អង្គភាពគយថៃ ចាប់សុីមកាតជាង៥មុឺនបន្ទះ ដែលនាំចេញពីកម្ពុជា !
អង្គភាពគយថៃ ចាប់សុីមកាតជាង៥មុឺនបន្ទះ ដែលនាំចេញពីកម្ពុជា !
ប្រទេសថៃ៖សុីមកាតជាង៥មុឺនបន្ទះដែលជាប្រភេទសុីមរបស់ក្រុមហ៊ុនថៃត្រូវបានគេនាំបញ្ច្រាស់ទិសចេញពីកម្ពុជាឆ្លងដែនចូលទៅកាន់ប្រទេសថៃវិញដែលបញ្ហានេះបានធ្វើអោយមជ្ឈដ្ឋានជាច្រើនមានចម្ងល់យ៉ាងខ្លាំងព្រោះសុីមកាតដ៏ច្រើនសន្ធឹកសន្ធាប់បែបនេះហេតុអ្វីបានជាគេអាចទិញបានហើយហេតុអ្វីបានជាត្រូវបានគេនាំឆ្លងដែនពីកម្ពុជាទៅកាន់ប្រទេសថៃវិញយ៉ាងនេះបើប្រភេទសុីមកាតជារបស់ថៃសោះ ។
រឿងដែលស្មានមិនដល់នេះបានកើតឡើងកាលពីរសៀលថ្ងៃទី៨ខែធ្នូឆ្នាំ២០១៧ត្រង់ចំណុចក្បាលស្ពានប៉ោយប៉ែត នៅលើទឹកដីថៃ ដោយមានការសង្ស័យ ក្រុមគយថៃដែលប្រចាំការនៅក្បាលស្ពានខ្លងលឹក ស្រុកអារញ្ញប្រាក់ថេតខេត្តស្រះកែវបានឃាត់រទេះមួយគ្រឿងដែលកំពុងដឹកកាបូបធំៗចំនួន៣អូសដោយជនជាតិខ្មែរ ចេញពីទឹកដីកម្ពុជា ចូលទៅកាន់ទឹកដីថៃ តាមច្រកអន្តរជាតិប៉ោយប៉ែត ។ បន្ទាប់ពីមានការសាកសួរទៅលើបុរសជនជាតិខ្មែរ ដែលជាអ្នកអូសរទេះគេបាននិយាយថាគេគ្រាន់តែជាអ្នកសុីឈ្នួលអូសរទេះតែប៉ុណ្ណោះដោយឥវ៉ាន់ទាំងនេះត្រូវបានគេជួលអោយ ដឹកពីទឹកដីកម្ពុជា ក្នុងតំបន់ប៉ោយប៉ែត ឆ្លងដែនចូលទៅផ្សាររោងក្លឿ ប្រទេសថៃដូច្នេះខ្លួនបានត្រឹមតែអូសដើម្បីយកកម្រៃតែប៉ុណ្ណោះ ។ក្រោយពេលកំលាំងអង្គភាពគយ ធ្វើការត្រួតពិនិត្យទៅក្នុងកាបូបទាំង៣នោះ គឺសុទ្ធតែ
សុីមកាតទាំងអស់ហើយក៏ជាប្រភេទសុីមការរបស់ថៃដែរ ដែលជារបស់ក្រុមហ៊ុន ឌីថេកសរុបចំនួន ៥០ ៣៥០ បន្ទះ ។ នៅពេលនោះដែរគេសង្គេតឃើញម្ចាស់ទំនិញឈ្មោះ
ព្រំ ប្រុងប្រយ័ត្ន អាយុ២៤ឆ្នាំ ជាជនជាតិខ្មែរ កាន់លិខិតឆ្លងដែនលេខ ១០១២៧៤៤ បានមកបង្ហាញខ្លួននៅចំពោះមុខអង្គភាពគយប្រចាំតំបន់ខ្លងលឹក ដោយនៅពេល នោះដែរ គេក៏បាននាំខ្លួនទៅកាន់អង្គភាពដើម្បីធ្វើការសាកសួរ ។ប្រភពមួយចំនួនបានឆ្ងល់ថាហេតុអ្វីបានជាសុីមកាតដ៏ច្រើនសន្ធឹកសន្ធាប់របស់ក្រុមហ៊ុនថៃសោះ បែរជាត្រូវគេនាំឆ្លងដែនពីកម្ពុជាចូលទៅក្នុងទឹកដីថៃវិញប៉ុន្តែបើតាមការអះអាងពីអ្នកសារព័ត៌មាមួយចំនួនបានលើកឡើងថាកន្លងមកក៏ធ្លាប់មានបញ្ហានេះកើតឡើងដែរដោយអ្នកជំនាញបច្ចេកវិទ្យាគេប្រមូលទិញយកសុីមកាតដែលមានបន្ថែមសាច់ប្រាក់នៅក្នុងនោះយកមកប្រមូលយកទិន្នន័យនៃសាច់ប្រាក់បន្ថែមបញ្ចូលទៅក្នុងគណនីរបស់គេដែលមាននៅក្នុងធនាគារដើម្បីប្រើប្រាស់ទៅតាមតម្រូវការប៉ុន្តែព័ត៌មានពិតយ៉ាងណានោះយើងមិនទាន់ដឹងនៅឡើយទេដោយសារតែយើងមិនអាចទាក់ទងទៅអង្គភាពគយរបស់ប្រទេសថៃប្រចាំតំបន់ខ្លងលឹកបាន ៕ព្រម៉ាញ់ជាយដែន
![]()
![]()
![]()