បន្ទាយមានជ័យៈ រថយន្តម៉ាក Pickup ford ranger បុក ម៉ូតូហុងដាឌ្រីមបណ្តាលខ្ទាតទៅបុកម៉ូតូនិងម៉ូតូកង់បីចតចោលបណ្តាល អោយមនុស្សប្រុសស្រីចំនួន2នាក់ស្លាប់និងម្នាក់ទៀតរបួសធ្ងន់ចំណែកម្ចាស់រថយន្តគេចបាត់ស្រមោល។  

 

ហេតុការណ៍នេះបានកើតឡើងនៅវេលាម៉ោង 22 និង 50នាទី ថ្ងៃទី  13ខែកុម្ភៈឆ្នាំ2017លើបណ្តោយផ្លូវលំក្រាលបេតុងត្រង់ចំណុចផ្លូវបំបែកជាបួន កែងស្តង់ជ្រូក ស្ថិតក្នុងភូមិបាលិលេយ្យ១ សង្កាត់ ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។  សមត្ថកិច្ចនគរបាលចរាចរណ៍ ក្រុងប៉ោយប៉ែតបានប្រាប់អោយដឹងថានៅ មុនដំបូងមានរថយន្ត01គ្រឿងម៉ាកPickup ford ranger ពណ៏ស ពាក់ស្លាកលេខ ភ្នំពេញ 2AQ-0808 អ្នកបើកបរ (ក្តាប់ឈ្មោះនិងអាស្រ័យដ្ឋានពុំបាន)បើកបរគោលដៅពីទិសខាងលិចទៅទិសខាងកើត លុះបើកបរដល់ផ្លូវបំបែកជាបួនស្រាប់តែមានម៉ូតូ01គ្រឿងម៉ាកហុងដាទ្រីមសេ125 ពណ៏ខ្មៅ ពាក់ស្លាកលេខ បន្ទាយមានជ័យ 1M-2410 បើកបរដោយឈ្មោះ ស្រី នី ភេទស្រី អាយុ18ឆ្នាំ មុខរបរកម្មករ ហើយមានដឹកមនុស្ស02នាក់ 01;ឈ្មោះ ន រាណ៏ ភេទស្រី អាយុ17ឆ្នាំ មុខរបរ កម្មករ 02;ឈ្មោះ សំបូរ  (ហៅ ពៅ )ភេទប្រុស អាយុ18ឆ្នាំ មុខរបរកម្មករ អ្នកទាំងបីរស់នៅក្នុងភូមិគីឡូម៉ែត្រលេខ4 សង្កាត់ផ្សារកណ្តាល ក្រុងប៉ប៉ ខេត្តបន្ទាយមានជ័យ បើកបរគោលដៅពីទិសខាងជើងទៅទិសខាងត្បូង លុះបើកមកដល់ផ្លូវបំបែកជាបួនក៏ត្រូវរថយន្តខាងលើបុក បណ្តាលអោយគ្រោះថ្នាក់តែម្តង ចំណែកម៉ូតូបានខ្ទាតទៅបុកនិងម៉ូតូ01គ្រឿងចតចោលម៉ាកហុងដាទ្រីមសេ125  ពណ៏ខ្មៅ ពាក់ស្លាកលេខ ភ្នំពេញ 1BA-6206 និងម៉ូតូកង់បីចតចោល ម៉ាកហុងដាសេ100 ពណ៏ក្រហម ពុំមានស្លាកលេខ ។  ការគ្រោះថ្នាក់បណ្តាលអោយ(ស្លាប់01នាក់&របួស02នាក់)

01-ឈ្មោះ ស្រី នី ភេទស្រី (ស្លាប់នៅនិងកន្លែងកើតហេតុ)

02-ឈ្មោះ ន រាណ៏ ភេទស្រី (រងរបួសធ្ងន់)

03-ឈ្មោះ សំបូរ (ហៅ ពៅ ) ភេទប្រុស (រងរបួសធ្ងន់)

+ជនរងគ្រោះត្រូវបានរថយន្តអង្គការកាម៉ាដឹកយកទៅពេទ្យបង្អែកដីថ្មី ។ រថយន្ត(ខូចធ្ងន់) ម៉ូតូទាំងពីរ(ខូចធ្ងន់)  ម៉ូតូកង់បី(ខូចស្រាល)

ហើយយានយន្ត ទាំងបួននិងយកទៅរក្សាទុកនៅអធិការដ្ឋាន។  គួរបញ្ជាក់ថានៅ  វេលាម៉ោង 14និង04នាទី ថ្ងៃទី១៤ កុម្ភៈឆ្នាំ២០១៧ជនរងគ្រោះបានស្លាប់ម្នាក់ទៀតឈ្មោះ សំបូរ (ហៅពៅ) ស្លាប់នៅមន្ទីរពេទ្យ ។ទោះជាយ៉ាងណាជុំវិញបញ្ហាគ្រោះថ្នាក់ចរាចរណដ៏គួរឲ្យរន្ធត់នេះសង្ឃឹមថាសមត្ថកិច្ចអាចស្រាវជ្រាវរកអ្នកបើកបរ រថយន្តបង្ករហេតុមកទទួលខុសត្រូវតាមផ្លូវច្បាប់៕