កាំកុងត្រូលខេត្តបន្ទាយមានជ័យសហការណ៍ជាមួយសមត្ថកិច្ចពាក់ព័ន្ធរចុះផ្សព្វផ្សាយនិង ត្រួតពិនិត្យទំនិញ អប់រំណែនាំដល់អាជីវករលក់ដូរ នៅក្នុងផ្សារក្នុង ក្រុងសិរីសោភ័ណ និងនៅសាលារៀន!
ខេត្តបន្ទាយមានជ័យ៖
មន្រ្តីសាខាកាំកុងត្រូលខេត្តបន្ទាយមានជ័យ សហការជាមួយមន្ទីរពាណិជ្ជកម្ម នគរបាលប្រឆាំងបទល្មើសសេដ្ឋកិច្ចក្រសួង -ខេត្ត ក្រោមការសម្របសម្រួលពីលោក មាស ច័ន្ទពិសិដ្ឋ ព្រះរាជអាជ្ញាអមសាលាដំបូងខេត្ត នៅព្រឹកថ្ងៃទី១៣ ខែកុម្ភះ ឆ្នាំ ២០១៧នេះ ដើម្បីបន្តយុទ្ធនាការចុះផ្សព្វផ្សាយនិង ត្រួតពិនិត្យទំនិញ អប់រំណែនាំដល់អាជីវករលក់ដូរ នៅក្នុងផ្សារចំការគក្នុង ក្រុងសិរីសោភ័ណ និងនៅសាលារៀនដែលស្ថិតនៅក្នុងភូមិខ្លារកូន ក្រុងសិរីសោភ័ណ ខេត្តបន្ទាយមានជ័យធ្វើការណែនាំដល់បងប្អូនអាជីវករដែលលក់ដូរក្នុងទីផ្សារនិង សាលារៀនត្រូវបញ្ឈប់ដាក់តាំងលក់ដើម្បីកុំអោយប៉ះពាល់ដល់ប្អូនៗជាសិស្សដែលទិញយកទៅបរិភោគ ។
លោក ស៊ាន សីុណាត ប្រធានសាខាកាំកុងត្រូលខេត្តបន្ទាយមានជ័យ បានដឹកនាំមន្រ្តីជំនាញដើម្បី បន្តធ្វើការចុះពិនិត្យនិងណែនាំដល់អាជីវករជាពិសេសសិក្សានុសិស្សនៅតាមសាលារៀននានា និងនៅតាមទីផ្សារ ដើម្បីអោយយល់ដឹងអំពីបញ្ហាររាល់មុខ ម្ហូបអារហារណា ដែលខូចគុណភាណនិងហួសកាលប្រើប្រាស់ និងការប្រើប្រាស់ ដែលធ្វើអោយប៉ះពាល់ដល់អ្នកទិញយកទៅបរិភោគ។
លោកប្រធានសាខាកាំកុងត្រូលបានបន្តទៀតថា៖ លោកដឹកនាំមន្រ្តីជំនាញដែលពាក់ព័ន្ន បានចុះរុករកនូវរាល់ទំនិញណាដែលខូចគុណភាព និងហួសកាលបរិច្ឆេទប្រើប្រាស់ដើម្បីធ្វើការដកហូត ជាលទ្ឋផលមន្រ្តីជំនាញ គឺបានរកឃើញនូវទំនិញដែលខូចគុណភាព និងហួសកាលបរិច្ឆេទប្រើប្រាស់ មាន៖ ទឹកក្រូចគ្រប់ប្រភេទមាន ដប់ធំ,ដបតូច ,នំបំពងច្រកថង់គ្មានការវេចខ្ចប់ត្រឹមត្រូវ ដែលហួសកាលបរិច្ឆេទប្រើប្រាស់ដែលអាជីវករលក់ដូរនៅក្នុងផ្សារចំការគក្រុងសិរីសោភ័ណ , និងនំកញ្ចប់ជាច្រើនប្រភេទ ដែលជាអារហារកូនក្មេងលក់នៅក្នុងសាលារៀនវិទ្យាល័យខ្លារកូន ត្រូវបានដកហូតដើម្បីយកទៅដុតកម្ទេចចោល។
ហើយមន្រ្តីជំ នាញបាន ធ្វើការណែនាំដល់បងប្អូនអាជីវករដែលលក់ដូរក្នុងទីផ្សារនិង សាលារៀនត្រូវបញ្ឈប់ដាក់តាំងលក់ដើម្បីកុំអោយប៉ះពាល់ដល់ប្អូនៗជាសិស្សដែលទិញយកទៅបរិភោគ ។ ជាមួយគ្នានេះដែរ មន្រ្តីកាំកុងត្រូល ក៏បានធ្វើការណែនាំដល់ប្អូនៗជាសិស្សសាលាអោយយល់ដឹងអំពីនំចំណីអារហារដែលខូចគុណភាព និងបានអំពាវនាវដល់ក្រុមអាជីវករទាំងអស់ ត្រូវបង្កើនសកម្មភាព ក្នុងការយកចិត្តទុកដាក់កាន់តែខ្លាំង លើការជាវទំនិញមកដាក់តាំងលក់ដូរដើម្បីចូលរួមកាត់បន្ថយផលការប៉ះពាល់ដល់សុខភាពរបស់ប្រជាពលរដ្ឋនៅតាមមូលដ្ឋានផងដែរ៕
