បុរសម្នាក់យកពូថៅកាប់ប្អូនថ្លៃដាច់កត្រូវ សមត្ថកិច្ចឃាត់ខ្លួន!
ខេត្តបាត់ដំបង៖ពិតជាសាហាវមែនខឹងប្អូនថ្លៃជេរប្រមាថរកសំលាប់ឪពុកជនសង្ស័យក៏បានយកពូថៅរបស់ខ្លួនពីផ្ទះទៅកាប់ជនរងគ្រោះកំពុងដេកលក់លើគ្រែក្រោមផ្ទះបណ្តាលអោយដាច់កស្លាប់ទាំងថ្ងៃតែម្តង។
ហេតុការណ៍ដ៏គួរអោយរន្ធត់នេះបានកើតឡើងនៅវេលាម៉ោង14និង40នាទីថ្ងៃទី26ខែវិច្ឆិកាឆ្នាំ2017
នៅចំណុច ក្រុមទី3 ភូមិជ័យជំនះ ឃុំបឹងប្រាំ ស្រុកបវេល ខេត្តបាត់ដំបង ។
ជនរងគ្រោះឈ្មោះយ៉ុងតុណាភេទប្រុសអាយុ25ឆ្នាំមានទីលំនៅកន្លែងកើតហេតុខាងលើ។ ចំនែកជន សង្ស័យឈ្មោះហៀងវណ្ណាភេទប្រុសអាយុ29ឆ្នាំមុខរបរធ្វើស្រែរស់នៅភូមិកើតហេតុផងដែរ។
សមត្ថកិច្ចបានអោយដឹងថាមូលហេតុដោយជនសង្ស័យខឹងជនរងគ្រោះដែលជាប្អូនថ្លៃជេរប្រមាថរកសំលាប់ឪពុកខ្លួនៗក៏បានយកពូថៅរបស់ខ្លួនពីផ្ទះទៅកាប់ជនរងគ្រោះកំពុងដេកលក់លើគ្រែក្រោមផ្ទះឪពុកជនសង្ស័យឈ្មោះធីវែងអាយុ57ឆ្នាំនៅភូមិកើតហេតុបណ្តាលអោយដាច់កជនរងគ្រោះស្លាប់នៅកន្លែងកើតហេតុតែម្តង។
ទោះជាយ៉ាងណាបច្ចុប្បន្នសង្ស័យត្រូវបានឃាត់ខ្លួននៅអធិការស្រុកបវេលដើម្បីចាត់ការទៅតាមផ្លូវច្បាប់ផងដែរ៕
