ឈ្មួញដុះស្លែចំនួន៥នាក់កំពុងកាប់បំផ្លាញឈើរ ក្នុងតំបន់អន្ទ្រងនិងជម្រកសត្វព្រៃភ្នំព្រិចនៅក្នុងស្រុកកោះញែក!
ខេត្តមណ្ឌលគីរី៖មេឈ្មួញឈើរដុះស្លែ៥នាក់កំពុងតែមានកិត្តិសព្ទ័ល្បីរន្ទឺនៅភូមិភាគឦសាន្ដដោយគ្មានសមត្ថកិច្ចណាហ៊ានបង្ក្រាបឡើយ។ខណះក្រុមឈ្មួញជាឧកញ៉ាទាំងនោះបានកាប់ឈើក្រៅតំបន់ច្បាប់អនុញាតនៅស្រុកកោះញែកខេត្តមណ្ឌលគីរីរួចដឹកចូលក្នុងក្រុមហ៊ុនលឹមរ៉ូយ៉ាល់ដើម្បីបំប្លែងជាឈើស្របច្បាប់។
ហើយឈ្មួញគ្រាក់ៗទាំងនោះត្រូវបានគេស្គាល់ឈ្មោះ ទី១-ឈ្មោះឧកញ៉ា ឫទ្ធីសី ហៅឧកញ្ញា សី ទី២-ឈ្មោះ ល័ក្ភ ឬឧកញ្ញ៉ាល័ក្ភ ទី៣-ឈ្មោះ តុប វីដា ទី៤.មេឈ្មួញឈ្មោះចយ និងទី៥.ឈ្មោះមុន្នី។
ពួកគេយករថយន្ដយីឌុបខ្នាតយក្សដឹកឈើជាច្រើនគ្រឿងចេញទៅប្រទេសវៀតណាមតាមច្រកព្រំដែនត្រពាំងស្រែវ៉ាលឺស្រុកស្នួលខេត្តក្រចេះនិងច្រករបៀងទន្លេចាមក្នុងស្រុកមេមត់ខេត្តត្បូងឃ្មុំនិងមួយចំនួនទៀតដឹកជញ្ជូនចេញទៅប្រទេសវៀតណាមតាមច្រកទ្វារអន្តរជាតិអូរយ៉ាដាវខេត្តរតនគីរី។
ទោះជាយ៉ាងណាប្រជាពលរដ្ឋក្នុងស្រុកកោះញែកខេត្តមណ្ឌលគិរីនិងប្រជាពលរដ្ឋនៅខេត្តក្រចេះបានអំពាវនាវឲ្យអាជ្ញាធរខេត្ត ក្រសួងមន្ទីរ ស្ថាប័នពាក់ព័ន្ធទាំងអស់សូមចាត់វិធានការទប់ស្កាត់បទល្មើសដែលកំពុងកើតឡើងយ៉ាងទ្រហឹងកងរំពងនៅក្នុងតំបន់អន្ទ្រងនិងជម្រកសត្វព្រៃភ្នំព្រិចនៅក្នុងស្រុកកោះញែកជាបន្ទាន់ព្រោះសកម្មភាពបទល្មើសកំពុងមានសកម្មភាពកាប់ឈើខ្លាំងនិងដឹកជញ្ជូនឈើខុសច្បាប់កំពុងកើតឡើងរីករាលដាលយ៉ាងខ្លាំងនៅមួយរយះចុងក្រោយនេះ៕
![]()
![]()
![]()