លោក សម រង្ស៊ី លាលែងប្រធានគណបក្សប្រឆាំង ហើយលាចេញពីបេក្ខភាពនៅក្នុងខណៈបក្សទៀត

ភ្នំពេញៈ  នៅលើ Page បណ្តាញសង្គមហ្វេសប៊ុក របស់លោក សម រង្ស៊ី បានសរសេរនៅថ្ងៃទី ១១ ខែ កុម្ភៈ ឆ្នាំ២០១៧ ថា”គ្រប់កាលៈទេសៈ ខ្ញុំនៅតែរក្សាឧត្តមគតិសង្គ្រោះជាតិ ជានិច្ច ក្នុងបេះដូងរបស់ខ្ញុំ។ In all circumstances I continue to cherish and to uphold the CNRP’s ideals in my heart.

លោក បានដាក់ពាក្យលាលែងចេញពីប្រធានគណបក្សសង្គ្រោះជាតិ និងសមាជិកភាពគណបក្ស សង្គ្រោះជាតិ ។ ដោយសារមូលហេតុផ្ទាល់ខ្លួន ។

ក្នុងការលាលែងរបស់ពីប្រធានគណបក្សសង្គ្រោះជាតិនេះ ចំពេលដែល លោកនាយករដ្ឋមន្ត្រី ព្រមានថាទាមទារសំណងជម្ងឺចិត្តចំនួន ១០០០០០០ $ (មួយលានដុល្លារសហរដ្ឋអាមេរិក) បើសិន​មិនមានលុយគ្រប់ ត្រូវរឹបអូសទីស្នាក់ការគណបក្សសង្គ្រោះជាតិ ។ មួយវិញទៀត នៅពេល ខាងមុខនេះ សភាជាតិនឹងអនុម័តច្បាប់ ដើម្បីកុំឲ្យអ្នកនយោបាយដែលធ្លាប់មានទោស ធ្វើជាមេបក្សនយោបាយ ។ ក្នុងស្ថានភាពនេះ​ មានអ្នកគាំទ្រ និង សមាជិកបក្សនេះ កំពុងតែមាន ការឆ្ងល់ជាខ្លាំង ។ ថាតើលោក សម រង្ស៊ី បានលាងដៃផ្តិលសំរិទ្ធ លាចេញពីឆាកនយោបាយឬ យ៉ាងណា? ៕