ថ្ងៃទី១៨ ខែឧសភា ឆ្នាំ២០៥០
សារព័ត៌មាន ខ្មែរជាយដែន ( ជាសារព័ត៌មានឯករាជ្យ ទាន់ហេតុការណ៍ ចំពោះព្រឹត្តិការណ៍កើតឡើងនៅក្នុងប្រទេសកម្ពុជា )​ហ៊ាននិយាយការពិត ប្រសើរជាងនិយាយការពារ
រថយន្តសាំយ៉ុង១គ្រឿង លួចដឹកឈើប្រណិតចូល ក្រុងបានលុង ខេត្តរតនគិរី ត្រូវកម្លាំងអាវុធហត្ថចាប់បាន
ថ្ងៃទី ១៦ ខែ មករាឆ្នាំ ២០១៧​ ម៉ោង 04:57 PM
ដោយ ៖ ខ្មែរជាយដែន (ចំនួនអ្នកអាន: 767នាក់)


(រតនគិរី)៖ កម្លាំងអាវុធហត្ថមូលដ្ឋានស្រុកវ៉ើនសៃ សហការ​ជាមួយកម្លាំងរដ្ឋបាលព្រៃឈើសង្កាត់វ៉ើនសៃ និងកម្លាំងនគរបាលប្រឆាំង បទល្មើសសេដ្ឋកិច្ច នៃស្នងការនគរបាលខេត្តរតនគិរី នៅព្រឹកថ្ងៃទី១៦ ខែមករា ឆ្នាំ២០១៧​នេះ បានស្ទាក់ចាប់រថយន្តសាំយ៉ុងមួយគ្រឿង ផ្ទុកឈើប្រណិតពេញ នៅចំណុចនិយាមការ៥៨២៨៧-៥២៨២៩ ត្រង់ចំណុចផ្លូវបំបែកកាចូន ស្ថិតក្នុងភូមិវង ឃុំកា​ចូន ស្រុកវ៉ើនសៃ​។

​លោក ឡាក់ ស៊ុយហន មេបញ្ជាការអាវុធហត្ថមូលដ្ឋានស្រុកវ៉ើនសៃ បានឲ្យដឹងថា ដោយមាន​ការណែនាំពីលោកឧត្តមសេនីយ៍ត្រី គឹម រស្មី មេបញ្ជាការអាវុធហត្ថខេត្តរតនគិរី ដល់កម្លាំងអាវុធហត្ថក្រោម​ឱវាទ ឲ្យធ្វើការទប់ស្កាត់ ការដឹកជញ្ជូនឈើដូចភ្លៀងរលឹម។

ជាក់ស្តែងរថយន្តសាំយ៉ុង លួចដឹកឈើប្រណិតនេះ ពណ៌ស្លែ ពាក់ស្លាកលេខភ្នំពេញ​2U-1080 ត្រូវបានកម្លាំងសហការ​បង្ក្រាបភ្លាមៗ ​បន្ទាប់​​ពីមានសេចក្តីរាយការណ៍ ពីកម្លាំងសំងាត់ ប៉ុន្តែក្នុងប្រតិបត្តិការខាងលើនេះ កម្លាំង​មិនបាន​ឃាត់អ្នកបើករថយន្ត និងអ្នកពាក់ព័ន្ធ បានទេ ព្រោះពួកគេដឹងខ្លួនទាន់បើកទ្វាររថយន្តរត់គេចខ្លួនបាត់អស់។

លោកមេបញ្ជាការ បន្តថាការងារបង្ក្រាបការដឹកជញ្ជូនឈើ ទទួល​បានជោគជ័យ ដោយសារមានការណែនាំពីលោកមេបញ្ជាការ​ និងមានការ​សហការ​ ​ជាមួយ​ជំនាញរដ្ឋបាលព្រៃឈើ និងស្ថាប័នពាក់ព័ន្ធផ្សេងទៀត។

បច្ចុប្បន្នវត្ថុតាងរថយន្តមួយគ្រឿង និងឈើប្រណិតធ្នុងជាច្រើនដុំ បានដឹកមករក្សាទុកនៅខណ្ឌ​រដ្ឋបាលព្រៃឈើ ដើម្បីធ្វើការស្រាវជ្រាវ រកម្ចាស់ឈើ មកធ្វើការពិន័យតាមច្បាប់ស្តីពីព្រៃឈើ​៕

ព័ត៌មានគួរចាប់អារម្មណ៍

ពលរដ្ឋ​​៣​ភូមិ​​ នៅ​ស្រុក​សណ្ដាន់​ ​​រង​គ្រោះ​​ដោយ​សារ​​​ក្រុមហ៊ុន​ ស៊ី​អ ស៊ី​ខេ ឈូក​ឆាយ​រំលោភ​យក​ដី​​ពួក​គាត់ ​សុំ​ឲ្យ​​សម្ដេច​តេ​ជោ​​ជួយ​អន្តរាគមន៍ (ខ្មែរជាយដែន)

ព័ត៌មានគួរចាប់អារម្មណ៍

ឆ្នោត​ សៀម​និង​យួន ​ត្រូវ​គេ​បើក​​លេង​​ម៉ាសេរី​ ​នៅ​ទី​ក្រុង​ទេសចរណ៍​​​សៀមរាប ​​ (ខ្មែរជាយដែន)

ព័ត៌មានគួរចាប់អារម្មណ៍

រថយន្ត​ធុន​ធំ​ ​ដឹក​ប្រេង​គេចពន្ធ ​ពី​ថៃ​ ចូល​កម្ពុជា​​ តាម​ច្រក​ជប់​គគីរ ​​ម៉ាសេរី​​​ (ខ្មែរជាយដែន)

វីដែអូ

ចំនួនអ្នកទស្សនា

ថ្ងៃនេះ :
135 នាក់
ម្សិលមិញ :
936 នាក់
សប្តាហ៍នេះ :
2655 នាក់
ខែនេះ :
21635 នាក់
3 ខែនេះ :
68402 នាក់
សរុប :
2361253 នាក់