មន្ត្រីជំនាញ កាំកុងត្រូលសាខា ខេត្តបន្ទាយមានជ័យនិងសមត្ថកិច្ចពាក់ព័ន្ធចុះត្រួតពិនិត្យបន្លែក្នុងផ្សារត្រី!
បន្ទាយមានជ័យ
លោកស៊ានស៊ីណាតដឹកនាំមន្ត្រីជំនាញ កាំកុងត្រូលសាខា ខេត្តបន្ទាយមានជ័យនិងសមត្ថកិច្ចពាក់ព័ន្ធមន្ទីពានិជ្ជកម្ម ប៉ូលីសប្រឆាំងបទល្មើស សេដ្ឋកិច្ច ខេត្តនិងក្រសួង សហការជាមួយអាជ្ញាធរ ក្រុងប៉ោយបែតបានចុះទៅ
ត្រួតពិនិត្យ ទៅលើបន្លែផ្លែឈេីនាំចូលពីប្រទេសជិតខាងយកទៅធ្វេីតេស្តរកសារធាតុគីមីដែលធ្វេីឧ្យប៉ះពាល់សុខភាពពលរដ្ឋ ។
ប្រតិបត្រការនេះបានធ្វើឡើង នៅវេលាម៉ោង៧និង៣០នាទី ព្រឹកថ្ងៃទី២០ខែកុម្ភៈឆ្នាំ២០១៧ នៅក្នុងផ្សារត្រី ស្ថិតក្នុង ភូមិ បាលិលេយ្យ១សង្កាត់ប៉ោយប៉ែត ខេត្ត បន្ទាយមានជ័យ។
លោក ស៊ានស៊ីណាត ប្រធានសាខាកាំកុងត្រូលខេត្ត បន្ទាយមានជ័យ បាន
ថ្លែងថា ដោយមានការយកចិត្តទុកដាក់ ដល់សុខភាព ប្រជាពលរដ្ឋ នាយកដ្ឋានកាំកុងត្រូល បានប្រគល់រថយន្តនិងសម្ភារៈឧបករណ៍ បច្ចេស ទំនើប សំរាប់ ធ្វើតេស្ត រកសារធាតុគីមី លើបន្លែផ្លែឈេីនាំចូលពីប្រទេសជិតខាង ។
លោកបន្ត អោយដឹង ទៀតថា ការចុះមកពិនិត្យ ថ្ងៃនេះបើសិនជា យើងរកឃើញថា បន្លែផ្លែឈើ ដែលមានសារធាតុ គីមី យើងនឹងធ្វើការ រឹបអូស ហើយអោយម្ចាស់ធ្វើកិច្ចសន្យា បញ្ឈប់ ការនាំចូលនូវ បន្លែផ្លែឈើដែលផ្ទុកជាតិគីមីនេះ មកលក់បន្តទៀត។
ហើយករណីដែលមិនព្រមរាងចាល នៅតែបន្តលក់ បន្លែ ផ្លែឈើដែលមានជាតិ គីមីទៀត ក្រោយពីសមត្ថកិច្ចជំនាញធ្វើកិច្ចសន្យារួចហើយគឺ យើងនិងគ្មានការយោគយល់ទៀតទេគឺរៀបចំបញ្ជូនសំណុំរឿងបញ្ចូនទៅកាន់តុលាការដើម្បីចាត់ការតាមផ្លូវច្បាប់។
លោកស៊ានស៉ីណាត បញ្ជាក់ថាក្រោយពីចុះត្រួតពិនិត្យក្នុងផ្សារត្រីប៉ោយប៉ែតរួចរាល់ដោយលទ្ធផលរកមិនឃើញមាន
បន្លែ ផ្លែឈើទាំង៣៦មុខដែលនាំចូលពីថៃនោះប្រើប្រាស់ជាតិគីមីធ្ងន់ធ្ងរដែលប៉ះពាល់សុខភាពប្រជាពលរដ្ឋទេតែទោះជាយ៉ាងណានៅរសៀលថ្ងៃដដែលនេះលោកនឹងដឹកនាំកម្លាំងជំនាញចុះទៅត្រួតពិនិត្យនៅផ្សារសិរីសោភ័ណបន្តទៀត៕ចាន់សុខលន់
