អគ្គីភ័យឆាបឆេះស្ថានីយ៍ប្រេងឥន្ធនៈតេលានៅស្រុកក្រឡាញ់រងការខូចខាតមួយចំនួន!
ខេត្តសៀមរាប៖ផ្ទុះកំប៉ុងហ្គាសខាងក្រោយស្ថានីយ៍ប្រេងឥន្ធនៈតេលាស្រុកក្រឡាញ់បង្ករការភ្ញាក់ផ្អើលទាំងព្រឹក ខូចខាត សំភារះ ប្រហែល ៧០ %តែសំណាងល្អអជ្ញាធរនិងប្រជាពលរដ្ឋនាំគ្នាជួយទាន់ពេលវេលាទើបមិនមានបង្ករគ្រោះថ្នាក់ដល់ជីវិត្តមនុស្សឡើយ។
ហេតុការណ៍នេះបានកើតឡើងកាលពីវេលាម៉ោង១០និង០០នាទីព្រឹកថ្ងៃព្រហស្បត្តិទី១៤ខែធ្នូ ឆ្នាំ២០១៧នៅចំណុច ខាងត្បូងដងផ្លូវជាតិលេខ៦Aភូមិត្រពាំងច្រាំង ឃុំក្រឡាញ់ ស្រុកក្រឡាញ់ខេត្តសៀមរាប។
ប្រភពបានឲ្យដឹងថាដេប៉ូតេលា ដែលការខូចខាតដោយអគ្គីភ័យនោះមានយីហោ រិន ធារុង ស្ថិតនៅ ដែលមានម្ចាស់ឈ្មោះ រិន ធារុង ភេទប្រុសអាយុ ៣៧ ឆ្នាំបានរងរបួសស្រាលផងដែរក្នុងហេតុការណ៍នេះ ។
នៅមុនពេលកើតហេតុ គេឃើញមានផ្សែងពណ៌ខ្មៅតិចៗស្មានតែមានអ្នកដុតសម្រាម អីនៅខាងក្រោយតែមួយសន្ទុះភ្លាមៗនោះស្រាប់តែផ្សែងហោះឡើងខ្មួលខ្មាញ់ចេញពីស្ថានីយ៍ខាងក្រោយបង្កការភ្ញាក់ផ្អើលដល់អ្នកជិតខាងនិងកូនចៅដែលកំពុងលក់ដូរប្រេងសាំងខាងមុខរួមទាំងសមត្ថកិច្ចផ្អើលចុះជួយអន្តរាគមន៌ ។
បើតាមលោកវរះសេនីយ៍ឯក ជី បេងជន អធិការនគរបាលស្រុក បានឲ្យដឹងថាក្នុងការជួយសង្គ្រោះនេះ
សមត្ថកិច្ចបាន ប្រើប្រាស់រថយន្ដពន្លត់អគ្គីភ័យស្នងការរដ្ឋាននគរបាលខេត្តសៀមរាប ចំនួន ៣ គ្រឿងនិងរថយន្ដរថយន្ដពន្លត់អគ្គីភ័យអធិការរដ្ឋាននគរបាលស្រុកពួួកចំនួន១គ្រឿងសរុប៤គ្រឿង ដើម្បី អន្តរាគមន៍ទើបអាចក្រប់គ្រងសភាពការណ៍បានដោយឡែកសំភារះមួយចំនួនរងការខូចខាតប្រហែល ៧០ % នៃទ្រព្យសម្បត្តិទាំងមូល ។
ទោះជាយ៉ាងណាអធិការនគរបាលស្រុកក្រឡាញ់ លោកវរះសេនីយ៍ឯក ជី បេងជន បានបញ្ជាក់ថាមូលហេតុដែលបណ្ដាលអោយឆេះនោះគឺបណ្ដាលមកពីរផ្ទុះកំប៉ុងហ្គាសខាងក្រោយស្ថានីយ៍។តែសំណាងល្អក្នុងហេតុការណ៍ខាងលើនេះមិនមានអ្នកណាម្នាក់រងរបួសធ្ងន់នោះឡើយ ៕
![]()
![]()
![]()