កម្មការីនីរោងចក្រម្នាក់សំរាលកូនកណ្តាលផ្លូវត្រូវបានក្រុមគ្រូពេទ្យជួយសង្គ្រោះទាន់ ពេល!
ខេត្តព្រះសីហនុ៖កម្មការីនីរោងចក្រម្នាក់ឈឺពោះខ្លាំងទ្រាំមិនបានក៏សំរាលកូនកណ្តាលផ្លូវតែសំណាងល្អត្រូវបានក្រុមគ្រូពេទ្យជួយសង្គ្រោះទាន់ពេលត្រូវបានក្រុមគ្រូពេទ្យជួយសង្គ្រោះទាន់ពេលមានសុវត្ថិភាពទាំងម្តាយនិងកូន។
ហេតុការណ៍នេះកើតឡើងកាលពីវេលាម៉ោង៩ព្រឹកថ្ងៃទី១៩ធ្នូ២០១៧នៅម្តុំខាងមុខរោងចក្របិតត្រាំងក្នុងស្រុកព្រៃនប់ខេត្តព្រះសហនុ។
ប្រភពពីកន្លែងកើតហេតុបានឲ្យដឹងថា:មុនដំបូងគេបានឃើញនារីរងគ្រោះដែលជាកម្មការនីរោងចក្រមានផ្ទៃពោះគ្រប់ខែកំពុងធ្វើដំណើរទៅកាន់មន្ទីរពេទ្យពេទ្យតែដោយសារឈឺពោះខ្លាំងពេកមិនទាន់ដល់ផងក៏សម្រាលកូននៅកណ្តាលផ្លូវតែម្ដង។
ភ្លាមៗនោះត្រូវបានជួយជ្រោមជ្រែងដោយពលរដ្ឋក្បែរនោះនិងទូរស័ព្ទហៅក្រុមគ្រូពេទ្យឆ្មបចុះទៅជួយសម្រាលតាមបច្ចេកទេសពេទ្យដោយសុវត្ថិភាពរួចបន្តរបញ្ជូនទៅសំរាកនៅមន្ទីរពេទ្យបង្អែកខេត្ត។
តាមប្រភពប្រធានមន្ទីរពេទ្យបង្អែកខេត្តព្រះសីហនុបានអោយដឹងថា៖ស្ត្រីជាកម្មការីនីរោងចក្ររូបនេះឈ្មោះឆៀងឆវីអាយុ២៣ឆ្នាំមានប្តីឈ្មោះសេងរុនអាយុ២២ឆ្នាំ មានទីលំនៅភូមិតាលះឃុំរាមស្រុកព្រៃនប់ខេត្ត ព្រះសីហនុ។
ចំណែកកូនតូចដែលទើបសំរាលនៅតាមផ្លូវនេះជាកូនប្រុសនិងជាកូនទី៣ដោយដាក់ឈ្មោះថាសំណាងមានទម្ងន់២,៨គីឡូក្រាម។ បច្ចុប្បន្ន ទាំងស្ត្រីជាម្តាយ និង
ទាំងទារកគ្រូពេទ្យអះអាងថាមានសុខភាពធម្មតា៕
![]()
![]()
![]()