មេឈ្មួញឈើក្រញ៉ូងល្បី ឈ្មោះដុស ជា នាយទាហ៊ាន នៅកងពលលេខ៤២ ប្រម៉ូលទិញផ្ដាច់មុខនៅទឹសទី៣ខេត្តឧត្តរមានជ័យ និងដឹកជ ញ្ជូន ទៅខេត្តស្វាយរៀងព្រំដែនវៀតណាម
ខេត្តឧត្តរមានជ័យ÷នាយទាហ៊ានម្នាក់បំរើការ នៅអង្គភាពកងពលតូចលេខ៤២ ម្នាក់ ឈ្មោះដុស ដែលកុំពុងតែល្បីឈ្មោះយ៉ាងខ្លាំង ក្នុងមុខជុំនួញ នាំពលករឆ្លងដែនកាប់ឈើក្រញ៉ូងនៅក្នុងទឹកដីថៃ និងប្រម៉ូលទិញឈើក្រញ៉ូងផ្ដាច់មុខនៅតំបន់របស់ខ្លួនឈរជើង នៃបង្គោល សីម៉ាលេខ១៣ ទឹសទី៣សមរភូមិមុខ ក្នុងភូមិដងទង់សង្កាត់កូនគ្រាលក្រុងសំរោងខេត្តឧត្តរមានជ័យ។
មុខជុំនួញបទល្មើសរបស់នាយទាហ៊ាន ឈ្មោះ ដុស នៅអង្គភាពកងពលតូចលេខ៤២ កុំពុងរងការសង្ស័យថា លោកឧត្តមសេនីយ៍ទោ ប៉ែន វយ មេបញ្ជាការកងពលបើកភ្លើងខៀវនិងនៅពីក្រោយខ្នង ពីព្រោះមេឈ្មួញខាងលើល្បីឈ្មោះច្រើនឆ្នាំមកហើយ ដែលលោកមេបញ្ជាការធ្វើដូចជាមិនដឹងមិនលឺ។
សមត្ថកិច្ចបានបង្ហើបអោយដឹងនៅថ្ងៃទី១៤ខែវិច្ឆិការឆ្នាំ២០១៧នេះថា ឈ្មោះដុសមេឈ្មួញរកស៊ីមុខជុំនួញឈើក្រញ៉ូង នៅតំបន់ទឹសទី៣នេះ គឺបានរត់ការសមត្ថកិច្ចនៅខេត្តឧត្តរមានជ័យអស់ហើយគ្មាននាក់ណាហាមឃាត់និងធ្វើការ បង្ក្រាបឡើយ ទាំងសកម្មភាពនាំពលករឆ្លងដែន និងសកម្មភាពដឹកជញ្ជូនឈើក្រញ៉ូងចេញចូលនៅតាមបន្ទាត់ព្រំដែនដោយសេរីរហូតទៅដល់ស្រុកំពង់រោរ៍ខេត្តស្វាយរៀងទៀត។ប្រភពបានបន្ដរថាមេឈ្មួញជានាយទាហ៊ានឈ្មោះដុស នេះមិនត្រឹមតែរកស៊ីបទល្មើសនៅតាមបន្ទាត់ព្រំដែនកម្ពុជាថៃប៉ុណ្ណោះទេ គេបន្ដដឹកជញ្ជូនឈើក្រញ៉ូងរហូតដល់ ខេត្តស្វាយរៀង ព្រំដែនវៀតណាមទៀតផង ដោយកន្លងទៅថ្មីៗនេះរថយន្ដហាយឡែនឌរ័ចំនួនពីរគ្រឿងរបស់ មេឈ្មួញខាងលើ បានគ្រោះថ្នាក់ ចរាចរណ៍នៅខេត្តស្វាយរៀងមួយគ្រឿង និងខូចនៅខេត្តកំពង់ធំមួយគ្រឿង ដែលត្រូវបានសមត្ថកិច្ចបង្ក្រាបបាន។
លោកដុស បានអោយដឹងតាមទូសព្ទ័ថាលោកមិនបានធ្វើទេរាល់ថ្ងៃគឺនៅផ្ទះ។តែសមត្ថកិច្ចប្រចាំនៅទឹសទី៣ថាលោកដុស ធ្វើសក្មភាពរាល់ថ្ងៃ ដាក់ពលករទៅដេកនៅជើងភ្នុំដងរ៉ែក៥០ទៅ៦០នាក់ធ្វើយ៉ាងស្ងាត់ស្ងាម ហើយពាក្យថាមិនបានធ្វើគឺជាពាក្យដោះសារនិងជាល្បិចរបស់ឈ្មួញ៕ដោយប៉ែន នួន
![]()
![]()
![]()