផ្តល់សម្ភាសន៍ជាមួយខ្មែរជាយដែន លោកមានការសោកស្តាយណាស់ លោកខិតខំប្រឹងជួយទប់ស្កាត់បញ្ឆៀសមិនអោយមានអំពើហិង្សាកើតឡើង ក្នុងនាមលោក ជាមន្ត្រៅសាធារណ: បែរធ្វើការចោទប្រកាន់មកលើ ខ្លួនលោកវិញ ចំណែកសមត្ថកិច្ច វាយដំកម្មករ តុលាការគ្មានចំណាត់ការ ទៅលើជនប្រព្រឹត្តឡើយ។