ពាក្យថា" មិនមែនស្លាប់អញ! ស្លាប់កម្មករ ធ្វើឲ្យមេសហជីព ដែលមានកម្មករ ជាង ៤៥ ម៉ឺននាក់ រត់រកការគាំទ្រ ពីសហគមន៍អឺរ៉ុប

ភ្នំពេញៈ នៅថ្ងៃទី ០១ ខែ ធ្នូ ឆ្នាំ២០១៧ នេះ លោក សោម អូន ប្រធានសហជីព កម្មករ ដែលមានកម្មករ នៅក្នុងដៃលោក ជាង ៤៥ ម៉ឺននាក់ បានប្រឹងប្រែង យ៉ាងខ្លាំង ក្នុងការណាត់ជួប ជាមួយតំណាងសហគមន៍អឺរ៉ុប បន្ទាប់ពីលោក  ហ៊ុន សែន បាននិយាយក្នងការជួបជាមួយក​ម្មករ ទាក់ទងនឹងការអំពាវនាវ ដាក់សម្ពាធរដ្ឋាភិ​បាល របស់លោក តាមរយៈការបញ្ឈប់ការបញ្ជារទិញ និង ការបញ្ឈប់នាំទំនិញ ទៅប្រទេសអ៉ឺរ៉ុប  ដោយបានលើកឡើងថា" មិនមែនស្លាប់អញអី ! អ្នកដែលស្លាប់ពួកកម្មករ " ។

សភាសម្ព័ន្ធសហជីពជាតិកម្ពុជា ដែលតំណាងសមាជិកសមាជិកា ដែលជាកម្មករ-កម្មការិនី កាត់ដេរនៅលើវិស័យសម្លៀកបំពាក់ និងស្បែកជើង ជាង៤៥ម៉ឺននាក់ ទូទាំងប្រទេសកម្ពុជា បានស្នើសុំជួបពិភាក្សាការងារជាមួយ ឯកអគ្គរដ្ឋទូតសហភាពអ៊ឺរ៉ុប ប្រចាំនៅកម្ពុជា គោលបំណងស្នើសុំកុំឲ្យសហភាពអ៊ឺរ៉ុប បញ្ឈប់ការបញ្ជាទិញផលិតផលវាយនភ័ណ្ឌពីកម្ពុជា។ នេះបើយោងតាមលិខិតស្នើសុំរបស់លោក សោម អូន ប្រធានសភាសម្ព័ន្ធសហជីពជាតិកម្ពុជា នៅថ្ងៃទី៣០ ខែវិច្ឆិកា ឆ្នាំ២០១៧នេះ។ 

លោក សោម អូន បានស្នើសុំជួបពិភាក្សាការងារជាមួយឯកអគ្គរដ្ឋទូតសហភាពអ៊ឺរ៉ុប ប្រចាំនៅកម្ពុជា ដោយកំណត់នៅវេលាម៉ោង៩ព្រឹក ថ្ងៃទី០៦ ខែធ្នូ ឆ្នាំ២០១៧ខាងមុខនេះ ដោយមានតំណាងសហជីពចំនួន៦រូប។

ខាងសភាសហព័ន្ធសហជីពជាតិកម្ពុជា កំពុងមានការព្រួយបារម្ភ ចំពោះអ្នកបញ្ជា និង អ្នក ទទួលទិញពីកម្ពុជា បន្ទាប់ពីលោក ហ៊ុន សែន កំពុងតែងាកទៅរកប្រទេសចិន ដើម្បីជាបង្អែក នៅ ពីក្រោយគណបក្សប្រជាជនកម្ពុជា ។ មួយវិញទៀត មានប្រជាពលរដ្ឋខ្មែរនៅក្រៅប្រទេស កំពុង តែដើរបញ្ចុះបញ្ចូលទៅមន្ត្រីទូត នៅក្នុងសហគមន៍អឺរ៉ុប ចាត់វិធានការដាក់សម្ភាធលើរដ្ឋាភិបាល កម្ពុជា បញ្ឈប់បញ្ជាទិញ និងទទួលទិញវាយនភ័ណ្ឌ កាត់ដេរ និង ស្បែកជើង ព្រមទាំងបង្កកលុយ កាក់របស់មន្ត្រីកម្ពុជា ថ្នាក់កំពូលចំនួន ៧០០នាក់ ដែលកំពុងតែស្ថិតនៅក្នុងបញ្ជីខ្មៅទៀតផង ។

ក្នុងនោះដែរក៍មានសមាគមខាងវិស័យវាយនភ័ណ្ឌ និងស្បែកជើងនេះ ក៏បានលើកឡើងក្នុងការ ព្រួយបារម្ភ ចំពោះប្រទេសទទួលទិញទាំងអស់នោះ ក្រែងមានការប្រែចិត្ត ឈប់យកទំនិញពីប្រ ទេសកម្ពុជា ដែលនាំឲ្យប៉ៈពាល់ការងាររបស់កម្មករ ទូទាំងប្រទេស ។

ប្រទេសអ្នកទទួលទិញនូវក្នុងប្រទេសកម្ពុជានេះ ដោយសារតែប្រទេសកម្ពុជា ជាប្រទេសជាម្ចាស់ ហត្ថលេខីគោរពសិទ្ធិមនុស្ស និង ចង់ឲ្យប្រជាពលរដ្ឋកម្ពុជាមានការងារធ្វើ ទទួលបានប្រាក់កំរ៉ៃ សមរម្យចិញ្ចឹមជីវិត មិនមែន ដើម្បីផលប្រយោជន៍របស់សហគមន៍អឺរ៉ុបទេ អ្នកដែលបានផលចំ ណេញពីកម្ពុជានោះ គឺប្រទេសចិន អ្នកវិនិយោគទុនចិននេះឯង ចំណែកពលរដ្ឋកម្ពុជា ជាម្ចាស់ប្រទេសបានត្រឹមតែកម្មករ (ខ្ញុំកញ្ជះ ស៊ីឈ្នួលចិន )៕