រថយន្តបុកគល់ឈើនៅស្រះកែវ ស្លាប់ និងរបួស ពលករខ្មែរ៥នាក់!
ប្រទេសថៃ៖ពលករខ្មែរចំនួន៣នាក់ក្នុងចំណោម៦នាក់បានស្លាប់ភ្លាមៗនៅកន្លែងកើតហេតុខណៈដែលពួកគេទាំងអស់គ្នាបានធ្វើដំណើរពីខ្សែបន្ទាត់ព្រំដែនកម្ពុជា ថៃទៅកាន់ទីក្រុងបាងកកហើយដោយសាររថយន្តបើក បរល្បឿនលឿនពេកករេចង្កូតធ្លាក់ចេញពីផ្លូវទៅ បុកគល់ឈើ នៅខេត្តស្រះកែវ ។
ហេតុការណ៍នេះ បានកើតឡើងនៅវេលាម៉ោង ៩ និង ៥០នាទី ព្រឹកថ្ងៃទី១៤ ខែធ្នូឆ្នាំ២០១៧ ត្រង់ចំណុចក្បែមង្គលម៉ៃថៃ ស្ថិតក្នុងឃុំឆងកុំ ស្រុកវឌ្ឍនានគរ ខេត្តស្រះកែវប្រទេសថៃ ដែលបង្កឡើងដោយខ្លួនឯងគឺរថយន្តម៉ាកនីសាន់ព៌ណខ្មៅ ដែលបើកបរដោយជនជាតិថៃ ក្នុងទិសដៅឆ្ពោះទៅកាន់ទីក្រុងបាងកក ព្រមទាំងមានដឹកពលករខ្មែរចំនួន៥នាក់ផង ។
តាមរបាយការសមត្ថកិច្ច ក្រុមតម្រួតថៃបានអោយដឹងថា នៅមុនពេលកើតហេតុគឺគេសង្គេតឃើញរថយន្តមួយគ្រឿងខាងលើ បានបើកបរដោយប្រើប្រាស់ល្បឿនយ៉ាងលឿនលុះដល់ត្រង់ចំណុចកើតហេតុខាងលើ ក៏ស្ទើរតែបាត់បង់ភាពជាម្ចាស់ការ ហើយក៏បានរេចង្កូតធ្លាក់ចេញពីផ្លូវ ទៅបុកគល់ឈើមួយដើមយ៉ាងពេញទំហឹង បណ្តាលអោយក្បាលរថយន្តរួញស្ទើរទាំងស្រុង ។
ភ្លាមៗនោះដែរ សមត្ថកិច្ចថៃបានចុះដល់ចំណុចកើតហេតុ ព្រមទាំងបានទាញយកជនរងគ្រោះទាំងអស់ចេញពីតួរថយន្ត ផ្ទុយទៅវិញគឺយកបានតែប្រុសម្នាក់
( អ្នកបើកបរថៃ )និងនារីពីរនាក់ ដែលជាពលករខ្មែរ តែប៉ុណ្ណោះ ដោយឡែកពលករខ្មែរចំនួន៣នាក់ទៀត
ដែលសុទ្ធតែប្រុសៗ ត្រូវបានជាប់ក្នុងតួរថយន្ត ដែលចាំបាច់ត្រូវធ្វើការវះកាត់ទ្រុងរថយន្តដើម្បីទាញយកសព ។
ជារួមគឺពលករខ្មែរស្លាប់៣នាក់ និងរបួសធ្ងន់២នាក់ ដោយឡែកជនជាតិថៃរបួសម្នាក់គឺបច្ចុប្បន្នសមត្ថកិច្ចបានបញ្ជូនទៅសង្គ្រោះនៅឯមន្ទីរពេទ្យស្រុកវឌ្ឍនានគរហើយ រីឯសពក៏កំពុងស្រាវជ្រាវរកសាវតាដើម្បីបញ្ជូនមកកាន់ប្រទេសកម្ពុជាវិញដែរ ដោយសារតែបច្ចុប្បន្ននៅមិនទាន់ដឹងថា ពួកគេរស់នៅក្នុងខេត្តណានោះទេ ៕
![]()
![]()
![]()