អគ្គនាយកដ្ឋានគយនិងរដ្ឋាករកម្ពុជាជូនដំណឹងថានិងពន្លឿនការចុះហត្ថលេខា អនុស្សារណៈនៃការយោគយល់គ្នាស្តីពីការដឹកទំនិញឆ្លងកាត់ឲ្យបានមុនកាលបរិឆ្ឆេទចូលជាធរមាននៃច្បាប់គយថ្មីរបស់ប្រទេសថៃ!

បន្ទាយមានជ័យ៖កាលពីថ្ងៃទី១៣ខែវិច្ឆិការឆ្នាំ២០១៧នេះអគ្គនាយកដ្ឋានគយនិងរដ្ឋាករកម្ពុជា បានចេញ លិខិតជូនដំណឹងលេខ២៤០៨ /១៧ អ គ រដោយជម្រាបជូនដំណឹងដល់សាធារណជន ជាពិសេសពាណិជ្ជករនិងប្រតិបត្រករដឹកជញ្ជូនទំនិញនាំចេញនាំចូលពាក់ព័ន្ធទាំងអស់ឲ្យបានជ្រាបថាបន្ទាប់ពី អ គ រ បានចេញសេចក្តីជូនដំណឹងចុះថ្ងៃទី៣១ខែតុលាឆ្នាំ២០១៧ស្តីពីបញ្ញត្តិហាមឃាត់ការដឹកជញ្ជូនទំនិញឆ្លងកាត់ប្រទេសថៃតាមផ្លូវគោកអនុលោមតាមច្បាប់ថ្មីរបស់ថៃ ហើយអគ្គនាយកដ្ឋានគយនិងរដ្ឋាករកម្ពុជា បានខិតខំទំនាក់ទំនងយ៉ាងជិតស្និតនិងជាប្រចាំជាមួយរដ្ឋបាលគយថៃ ដើម្បីពន្លឿនការចុះហត្ថលេខា អនុស្សារណៈនៃការយោគយល់គ្នាស្តីពីការដឹកទំនិញឆ្លងកាត់ឲ្យបានមុនកាលបរិឆ្ឆេទចូលជាធរមាននៃច្បាប់គយថ្មីរបស់ប្រទេសថៃគឺថ្ងៃទី១៣ខែវិច្ឆិកាឆ្នាំ២០១៧នេះ។សូមអានលិខិតជូនដំណឹងខាងក្រោម៕