សម្តេចអគ្គមហាសេនាបតីតេជោហ៊ុន សែន បានអញ្ជើញសួរសុខទុក្ខយុវជនពិការ ក្នុងអង្គការសម្ព័ន្ធ នារីពិការ ក្នុងក្រុង ព្រៃវែង ខេត្តព្រៃវែង

ភ្នំពេញៈ ក្នុងពេលព្រលឹមស្រាង សម្តេចអគ្គមហាសេនាបតី តេជោ ហ៊ុន សែន បានធ្វើដំណើរ ឆ្ពោះទៅខេត្តព្រៃវែង ដើម្បីអញ្ជើញសួរសុខទុក្ខយុវជនពិការ ក្នុងអង្គការសម្ព័ន្ធ នារីពិការ  ។ សម្តេចបានយកចិត្តទុកដាក់ ដល់ប្រជាពលរដ្ឋ ទោះជាចាស់ជរា ពិការ និងគថ្លង់ ព្រមទាំងអ្នកមានផ្ទុកមេរោកអេដស៍ សម្តេចមិនដែលរើសអើងឡើយ ។ 

ម៉ោង៥ និង៣០នាទីខ្ញុំបានចេញពីផ្ទះក្នុងដំណើរឆ្ពោះមកកាន់ខេត្តព្រៃវែង។ ពេលនេះខ្ញុំបានស្ថិតក្នុងខេត្តព្រៃវែងរួចទៅហើយ។ ប្រទេសមានសុខសន្តិភាព និងមានផ្លូវ ស្ពានល្អវាងាយស្រួលបែបនេះ។ ខាងក្រោមនេះ ដែលសម្តេចបានបង្ហោះនៅក្នុង បណ្តាញហ្វេសប៊ុកផ្ទាល់របស់សម្តេច ដែលមានខ្លឹមសារ ដូចខាងក្រោមៈ 

ខ្ញុំឃើញប្រជាជនធ្វើដំណើរតាមដងផ្លូវដោយគ្មានការភ័យខ្លាច ទោះបីមិនទាន់ភ្លឺក៏ដោយ។ ខេត្តព្រៃវែង និងខេត្តស្វាយរៀងមុនពេលមានស្ពានព្រែកតាមាក់ និងស្ពានអ្នកលឿងហាក់នៅសែនឆ្ងាយដែលត្រូវឆ្លងសាឡាងឬទូកដរដោយលំបាក តែពេលនេះត្រូវឆ្លងស្ពានដោយងាយស្រួល។ដូចខេត្តនានាដែរ ខ្ញុំនឹងជួបធ្វើការជាមួយថ្នាក់ដឹកនាំខេត្ត ស្រុក មន្ត្រីរាជការកងកម្លាំងប្រដាប់អាវុធ ដើម្បីពិនិត្យមើលសមិទ្ធផលដែលសម្រេចបាន និងបញ្ហាប្រឈមត្រូវដោះស្រាយ។