ក្រឡាប់រថយន្តនៅម៉ាឡៃឆក់យកជីវិតមនុស្ស៣នាក់ហើយម្នាក់ទៀតរបួសធ្ងន់!
បន្ទាយមានជ័យ
មនុស្ស៣នាក់បានស្លាប់នៅនឹងកន្លែងកើតហេតុយ៉ាងអណោចអធ័ម ចំណែកម្នាក់ទៀតបាន រងរបួសធ្ងន់ ក្នុងករណីគ្រោះថ្នាក់ចរាចរណ៍បង្ករឡើងដោយខ្លួនឯងខណៈរថយន្តក្រឡាប់ជាច្រើនត្រឡប់ ។
ហេតុការណ៍នេះបានកើតឡើងកាលពីវេលាម៉ោង ៤និង៥នាទី រសៀលថ្ងៃទី១៤ ខែ កុម្ភៈ ឆ្នាំ២០១៧ នៅចំណុច ភូមិសង្កែ ឃុំបឹងបេង ស្រុក ម៉ាឡៃ ខេត្ត បន្ទាយមានជ័យ។
នៅមុនពេលកើតហេតុ គេបានឃើញ រថយន្ត ម៉ាក កាមរីឆ្លាម ពណ៌ស ពាក់ស្លាកលេខ ភ្នំពេញ 2Q-7185 បានធ្វើដំណើរពីខេត្តបន្ទាយមានជ័យទៅកាន់ស្រុកកំរៀងខេត្តបាត់ដំបងក្នុងគោលដៅកើតទៅលិច ក្នុងល្បឿនលឿន លុះមកដល់ចំណុចកើតហេតុខាងលើស្រាប់តែរថយន្ត ក៏បាន ក្រឡាប់ ជាច្រើនត្រឡប់បណ្តាលឲ្យមនុស្សក្នុងរថយន្ត៤នាក់ស្លាក់អស់៣នាក់ក្នុងនោះស្រី២នាក់និងប្រុសម្នាក់ងានស្លាប់ចំណែកបុរសម្នាក់ទៀតក៏បានរងរបួសធ្ងន់ត្រូវបានគេដឹកទៅសង្គ្រោះនៅមន្ទីពេទ្យផងដែរ។
ទោះជាយ៉ាងណានៅកន្លែងកើតហេតុគេឃើញមានប័ណ្ណ បើក១សន្លឹកនិងអត្តសញ្ញាណប័ណ្ណ១សន្លឹក ដែលមានឈ្មោះថា ធិញចាន់ធឿន ភេទ ស្រី កើតនៅថ្ងៃទី១១ខែ១២ឆ្នាំ១៩៩០ ស្រុកកំណើត ភូមិស្ទឹង ឃុំស្វាយចេក ស្រុកថ្មពួក ខេត្ត បន្ទាយមានជ័យ។ ទីលំនៅ អចិន្ត្រៃយ៍ ភូមិ២ សង្កាត់កំពង់ស្វាយ ក្រុងសិរីសោភ័ណ ខេត្ត បន្ទាយមានជ័យ។
