ចាងហ្វាងកាសែតស្នហាជាតិកំពុងមានប្រជាប្រិយភាពក្នុង Facebook លោក សាន ប៊ុនធឿន ជួបគ្រោះថ្នាក់ចរាចរ!
(ភ្នំពេញ)៖
រថយន្តកុងតឺន័រ ងងុយដេក រេចង្កូតមករករថយន្តកាមរីឆ្លាម ទាំងកម្រោល ធ្វើអោយ តៃកុងរថយន្តឆ្លាមបង្ខំចិត្តបួងចង្កួតធ្លាក់ប្រឡាយនៅផ្លូវ បណ្តាយឲ្យ
រថយន្តខូតខាតធ្ងន់ចំណែកមនុស្ស២នាក់រងរបួសធ្ងន់និងស្រាល..។ ហេតុ ការណ៍គ្រោះថ្នាក់ចរាចរនេះកើតឡើងនៅទៀបភ្លឺថ្ងៃទី១៧ ខែកុម្ភៈ ឆ្នាំ២០១៧នេះ នៅតាមបណ្តោយផ្លូវជាតិលេខ៤ ក្នុងឃុំត្រែងត្រយឹង ក្នុងស្រុកភ្នំស្រួច ខេត្តកំពង់ស្ពឺ។
ជនរងគ្រោះត្រូវបានគេស្គាល់ថាឈ្មោះសាន្ត ប៊ុនធឿន អាយុ៤៤ឆ្នំាដែល ជាចាងហ្វាងកាសែតស្នហាជាតិនិងជាអ្នកព័ត៌មានកំពុងទទួលបានភាពល្បាញល្បីតាមបណ្តាញសង្គម Facebook ផងដែរ។ បានរងរបួសស្រាលបែកក្បាល ចំណែក អ្នកបើកបររថយន្តអោយលោកដែលមានឈ្មោះទុយ សុភក្ត្រា ភេទប្រុសអាយុ២៧ឆ្នំាបាន(រងរបួសត្រង់ជើងធ្ងន់ធ្ងរ )ហើយថយន្តខូចស្ទើរទាំងស្រុង ។
នៅពេលកើតហេតុបើតាមការផ្សាយផ្ទាល់លើទំព័រ Facebook ក្រោយកើតគ្រោះថ្នាក់ភ្លាមៗនោះ លោក សាន្ត ប៊ុនធឿន បានឲ្យដឹងថា នៅទៀបភ្លឺថ្ងៃនេះលោករួមជាមួយក្រុមការងារបានជិះរថយន្តត្រឡប់មកពីខេត្តព្រះសីហនុ ចូលមករាជធានីភ្នំពេញ។ អកុសលមកដល់ចំណុចកើតហេតុមានរថយន្តកុងតឺន័រមួយគ្រឿង ដែលលោកអះអាងថា អ្នកបើកបរងងុយដេកនោះ បានបើកចូលចំណែកផ្លូវរថយន្តលោក ឃើញដូចនោះអ្នកបើកបររថយន្តក៏បួងចង្កូតធ្លាក់ទៅប្រឡាយនៅចិញ្ចើមផ្លូវតែម្តងតែសំណាងមិនធ្លាក់លូ។
ទោះជាយ៉ាងណាក្រោយកើតហេតុលោក សាន ប៊ុនធឿន រួមនិងអ្នកបើករថយន្ត បានបន្តធ្វើដំណើរតាមរថយន្តឈ្នួលមកកាន់រាជធានីភ្នំពេញ ខណៈដែល រថយន្តទុកឲ្យសមត្ថកិច្ចជាអ្នកចាត់ចែង។ សូមបញ្ជាក់ផងដែរថា រថយន្តកុងតឺន័រ ដែលបង្កឲ្យមានគ្រោះថ្នាក់នេះ ក៏ត្រូវបានសមត្ថកិច្ចឃាត់ទុកផងដែរ។លោកប្រាក់ ប៊ុន ឡៃ នាយប៉ុស្តិនគរបាលឃំុត្រែងត្រយឹងបាននិយាយអោយដឹងថាមុនដំបូងរថយន្តម៉ាកកាមរីឆ្លាមពណ៌ទឹកមាសពាក់ស្លាកលេខភ្នំពេញ២D៨៦០៤ធ្វើដំណើរពីលិចទៅកើតលុះមកដល់ចំណុចកើតហេតុស្រាប់តែមានរថយន្តសណ្តោងកុងតឺន័រម៉ាកហ៊ីណូពណ៌បៃតងពាក់ស្លាកលេខភ្នំពេញ3A3084បើកបញ្ច្រាស់បុកបណ្តាលអោយរងរបួស។ក្រោយកើតហេតុអ្នកបើកបររថយន្តកុងតឺន័រចតរថយន្តចោលរត់គេចបាត់ នគរបាលមូលដ្ឋានចុះវាស់វែងនំាយកមករក្សាទុករង់ចំាដោះស្រាយពេលក្រោយ៕
