នារីជិតចូលរោងការត្រូវចោរបាញ់ប្រហារចំមាត់ប្លន់យកម៉ូតូ!
ភ្នំពេញ ៖ នារីម្នាក់ជិតបានក្លាយជាកូនក្រមុំស៊យធំត្រូវចោរប្លន់ខណះនាងជិះម្នាក់ឯងត្រូវបានក្រុមចោរធ្វើការបាញ់ប្រហារបណ្តាលអោយរងរបួសមាត់ធ្ងន់ធ្ងររួចប្លន់យកម៉ូតូScoopyសេរីឆ្នាំ២០១៨មួយគ្រឿងគេចបាត់ដោយសុវត្ថភាព។
ហេតុការណ៍នេះបានកើតឡើងនៅវេលាម៉ោងជាង៩យប់ថ្ងៃទី៧ ខែវិច្ឆិការ ឆ្នាំ២០១៧នៅចំណុចផ្លូវលេខ១៤៩ ក្នុងសង្កាត់វាលរង់ខណ្ឌ៧មរា រាជធានីភ្នំពេញ។
បើតាមសាក្សីនៅកន្លែងកើតហេតុបានប្រាប់ថាមុនកើតហេតុ គេឃើញបុរសម្នាក់ដើរមកជិតកន្លែងកើតហេតុត្រង់ផ្លូវលេខ១៤៩ ក្នុងសង្កាត់វាលរង់ខណ្ឌ៧មរាលុះដើរមកដល់ ស្របពេលនោះក៏ឃើញនារីរងគ្រោះជិះម៉ូតូមួយគ្រឿងម៉ាកScoopy សេរី២០១៨ មកដល់ដែរ ពេលនោះជនប្លន់ប្រដាប់អាវុធបានដកកាំភ្លើងបាញ់មកលើនារីរងគ្រោះត្រូវចំមាត់រងរបួសធ្ងន់។
ហើយភ្លាមនោះជនដៃដល់ដែលជាចោរប្លន់ប្រដាប់អាវុធបានយកម៉ូតូរបស់នារីរងគ្រោះជិះចេញពីកន្លែងកើតហេតុបាត់ស្រមោលដោយបន្សល់ទុកតែនារីរងគ្រោះជាម្ចាស់ម៉ូតូរងរបួសធ្ងន់នៅកន្លែងកើតហេតុតែប៉ុណ្ណោះ។ តែអ្វីដែលគួរឱ្យសង្វេគនោះគឺនារីរងគ្រោះជិតបានក្លាយជាកូនក្រមុំបែស៊យធំត្រូវចោរប្លន់បាញ់ចំមាត់បណ្តាលអោយរងរបួលធ្ងន់ធ្ងរបែបនេះ។ទោះជាយ៉ាងណាក្រោយកើតហេតុគេបានឃើញសមត្ថកិច្ចចុះមក ផងដែរ តែ ការបាញ់ប្លន់នោះបានសម្រេច ឯចោរក៏គេចខ្លួនបានដោយសុវត្ថភាព៕
