កំលាំងការិយាល័យជំនាញគ្រឿងញៀនចុះបង្ក្រាបជនសង្ស័យលក់គ្រឿងញៀនបាន១នាក់តាមដិកាបង្គាប់!
ខេត្តបន្ទាយមានជ័យ:ជនសង្ស័យជាមុខសញ្ញាជួញដូរគ្រឿងញៀនម្នាក់ត្រូវបានកំលាំងការិយាល័យជំនាញគ្រឿងញៀននៃបញ្ជាការដ្ឋានកងរាជអាវុធហត្ថខេត្តបន្ទាយមានជ័យធ្វើការឃាត់ខ្លួនតាមដិកាបង្គាប់ របស់តុលាការ។
យោងតាមដិកាបង្គាប់របស់តុលាការលេខ១១០ ចុះថ្ងៃទី៥ ខែ៥ ឆ្នាំ២០១៧នៅវេលាម៉ោង២រសៀល ថ្ងៃទី៥ខែធ្នូឆ្នាំ២០១៧នេះកំលាំងការិយាល័យជំនាញគ្រឿងញៀនចុះបង្ក្រាបជនសង្ស័យលក់គ្រឿងញៀនបាន១នាក់នៅចំណុច ផ្ទះទុកចោល១ខ្នង ស្ថិតក្នុងភូមិថ្មីឃុំម៉ាឡៃស្រុកម៉ាឡៃខេត្តបន្ទាយមានជ័យ។
ជនសង្ស័យឈ្មោះសុខចិន្តាប្រុសអាយុ៥០មុខរបបរធ្វើស្រែរស់នៅ ភូមិថ្មី ឃុំម៉ាឡៃ ស្រុកម៉ាឡៃ ខេត្តបន្ទាយមានជ័យពីបទជួញដូរគ្រឿងញៀនខុសច្បាប់។ ក្នុងការឃាត់ខ្លួននោះកំលាំងអាវុធហត្ថបានធ្វើការដកហូតវត្ថុតាងរួមមានរថយន្តម៉ាកវីហ្កូ ពណ៌កណ្តុលប្រមេះ ចង្កូតស្តាំ ពាក់ស្លាកលេខ PP ២៤៥៩ខ្សែកលោកហៈធាតុពណ៌លឿងមួយខ្សែប្រវែង ៧៧ ស ម ទាំងបណ្តោង ទូរស័ព្ទដៃចំនួន៣គ្រឿង។
លោកវរៈសេនីយ៍ឯកសប៊ុនសឿងមេបញ្ជាការរងកងរាជអាវុធហត្ថខេត្តបន្ទាយមានជ័យទទួលការងារគ្រឿងញៀនបាននិយាយថាក្រោយពីទទួលបានដិបង្គាប់របស់តុលាការឲ្យចាប់ខ្លួនឈ្មោះសុខចិន្តារួចមកលោកបានដឹកនាំកំលាំងអាវុធហត្ថចំនួន១៥នាក់បានសហការជាមួយកំលាំងមូលដ្ឋានកងរាជអាវុធហត្ថស្រុកម៉ាឡៃបានចុះប្រតិបត្តិការឃាត់ខ្លួនជនសង្ស័យបាននៅចំណុចខាងហើយជនសង្ស័យក្រោយមកត្រូវបញ្ជូនមកទីបញ្ជាការកងរាជអសវុធហត្ថខេត្តដើម្បីសួរនាំរួចមកបានកសាងសំនុំរឿងបញ្ជូនទៅតុលាការដើម្បីចាត់ការទៅតាមនិតិវិធីច្បាប់ផងដែរ៕
