លោក នាយករដ្ឋមន្ត្រី ហ៊ុន សែន ម្តងនេះភ្នាល់ដាក់លុយម្តង គឺ១០០ ស៊ី ១ រៀល បើគណបក្សសង្គ្រោះជាតិ មិនរលាយ បន្ទាប់ពីសមាជិកបក្សប្រឆាំងមិនអើពើ

ភ្នំពេញៈ  កាលពីថ្ងៃទី ០៨ ខែ វិច្ឆិកា ឆ្នាំ២០១៧  ក្នុងការចុះជួបជាមួយកម្មករ កម្មការិនីរោងចក្រចំនួន ២០ នៅតំបន់ចំការដូង ក្នុងខណ្ឌដង្កោ រាជធានីភ្នំពេញ លោកបានហ៊ានភ្នាល់ បើ សិនជាអ្នកណាហ៊ានលេងជាមួយលោក ភ្នាល់១០០ រៀល ស៊ីតែ ១ រៀលទេ  បន្ទាប់ពីលោក អំពាវនាវសុំឲ្យសមាជិកគណបក្សសង្គ្រោះជាតិ ចុះចូលជាមួយគណបក្សប្រជាជនកម្ពុជា មិនទទួល បានលទ្ធផល ដូចខ្លួន បានរំពឹងទុកនោះ ។  លោក ហ៊ុន សែន បានប្រកាសឲ្យប្រជាពលរដ្ឋកម្ពុជា ទូទាំងប្រទេស មិនថារាស្ត្រ ឬ មន្ត្រី សូម្បី ប្រជាពលរដ្ឋ តាមតុកាហ្វេ ក៏បើកឲ្យភ្នាល់អំពីការរលាយគណបក្សសង្គ្រោះជាតិនេះដែរ ។ បើសិន ភ្នាល់រួចហើយ បើមិនមានអ្នកសងលុយ សូមទៅបើកលុយពីលោក ។

ការលេងល្បែងភ្នាល់ដែល បានលើកឡើងរបស់ លោក ហ៊ុន សែននេះ ត្រូវបានប្រជាពលរដ្ឋមិន គាំទ្រគណបក្សប្រជាជនកម្ពុជា បាននិយាយថាៈ ជាចេតនាច្បាស់ក្រឡែត ដែលអ្នកមានចេតនា រំលាយគណបក្សសង្គ្រោះជាតិ ចេញពីគណបក្សប្រជាជនកម្ពុជា ដោយលោក ហ៊ុន សែន នាយក រដ្ឋមន្ត្រីកម្ពុជា ហាក់ដូចជាដឹងមុនថា គណបក្សសង្គ្រោះជាតិ នឹងរលាយ តាមសេចក្តីសម្រេច របស់តុលាការកំពូល ។ តើការរលាយគណបក្សសង្គ្រោះជាតិ តាមសេចក្តីសម្រេចរបស់តុលាការ កំពូល ស្ថិតនៅក្រោមការបញ្ជារបស់លោក ហ៊ុន សែន ។ 

លោក ហ៊ុន សែន បានភ្នាល់អំពីការរលាយរបស់គណបក្សសង្គ្រោះជាតិ ដោយលោក បានលើក ថាៈ ដោយសារតែលោក ហ៊ានភ្នាល់នេះ ព្រោះលោកបានដឹងអំពីរបត់វាទៅអញ្ចឹង ។  

លោក លឺ ឡាយស្រេង អតីតៈជារដ្ឋមន្ត្រីអភិវឌ្ឍន៍ជនបទ របស់គណបក្សប្រជាជនកម្ពុជា ដែលកំ ពុងតែនិរទេសខ្លួន នៅក្រៅប្រទេស បាននិយាយថាៈ ហេតុដែលសម្តេច ហ៊ុន សែន លោកហ៊ាន ភ្នាល់ ព្រោះតុលាការ នៅក្នុងប្រទេសកម្ពុជា ជាតុលាការតេឡេ ដែលស្ថិតក្រោមការបញ្ជាររបស់ លោកនាយករដ្ឋមន្ត្រី ហើយបើចង់ប្តឹងអី មិនអាចឈ្នះទេ ។

លោក នាយករដ្ឋមន្ត្រី ហ៊ុន សែន បានយកតួនាទីជាមនុស្សចិត្តធម៌ជួយសង្គ្រោះសមាជិកគណ បក្សសង្គ្រោះជាតិ ឲ្យមានការងារ មុខដំណែង ប្រសិនបើសមាជិកនោះចុះចូលជាមួយ គណបក្ស ប្រជាជនកម្ពុជា តែក្នុងតួនាទីជាមនុស្សចិត្តធម៌នេះ មិនត្រូវទទួលបានការគាំទ្រពីសមាជិកគណ បក្សសង្គ្រោះជាតិទេ បែរក្លាយទៅជាអ្នកជួយធ្វើបន្សុទ្ធកម្មផ្ទៃក្នុងគណបក្សសង្គ្រោះជាតិ ដោយមិនដឹងខ្លួន បំរើដោយមិនដឹងខ្លួន ៕