រថយន្តកាមម៉ារី គូតស្វិត ប្រលះម៉ូតូ របួសធ្ងន់ ២នាក់!
ខេត្តឧត្តរមានជ័យ៖រថយន្តកាមម៉ារីគូតស្វិតបើកបរក្នុងល្បឿនលឿនដីហុយខ្លាំងមើលផ្លូវមិនច្បាស់ប្រលះម៉ូតូ ស៊ូមើអុិចបណ្តាលអោយមនុស្ស ២នាក់រង របួសធ្ងន់។
ហេតុការណ៍គ្រោះថ្នាក់ចរាចរណ៍នេះបានកើតឡើងនៅវេលាម៉ោង ៤និង៣០ នាទី ថ្ងៃទី៨ ខែធ្នូ ឆ្នាំ២០១៧
នៅលើផ្លូវគ្រួសក្រហម ស្ថិតក្នុងភូមិ ថ្នល់កែង ឃុំត្រពាំងប្រាសាទ ស្រុកត្រពាំងប្រាសាទ ខេត្តឧត្តរមានជ័យ ។
សាក្សីនៅកន្លែងកើតហេតុបានអោយដឹងថា៖មុនពេលកើតហេតុគេបានឃើញរថយន្តម៉ាកកាមរី(កាលីហ្វញ៉ា) ពណ៌ក្រហម ស្លាកលេខ ភ្នំពេញ.2B-9778 បុកជាមួយម៉ូតូ ម៉ាកស៊ូមើអុិច ពណ៌ខ្មៅ លាយ ស គ្មានស្លាកលេខ បើកបរបញ្រ្ចាសទិសគ្នា បណ្តាលឱ្យភាគីម៉ូតូ របួសធ្ងន់ ០២នាក់)
១-ឈ្មោះ ខន វិត ភេទ ប្រុស អាយុ១៥ ឆ្នាំ បាក់ជើងខាងស្តាំ ២-ឈ្មោះ ខន ណាវី ភេទ ស្រី អាយុ ១៤ឆ្នាំ បាក់ភ្លៅទាំងសងខាង អ្នកទាំងពីរ រស់នៅភូមិថ្នល់កែង ឃុំត្រពាំងប្រាសាទ ស្រុកត្រពាំងប្រាសាទ ខេត្តឧត្តរមានជ័យ ជាមួយគ្នា ។ នៅកន្លែងកើតហេតុសមត្ថកិច្ចបានឲ្យដឹងថា បណ្តាលមកពីរថយន្តកាមម៉ារីបើកបរក្នុងល្បឿនលឿន ដីហុយខ្លាំង មើលផ្លូវមិនច្បាស់ ។
បច្ចុប្បន្នរថយន្តនិងម៉ូតូត្រូវបាននគបាលយកមករក្សាទុក រងចាំដោះស្រាយតាមច្បាប់៕
