ក្នុងរឿងស្ត្រីរើអេបចាយ ត្រូវបានរថយន្ត បុកបាក់ជើងបីកំំណាត់ ប៉ូលិសបែរមកសាកសួរបុគ្គលិកLICADHO ដល់ស្នាក់ការ

បន្ទាយមានជ័យៈ មានប៉ូលិសស្នងការនគរបាល ប៉ូលិសអធិការក្រុង សិរីសោភ័ណ  ប៉ូលិសប៉ុស្តិ៍នគរបាលរដ្ឋបាលសង្កាត់ចំនួន ១៣ នាក់ បានចុះទៅដល់ទីស្នាក់អង្គការលីកាដូ ខេត្ត បន្ទាយមានជ័យ ដើម្បីូឲ្យធ្វើការបកស្រាយលើរូបភាព និង ការសរសេរនៅលើបណ្តាញសង្គម ហ្វេសប៊ុក កាលពីថ្ងៃទី ១៤ ខែ កុម្ភៈ ឆ្នាំ២០១៧ ដែលទាក់ទងទៅលើ ស្ត្រីក្រីក្ររើបអេប ចាយ ត្រូវបានរថយន្តបុក កាលពីថ្ងៃទី ០៦ ខែ កុម្ភៈ ឆ្នាំ២០១៧ ។ 

នៅព្រឹកថ្ងៃទី ១៥ ខែ កុម្ភៈ ឆ្នាំ ២០១៧ មានកំលាំងសមត្ថកិច្ច ចំនួន ១៣ នាក់ ដែលមកពី ស្នងការនគរបាលខេត្ត  អធិការក្រុងសិរីសោភ័ណ និងប៉ូលិសរដ្ឋបាលសង្កាត់កំពង់ស្វាយ  បានមកស្នាក់ការអង្គការលីកាដូ ខេត្តបន្ទាយមានជ័យ  ដើម្បីធ្វើ ការសាកសួរ អំពីការបង្ហោះ តាមប្រព័ន្ធសង្គម ដែលមាន Account Iimarady  បានបង្ហោះកាលពីថ្ងៃទី ១៤ ខែ កុម្ភៈ ឆ្នាំ២០១៧ ។

ប្រធានអង្គកាលីកាដូ ប្រចាំខេត្តបន្ទាយមានជ័យ លោក ភុន ឈិន បានមានប្រសាសន៍ថាៈ  សមត្ថកិច្ចប៉ូលិសបានមកអង្គការលី កាដូ នៅព្រឹកនេះ ដោយមកសុំឲ្យខាងបុគ្គលិកអង្គកាលីកាកែតម្រូវ នូវការសរសេរអំពីរឿងគ្រោះថ្នាក់ចរាចរ កាលពី ថ្ងៃទី ៦ ខែ កុម្ភៈ ឆ្នាំ ២០១៧  ការសរសេរនេះ មិនមានចេតនា ទម្លាក់កំហុសទៅលើសមត្ថកិច្ចទេ ដោយគ្រាន់តែលើកឡើងតាមសម្តី ជនរងគ្រោះ ហើយរកសប្បុរសជន ។ ក្នុងនោះដែរក៍ជាការយល់យោគគ្នាដែលសមត្ថកិច្ច មានឱកាសបំភ្លឺទៅលើរឿង គ្រោះថ្នាក់ចរាចរនេះដែរ ។

មន្ត្រីប៉ូលិសអធិការក្រុងសិរីសោភ័ណ បាននិយាយថាៈ ការលើកឡើងថាៈ សមត្ថកិច្ចបើកឡានបុកស្ត្រីនោះ សមត្ថកិច្ចមិនបានបើករថយន្តបុកទេ តាមពិតស្រ្តីរូប នោះរត់ចូលឡានគេ ហើយសមត្ថកិច្ចបានយកឡានទៅដឹកជួយសង្គ្រោះដាក់មន្ទីរពេទ្យ ។ មុនពេលកើតហេតុនាងតែងតែ មានអារម្មណ៍មិនល្អ ចង់ចូលឡានសម្លាប់ខ្លួន ហើយពេលខ្លះ នាងចង់ទិញសាំងចាក់ដុតសម្លាប់ខ្លួនទៀតផង នាងប្រហែលមាន ជម្ងឺសរសៃរប្រសាទ ។

ក្នុងការសាកសួររបស់សមត្ថកិច្ច ទៅលើបុគ្គលិកអង្គការលីកាដូ ប្រចាំខេត្តបន្ទាយមានជ័យ  លោក ស៊ុំ ចន្ទគា អ្នកសំរបសំរួល សមាគមអាដហុក ខេត្តបន្ទាយមានជ័យ និយាយប្រាប់ សារព័ត៌មានខ្មែរជាយដែនថាៈ មិនគួរគ្រាន់តែការសរសេរបន្តិចបន្តួច តាម សាកសួរដល់ស្នាក់ការទេ ។  សមត្ថកិច្ចអាចសរសេរ Comment ខាងក្រោមឲ្យមានការសម្រួលទៅ ឬ អាចទាក់ទងគ្នាតាមទូរស័ព្ទ ក៏បានដែរ ។ ខ្លឹមសារដែលបានបង្ហោះតាមប្រព័​ន្ធសង្គម ដែលខ្ញុំបានអាននោះ មិនមានអ្វីដែលធ្ងន់ធ្ងរទេ ដោយដាក់តាមសំដី របស់ស្ត្រីរងគ្រោះ  ដើម្បីសុំជំនួយដល់សប្បុរសជន បន្ថែមយកទៅជួយគាត់ ។ ខ្ញុំគិតថា ទាំងសមត្ថកិច្ចទាំងសង្គមស៊ីវិល ធ្វើការ ដើម្បីផលប្រយោជន៍ពលរដ្ឋ គួរតែចេះនិយាយគ្នា ត្រង់ទៅត្រង់មក កសាងវប្បធម៌ និង ទំនាក់ទំនងល្អនិង ជាការល្អមួយសម្រាប់  ខេត្តបន្ទាយមានជ័យ ៕