តើគណបក្សប្រឆាំងអាចនឹងរស់ឡើងវិញទេ ?
ភ្នំពេញៈ នៅថ្ងៃទី១៧ ខែ ធ្នូ ឆ្នាំ ២០១៧ លោក ហ៊ុន សែន នាយករដ្ឋមន្រ្តី នៃព្រះរាជាណាចក្រ កម្ពុជា បានសរសេរនៅលើបណ្តាញទំនាក់ទំនងសង្គមហ្វេសបុក របស់ខ្លួនថាៈ ដោយសារមាន ការខ្សឹបខ្សៀវ និងការប្រឌិតព័ត៌មានមិនពិតដដែលជាដដែលអំពីការរស់ ឡើងវិញនៃអតីត បក្សសង្រោះជាតិ គឺខ្ញុំសូមផ្តាំផ្ញើនិងបញ្ជាក់សារជាថ្មីថា អតីតបក្សដែលត្រូវបានរំលាយហើយ (សង្រ្គោះជាតិ) ដោយសាលដីការតុលាកំពូល គឺចប់ជាស្ថាពរហើយ។ ឈ្មោះអតីតបក្ស នេះគឺនឹងគ្មានកើតឡើងសារជាថ្មីទៀតឡើយ។ ខ្ញុំសូមអោយយោបល់ខ្លះៗដែលអាចមាន ប្រយោជន៍ ហើយកុំអោយខាតពេលច្រើន គឺមានតែវិធីមួយគត់ គឺបង្កើតបក្សថ្មីចូលរួមប្រកួត ប្រជែងតាមលក្ខណៈប្រជាធិបតេយ្យនៅក្នុងការបោះឆ្នោតខាងមុខ គឺវាប្រសើរជាងដើរនិយាយ ឃោសនាមិនពិត ហើយខាតបង់ពេលវេលាកាន់តែច្រើន៕
សាររបស់លោក ហ៊ុន សែន នេះ ហាក់ដូចជាបន្ទាន់ឥរិយាបទ ដើម្បីឲ្យមានការដោះស្រាយបញ្ហា ដែល រាជរដ្ឋាភិបាលដឹកនាំដោយ លោក ហ៊ុន សែន ប្រធានគណបក្សប្រជាជនកម្ពុជា ។ រាជរដ្ឋា ភិបាលកម្ពុជា កំពុងតែមានមន្ត្រីមួយចំនួនធំ ក្នុងជួររាជរដ្ឋាភិបាល ត្រូវបានប្រទេសមហាយក្ស សហរដ្ឋអាមេរិក មិនផ្តល់ទិដ្ឋាការចូលទឹកដីអាមេរិក ដោយសារតែ សហរដ្ឋអាមេរិក មើលឃើញ ដំណើរដឹកនាំរបស់លោក ហ៊ុន សែន កំពុងតែមានការរំលោភសិទ្ធិមនុស្ស និងលទ្ធិប្រជាធិប តេយ្យ ។ ថ្មីៗនេះ រាជរដ្ឋាភិបាលកម្ពុជា បានទន់ភ្លន់ ទទួលពីរចំណុច ទី១ ព្រមទទួលឧក្រិដ្ឋជន ខ្មែរនៅអាមេរិក ជាង៥០០នាក់ ឲ្យត្រឡប់មកខ្មែរវិញ និង ទី២ ព្រមសហការស្រាវជ្រាវរកខ្មោច ទាហ៊ានអាមេរិក ចំនួន ៤៩ នាក់ បានស្លាប់បាត់ខ្លួន នៅលើទឹកដីនៃប្រទេសកម្ពុជា ។ ការទន់ភ្លន់ អាមេរិកាំង មិនទាន់បាន យកភ្លែកក្រឡេកមើល នៅឡើយទេ ។
ប្រទេសកម្ពុជា នឹងជួបវិបត្តិជាបន្តបន្ទាប់ បើសិនជាលោក ហ៊ុន សែន មិនផ្លាស់ប្តូរឥរិយាបថ នៃការដឹកនាំរបស់ខ្លួននោះទេ ។ វិបត្តិជាច្រើន ដូចជាៈ ប្រជាពលរដ្ឋអត់ការងារធ្វើ គ្មានទីផ្សារខាង ក្រៅប្រទេស មានតែលក់ឲ្យវៀតណាម និង ចិន សេដ្ឋកិច្ចហ៊ុំព័ទ្ធទៅដោយទណ្ឌកម្ម ។ នេះ ជាកំហុសធ្ងន់ធ្ងរ ដែលធ្លាប់ទៅលើអ្នកដឹកនាំប្រទេស គឺលោក ហ៊ុន សែន ។ នៅចំពោះមុខ មន្ត្រី រាជរដ្ឋាភិបាល ដែលមានទុកនៅខាងក្រៅប្រទេស និងត្រូវបានបង្កក ទោះជានាយករដ្ឋមន្ត្រី ធ្លាប់
បានលើកឡើងថា មិនមានលុយណាដែលផ្ញើនៅក្រៅប្រទេសក៏ដោយក៏មិនទាន់មានអ្នកជឿ ជាក់ នៅឡើយទេ ។
ថ្មីៗនេះ ដោយបានលេចចេញពាក្យចរចាមអារាមថា មានការចរចា នយោបាយ រវាងគណបក្ស ប្រជាជនកម្ពុជា និង មេដឹកនាំគណបក្សសង្គ្រោះជាតិ ដោយមានចំណុច ៣ ដែលមិនទាន់ព្រម ព្រៀងគ្នានៅឡើយៈ
១. ដោយឲ្យគណបក្សសង្គ្រោះជាតិ បែកជាពីរត្រឡប់ទៅ គណបក្សសិទ្ធិមនុស្ស និង គណបក្ស សមរង្ស៊ីវិញ ។
២. ប្តឹងទៅតុលាការកំពូល ដើម្បីសើរើ លើការរំលាយបក្សសង្គ្រោះជាតិ
៣. បង្កើតបក្សមានឈ្មោះថ្មី ដើម្បីចុះបញ្ជីនៅក្រសួងមហាផ្ទៃ ចូលរួមប្រគួតប្រជែង ដើម្បីបោះ ឆ្នោត នៅឆ្នាំ២០១៨ ខាងមុខ ។
ចំពោះការចរចាទាំងបី ចំណុចនេះ បានបរាជ័យមួយចំណុចហើយ គឺការដាក់ពាក្យបណ្តឹង សើរើ ទៅតុលាការកំពូល ដោយសារតែការសម្រេចរបស់តុលាការកំពូលបិទផ្លូវតវ៉ា ។ ចំណុចនេះ អ្នក ច្បាប់យល់ឃើញថា ការប្តឹងទៅដល់ថ្នាក់កំពូល សម្រេចចេញពីកំពូលទៀត អញ្ចឹងពិបាកកែ ណាស់ អ្នកដែលមានការខកចិត្តនោះ មិនមែនក្រុមគណបក្សប្រឆាំងទេ គឺលោក ហ៊ុន សែនទេ ជាអ្នកខកចិត្ត ព្រោះនៅក្នុងបក្សលោកជាអ្នកទទួលខុសត្រូវខ្ពស់ ។
ចំណែក ២ ចំណុចទៀត មិនទាន់អាចនិយាយគ្នានៅឡើយទេ ចំណុចទី១ ដែលបំបែកបក្សជាពីរ នឹងមិនអាចទៅរួចទេ ព្រោះបាត់បង់ក្រុមប្រឹក្សាឃុំ សង្កាត់ និងតំណាងរាស្ត្រ ព្រមទាំងព្រឹទ្ធសភា ផងដែរ ។ នៅចំណុចទី៣ នឹងមិនអាចទទួលយកបានដែរ ដោយសារតែ បើបង្កើតបក្សថ្មី គឺដូច អ្វីៗ តំណាងរាស្ត្រ ក្រុមប្រឹក្សា ឃុំ ស្រុក ខេត្ត សមាជិកព្រឹទ្ធសភា ទាំងអស់នេះ ត្រូវរលាយគ្មាន សល់ ។ តើយន្តការដោះស្រាយនេះ ត្រូវដោះស្រាយតាមវិធីណា ? បើទុកយូរ អ្នករងទុក្ខខ្លាំង គឺ ក្រុមមន្ត្រីធំៗ ក្នុងជួររាជរដ្ឋាភិបាលកម្ពុជា សព្វថ្ងៃ ? សង្ឃឹមថា មិនមានកៅអីក្នុងអង្គការសហប្រ ជាតិ ចែកជាពីរបក្សឡើយ ៕
