បន្ទាយមានជ័យ:ស្របពេលដែលល្បែងអនឡាញ២កន្លែងស្ថិតក្នុងភូមិក្បាលស្ពាន២សង្កាត់ប៉ោយប៉ែតក្រុងប៉ោយប៉ែត ខេត្តបន្ទាយមានជ័យ ដែលគេសង្ស័យថាមានមន្ត្រីកងរាជអាវុធហត្ថគ្រាក់ៗ មានឥទ្ធិពលក្នុងខេត្តនេះ មានភាគហ៊ុនក្នុងការបើកនោះហើយពេលនេះបានកំពុងតែ បើកលេងយ៉ាង រំភើយ  ប្រកបដោយសុវត្ថភាពគ្មានសមត្ថកិច្ចណាហ៊ាន បង្ក្រាបទៀតរិតតែបញ្ហាញឲ្យ ប្រជាពលរដ្ឋ ឃើញកាន់ច្បាស់។សមត្ថកិច្ច ទាំង២ស្ថាប័ន មាននគរបាលនិងកងរាជអាវុធហត្ថក្រុងប៉ោយប៉ែត ត្រូវបានគេមើលឃើញថា មិនហ៊ាន បង្ក្រាប ល្បែងអនឡាញ ចំនួន២ទីតាំង ស្ថិត ក្នុងភូមិ ក្បាលស្ពាន២សង្កាត់និងក្រុងប៉ោយប៉ែត ប្រជាពលរដ្ឋរាយការថាល្បែងស៊ីសងតាមប្រព័ន្ធអនឡាញ ដែលគេសង្ស័យថាមន្ត្រីកងរាជអាវុធហត្ថដ៏មានឥទ្ធិពល ក្នុងខេត្តបន្ទាយមានជ័យ ២នាក់ពាក់ព័ន្ធនិងការបើកល្បែងស៊ីសងនេះ បើទោះបីជា លោកមេបញ្ជាការPM ធ្លាប់ប្រតិកម្មថានឹងឲ្យកូនចៅស្រាវជ្រាវបង្ក្រាបនោះ។  អ្វីដែលពួកគាត់ហួសចិត្តព្រោះមកដល់ពេលនេះល្បែងស៊ីសងអនឡាញ ទាំង២ទីតាំងមិនទាន់ត្រូវបានសមត្ថកិច្ច បង្ក្រាប នៅឡើយទេ។បើទោះបីជាកន្លែងទាំងនោះហ៊ានបើកលេងយ៉ាងចំហរ ក៏ដោយ ក៏មិនទាន់ឃើញ សមត្ថកិច្ច ចុះទៅ  បង្ក្រាប  នៅឡើយដែរ។ប្រភពបានលើកឡើងថាដោយសារ តែទីតាំងទាំង២កន្លែងនោះសុទ្ធសឹងតែមានភាគហ៊ុនជាមួយមន្រ្តីកងរាជអាវុធហត្ថដែលម្នាក់គេប្រាប់ថាជា មេបញ្ជារ រងកងរាជហត្ថខេត្តបន្ទាយមានជ័យផង។ពោលគឺទីតាំងទី១មាន លោកម៉ែន ភិរម្យ និងឈ្មោះធី និងម្នាក់ទៀតឈ្មោះ វុធជាមន្ត្រីកាំកុងត្រូលទៀតផងបានសហការគ្នា។    ចំណែកមួយកន្លែងទៀតមានលោក  រស់  សាហាន   ជាមន្ត្រីកងរាជអាវុធហត្ថ ខេត្តបន្ទាយមានជ័យដែរ ដោយអោយប្អូនមើលការខុសត្រួវ ជំនួស។ ពាក់ព័ន្ធទៅនិងការចោទប្រកាន់នេះអ្នកសារព័ត៌មានយើងបានព្យាយាមទាក់ទងទៅលោកទាំង២ដែរតែខលមិនចូល ។សារពត៌មានខ្មែរជាយដែនបានព្យាយាមសុំការបំភ្លឺក្នុងការលើកឡើង របស់ប្រជាពលរដ្ឋនេះ ។ទោះជាយ៉ាងណាក៏ដោយ ប្រជាពលរដ្ឋ បានបន្តធ្វើការរិះគន់ធ្ងន់ៗទៅលើលោកជាដាមេបញ្ជារ មូលដ្ឋានក្រុងប៉ោយប៉ែត និង លោកធិនស៊ិនដេតអធិការក្រុងប៉ោយប៉ែតថា បង្ក្រាបបានតែល្បែង កំប៉ិកកំប៉ុក ដែលប្រជាពលរដ្ឋអត់ខ្នងអត់ខ្សែរលួចលេងតាមដុបចេកប៉ុណ្ណោះ ។តែដល់ល្បែងអនឡាញ២កន្លែងនេះវិញដែលមានខ្នងគ្រាក់ៗនោះកុំថាឡើយ  ។បង្ក្រាប សូម្បីតែជិះរថយន្តកាត់ក៏មិនហ៊ានផង។