ឈ្មួញលួចបង្កប់ផាវនិងកាំជ្រួច២៣១គីឡូក្រាមតាមរទេះត្រូវកម្លាំងគយទីលានត្រួតពិនិត្យក្របួចជាប់!
បន្ទាយមានជ័យ៖ផាវគ្រាប់បែកចំនួន៥កេសទំងន់១៧៥គីឡូក្រាមនិងផាវកាំជ្រួចចំនួន២កេសទំងន់៥៦គីឡូក្រាមសរុបទំងន់២៣១គីឡូក្រាមដែលត្រូវបានកម្មករលួចបង្កប់តាមរទេះអូសចេញពីទឹកដីថៃដើម្បីចូលមកលក់នៅទីផ្សារកម្ពុជាតែត្រូវបានមន្ត្រីជំនាញគយត្រួតពិនិត្យឃើញបង្រាបបានកាលពីល្ងាចថ្ងៃទី២១ ខែធ្នូ ឆ្នាំ២០១៧នៅទីលានត្រួតពិនិត្យរទេះនៅចំនុចផ្សារមង្គលស្ថិតនៅភូមិប៉ោយប៉ែតសង្កាត់ក្រុងប៉ោយប៉ែតខេត្តបន្ទាយមានជ័យនោះ។
នៅព្រឹកថ្ងៃទី២២ខែធ្នូឆ្នាំ២០១៧មន្ត្រីគយការិយល័យគយនិងរដ្ឋាករច្រកអន្តរជាតិប៉ោយប៉ែតបានធ្វើការ
ប្រគល់ទៅអោយកំលាំងមូលដ្ឌានកងរាជអាវុធហត្ថក្រុងប៉ោយប៉ែត ដើម្បី ចាត់ការបន្តតាមនីតិវិធី។
លោកអ៉ីឃីមអនុប្រធានការិល័យគយនិងរដ្ឋាករច្រកអន្តរជាតិប៉ោយប៉ែតនិងជាប្រធានផ្នែកទីលានត្រួតពិនិត្យរទេះបាមានប្រសាសន៍ប្រាប់សារព័ត៌មានថា៖ផាវទំងន់២៣១គីឡូក្រាមមានផាវគ្រាប់បែកចំនួន៥កេសទំងន់១៧៥គីឡូក្រាមនិងផាវកាំជ្រួចចំនួន២កេសទំងន់៥៦គីឡូក្រាមដែលត្រូវបានកម្មករលួចបង្កប់តាមរទេះតែត្រូវបានមន្ត្រីជំនាញគយត្រួតពិនិត្យឃើញនិងឃាត់ទុកកាលពីល្ងាចថ្ងៃទី២១ ខែធ្នូ ឆ្នាំ ២០១៧ នៅទីលានត្រួតពិនិត្យរទេះនៅចំនុចផ្សារមង្គល ស្ថិតនៅភូមិប៉ោយប៉ែតសង្កាត់ក្រុងប៉ោយប៉ែតខេត្តបន្ទាយមានជ័យ។លោកបន្តឲ្យដឹងទៀតថាដោយសារតែខ្លាចផាវដែលឈ្មួញលួចនាំចូលពីប្រទេសថៃមិនមែនជាផាវតូចតាចជាលក្ខណៈក្មេងអុចលេងធម្មតាទេវាជាប្រភេទផាវគ្រាប់បែកនិងកាំជ្រួញធំៗដែលអាចធ្វើអោយផ្ទុះរបួសនិងស្លាប់មនុស្សបាន។ទើបយើងធ្វើការទប់ស្កាត់និងប្រគល់អោយអាវុធហត្ថចាត់ការបន្ត។
គួររំលឹកថាករណីនាំផាវមកពីប្រទេសជិតខាងកាលពីប៉ុន្មានខែមុននៅក្នុងស្រុកមង្គលបូរីខេត្តបន្ទាយមានជ័យបានជួបគ្រោះថ្នាក់ម្តងរួចមកហើយដែលផាវទាំងនេះផ្ទុះបង្កអោយរថយន្តដាច់ជាច្រើនបំណែកស្លាប់និងរបួសជាច្រើននាក់ថែមទៀតផងហើយបើយោងតាមបទបញ្ជាពីប្រមុខរាជរដ្ឌាភិបាលកម្ពុជាបានហាមដាច់ខាតការនាំប្រភេទផាវដែលមានលក្ខណះគ្រោះថ្នាក់ចូលមកប្រទេសដោយពុំមានស្ថាប័នជំនាញត្រួតពិនិត្យជាដាច់ខាត៕
