បន្ទាយមានជ័យ៖នៅព្រឹកថ្ងៃទី៨ ខែធ្នូ ឆ្នាំ២០១៧ នៅក្នុងតំបន់សេដ្ឋកិច្ចពិសេសសានកូស្ថិតនៅសង្កាត់ផ្សារកណ្តាលក្រុងប៉ោយប៉ែតខេត្តបន្ទាយមានជ័យ។បានប្រារព្ធពិធីសម្ភោធប្រព្រឹត្តទៅក្រោមអធិបតីភាព លោកសុខចិន្តាសោភោរដ្ឋមន្រ្តីអមនាយករដ្ឋមន្រ្តីនិងជាអគ្គលេខាធិការនៃក្រុមប្រឹក្សាអភិវឌ្ឍន៍កម្ពុជា និង លោកហ៊ីដេហ៊ីសាហូរីណូឈីឯកអគ្គរដ្ឋទូតជប៉ុនប្រចាំកម្ពុជា។ការដាក់ទុនវិនិយោគពីសំណាក់ក្រុមតូយ៉ូតាផលិតរថយន្តរបស់ប្រទេសជប៉ុននៅកម្ពុជានៅពេលនេះគ្រាដែលប្រទេសកម្ពុជាមានសុខសន្តិភាពពេញលេញ មានស្ថេរភាពនិងសន្តិសុខល្អទើបធ្វើឱ្យក្រុមហ៊ុនបរទេសមានភាពកក់ក្តៅនិងជំនឿជឿជាក់ទៅលើការដឹកនាំរបស់រាជរដ្ឋាភិបាកម្ពុជា ដែលមានសម្តេចតេជោសែន ជាប្រមុខហើយមកដាក់ទុនវិនិយោគបើកក្រុមហ៊ុនរកស៊ីជាបន្តបន្ទាប់។មិនតែប៉ុណ្ណោះរហូតដល់ពេលនេះមានក្រុមហ៊ុនប្រទេសជប៉ុនមកដាក់ទុនវិយោគនៅកម្ពុជាចំនួន១១៥ក្រុមហ៊ុននោះហើយនិងបានបង្កើតការងារចំនួន៣ម៉ឺន៧ពាន់កន្លែង។ ដោយឡែក ខេត្តបន្ទាយមានជ័យត្រូវគេមើលឃើញថាជាលើកដំបូងនោះហើយដែលមានក្រុមហ៊ុនតូយ៉ូតារបស់ប្រទេសជប៉ុនបានដាក់ទុនវិយោគជាង៣លានដុល្លាសហរដ្ឋអាមេរិចដើម្បីបង្កើតរោងចក្រផលិតគ្រឿងបន្លាស់រថយន្ត ហើយត្រូវបានសម្ភោធដាក់ឱ្យប្រាស់ជាផ្លូវការ នាថ្ងៃនេះ៕