ឃាត់ខ្លួនជនសង្ស័យ៤នាក់ដកហូតម៉ាទឹកកក១៨.៨៨ក្រាមនិងយ៉ាម៉ា ចំនួន ៥១គ្រាប់!
បន្ទាយមានជ័យ៖លោកវរសេនីយ៍ឯកសប៊ុនសឿងមេបញ្ជាការរងកងរាជអាវុធហត្ថខេត្តទទួលការងារប្រយុទ្ធប្រឆាំងគ្រឿងញៀនបានដឹកនាំកម្លាំងជំនាញរបស់កងរាជអាវុធហត្ថខេត្តសហការជាមួយកម្លាំងមូលដ្ឋានកងរាជអាវុធហត្ថក្រុងសិរីសោភ័ណបានធ្វើការបង្រ្កាបនិងឃាត់ខ្លួនជនសង្ស័យចំនួន០៤នាក់ពាក់ព័ន្ធការជួញដូរគ្រឿងញៀនដោយរឹបអូសបានវត្ថុតាងថ្នាំញៀនមួយចំនួនធំ។
ប្រតិបត្តិការបង្រ្កាបករណីជួញដូរគ្រឿងញៀននេះបានធ្វើឡើងនៅវេលាម៉ោង០៨និង៣០នាទីថ្ងៃទី២៤ខែធ្នូឆ្នាំ២០១៧នៅចំណុចមុខវិទ្យាល័យសម្តេចឪស្ថិតនៅភូមិតារាងបាល់ សង្កាត់កំពង់ស្វាយក្រុងសិរីសោភ័ណ
ខេត្តបន្ទាយមានជ័យ។
ជនសង្ស័យចំនួន០៤នាក់ដែលត្រូវបានសមត្ថកិច្ចឃាត់ខ្លួននើរួមមាន៖ (១-ឈ្មោះ អឿន មករា ហៅ គឹមណាវ៉ារ៉ា ភេទ ប្រុស អាយុ ៣៤ឆ្នាំ មុខរបរ រត់តាក់ស៊ី បច្ចុប្បន្នរស់នៅភូមិសែសិន សង្កាត់អូរអំបិល ក្រុងសិរីសោភ័ណ ២-ឈ្មោះ គៀត វួនសុផល ភេទ ប្រុស អាយុ ៣៤ឆ្នាំ មុខរបរ មិនពិតប្រាកដ បច្ចុប្បន្នរស់នៅភូមិគោរដ្ឋាន សង្កាត់អូរអំបិល ក្រុងសិរីសោភ័ណ ៣-ឈ្មោះ ស៊ឹម សារ ភេទ ស្រី អាយុ ២៥ឆ្នាំ មុខរបរ បម្រើការងារនៅហាងមួយកន្លែង បច្ចុប្បន្នរស់នៅភូមិចក សង្កាត់ព្រះពន្លា ក្រុងសិរីសោភ័ណ ៤-ឈ្មោះ ឃុន សាវ៉ាន់ ភេទ ប្រុស អាយុ ១៥ឆ្នាំ មុខរបរ មិនពិតប្រាកដ បច្ចុប្បន្នរស់នៅភូមិវាលម្រេះ ឃុំគ្រញូងសែនជ័យ ស្រុកស្នួល ខេត្តក្រចេះ ) រួមជាមួយវត្ថុតាងរួមមាន ៖ -គ្រឿងញៀនមេតំហ្វេតាមីនគ្រាប់ចំនួន ៥១គ្រាប់ -គ្រឿងញៀនមេតំហ្វេតាមីនទឹកកកចំនួន ១៣កូនថង់តូច ស្មើនឹង ១៨.៨៨ក្រាម -រថយន្ត ០១គ្រឿង (កាមេរីចង្កូតស្តាំ ស៊េរី ១៩៩៥ ពណ៌ខ្មៅ) -ទូរស័ព្ទដៃ ០៣គ្រឿង -លិខិតឆ្លងដែនចំនួន ០១ -ជញ្ជីងសម្រាប់ថ្លឹងចំនួន ០១ -ថង់សម្រាប់វិចខ្ចប់មួយចំនួននិងឧបករណ៍សម្រាប់ប្រើប្រាស់គ្រឿងញៀន ។
លោកវរសេនីយ៍ឯកសប៊ុនសឿងបានបញ្ជាក់បន្ថែមថាដោយផ្អែកលើចម្លើយសារភាពរបស់ជនសង្ស័យទាំង០៤នាក់ខាងលើកម្លាំងជំនាញកងរាជអាវុធហត្ថខេត្ត បានកសាងសំណុំរឿងបញ្ជូន ជនសង្ស័យ រួមជាមួយវត្ថុតាងទៅតុលាការដើម្បីចាត់ការទៅតាមនីតិវិធី ៕
![]()
![]()
![]()