ខេត្តបន្ទាយមានជ័យ៖ដើម្បីរំលឹកគុណចំពោះពលិកម្មដ៏ធំធេងរបស់យុទ្ធជនកម្ពុជានិងយុទ្ធជនវៀតណាមក្នុងការតស៊ូរំដោះទឹកដីនិងការពារប្រជាពលរដ្ឋកម្ពុជាឲ្យរួចផុតពីរបបខ្មែរក្រហមពិសេសរំលឹកគុណូបការៈដ៏ថ្លៃថ្លារបស់កងទ័ពកម្ពុជា និងកងទ័ពវៀតណាមដែលបានបូជាសាច់ស្រស់ឈាមស្រស់ក្រោមទង់រណសិស្សសាមគ្គីសង្គ្រោះជាតិកម្ពុជានិងដើម្បីបញ្ជាក់អំពីចំណងសាមគ្គីភាព មិត្តភាពជាអមតៈរវាងប្រទេសទាំង២ កម្ពុជា វៀតណាមនោះនៅព្រឹក ថ្ងៃទី៧ ខែវិច្ឆិកា ឆ្នាំ២០១៧នេះ លោកសួនបវរ អភិបាលខេត្តបន្ទាយមានជ័យ និងជាអនុប្រធានរណសិរ្សសាមគ្គីអភិវឌ្ឍន៍មាតុភូមិខេត្ត លោកញ៉ែមប៉ាលីអនុប្រធានអចិន្ត្រៃយ៍និងជាអគ្គលេខាធិការក្រុមប្រឹក្សាជាតិរណសិស្សសាមគ្គីអភិវឌ្ឍន៍មាតុភូមិកម្ពុជា លោកអ៊ុងអឿនប្រធានក្រុមប្រឹក្សាខេត្ត លោកង្វៀនអាញ់ហ្សុង ប្រធានុព័ន្ធយោធាវៀតណាម លោកវរះសេនីយ៍ ឯកសប៊ុនសឿង មេបញ្ជាការរងកងរាជអាវុធហត្ថខេត្ត មន្ត្រីរាជការជាន់ថ្នាក់ លោកគ្រូ អ្នកគ្រូ សិស្ស និសិ្សត និងប្រជាពលរដ្ឋយ៉ាងច្រើនបា នចូលរួមក្នុងពិធីបើកការដ្ឋានសាងសង់ស្តូបមិត្តភាព កម្ពុជា វៀតណាមនៅខាងលិចក្បាលស្ពានទឹកថ្លា ស្ថិតក្នុងភូមិទឹកថ្លា សង្កាត់ទឹកថ្លា ក្រុងសិរីសោភ័ណ ខេត្តបន្ទាយមានជ័យ។

ក្នុងនោះលោកសួនបវរបានមានប្រសាសន៍ថាថ្ងៃនេះលោកសប្បាយចិត្តណាស់ដែលបានចូលរួមបើកការដ្ឋានសាងសង់ស្តូបមិត្តភាព កម្ពុជា វៀតណាមនៅខាងលិចក្បាលស្ពានទឹកថ្លា នេះជាសក្ខីភាពសបញ្ជាក់ឲ្យឃើញថាចំណងសាមគ្គីភាព មិត្តភាព និងសហប្រតិបត្តិការជាប្រពៃណីរវាងប្រទេសទាំងពីរ កម្ពុជា វៀតណាមកាន់តែមានទំនាក់ទំនងដ៏រឹងមាំបន្ថែមទៀត។លោកសួនបវរបានបញ្ជាក់ឲ្យដឹងទៀតថាការសាងសង់ស្តូបមិត្តភាព កម្ពុជា វៀតណាមជាប់និងក្បាលស្ពានទឹកថ្លាខាងលិចដែលមានទំហំដីជាច្រើនម៉ែត្រការេក្រោយពីធ្វើរួចចំណាយអស់ថវិកាប្រហែល៥០មឺុនដុល្លាដែលជាថវិការផ្ទាល់របស់ប្រទេសវៀតណាម ក្នុងស្តូបនោះក៏បានរចនាទៅដោយ កន្លែងលេងកំសាន្ត មានសួនច្បារ និងមានអ្វីប្លែកៗជាច្រើនទៀត។ក្នុងនោះលោកញ៉ែមប៉ាលីក៏បានមានប្រសាសន៍ដែរថាការសាងសង់ស្តូបមិត្តភាពកម្ពុជា វៀតណាមក្នុងទឹកដីខេត្តបន្ទាយមានជ័យនេះឡើងគឺដើម្បីរំលឹកគុណចំពោះពលិកម្មដ៏ធំធេងរបស់យុទ្ធជនកម្ពុជានិងយុទ្ធជនវៀតណាមក្នុងការតស៊ូរំដោះទឹកដីនិងការពារប្រជាពលរដ្ឋកម្ពុជាឲ្យរួចផុតពីរបបខ្មែរក្រហមពិសេសរំលឹកគុណូបការៈដ៏ថ្លៃថ្លារបស់កងទ័ពកម្ពុជា និងកងទ័ពវៀតណាមដែលបានបូជាសាច់ស្រស់ឈាមស្រស់ក្រោមទង់រណសិស្សសាមគ្គីសង្គ្រោះជាតិកម្ពុជានិងដើម្បីបញ្ជាក់អំពីចំណងសាមគ្គីភាព មិត្តភាពជាអមតៈរវាងប្រទេសទាំង២ កម្ពុជា វៀតណាមផងដែរ៕