ឈ្មួញខិលខូចកាប់ឈើរឧទ្យានជាតិនិងព្រៃការពារសហគមន៍នជាប់ព្រំប្រទល់ខេត្តរតនគិរីនិងខេត្តស្ទឹងត្រែង!
ខេត្តរតនគិរី÷ឧទ្យានជាតិនិងព្រៃការពារសហគមន៍នៅព្រំប្រទល់ខេត្តរតនគិរីនិងខេត្តស្ទឹងត្រែងត្រូវបានឈ្មួញសម្រុកកាប់និងដឹកជញ្ជូនទៅលក់នៅស្រុកយួនយ៉ាងគគ្រឹកកគ្រេងគ្មានការទប់ស្កាត់ប្រជាពលរដ្ឋដាក់ការសង្ស័យក្រុមមន្ត្រីព្រៃឈើនិងមន្ត្រីពាក់ព័ន្ធក្នុងការបង្ក្រាបព្រៃឈើនោះត្រូវរ៉ូវគ្នាជាមួយឈ្មួញឈើទាំងនោះ អស់ទៅហើយបានជាសម្ងំឈឹង។
ប្រជាពលរដ្ឋបានរាយការណ៍មកថាឈើប្រណិតច្រើនណាស់ ដែលឈ្មួញបាន និងកំពុងសម្រុកកាប់ និងដឹកជញ្ជូនចេញពីដែនព្រៃអភិរក្សដូចជានាំចេញពីឧទ្យានជាតិនិងព្រៃការពារសហគមន៍នៅព្រំប្រទល់ខេត្តរតនគិរី និងខេត្តស្ទឹងត្រែង ។
សេចក្តីរាយការណ៍បានឲ្យដឹងទៀតថាឈើប្រណិតទាំងនេះត្រូវគេដឹកជញ្ជូនយកមកទម្លាក់នៅក្នុងកំពុងទឹកនៃទន្លេសេសាន្តស្ថិតនៅក្នុងភូមិប៉ាកាឡាន់ឃុំប៉ាកាឡាន់ ស្រុកវើនសៃ ខេត្តរតនគិរី ។ ដោយឈ្មួញខិលខូច អាងខ្នងមន្ត្រីគ្រាប់ល្ពៅស្ងោ នៅតែបន្តធ្វើសកម្មភាព បទល្មើសឈើឆ្លងដែនទៅយួនយ៉ាងក្រអឺតក្រទមចំណែកអាជ្ញាធរដែនដីនិងមន្ត្រីមូលដ្ឋានមិនត្រូវគេឃើញចុះទៅអើពើនោះឡើយហើយគេសង្ស័យថាក្រុមមន្ត្រីព្រៃឈើនិងមន្ត្រីពាក់ព័ន្ធក្នុងការបង្ក្រាបព្រៃឈើនោះត្រូវរ៉ូវគ្នាជាមួយឈ្មួញឈើទាំងនោះ អស់ទៅហើយ ៕
![]()
![]()
![]()