ក្រុងប៉ោយប៉ែត៖

អង្គភាព ប្រឆាំង អំពើរពុករលួយគួរបើកការស៉ើបអង្តេតករណីមន្ត្រីជលផល 

ម្នាក់ឈ្មោះ ឈ្មោះនូវលាង ដែលត្រូវបានអ្នករកស៊ីដឹកត្រី នៅក្រុងប៉ោយប៉ែត ចោទ កំពុងប្រព្រឹត្ត អំពើរពុករលួយពេញបន្ទុកខណៈទារប្រាក់ ក្រៅផ្លូវការពីពួកគាត់ច្រើន ហួសហេតុដោយមិនបានចេញវិក័យបត្រ័ត្រឹមត្រូវ។

 

ប្រភពព័ត៌មានបានឲ្យដឹងថាជារៀងរាល់ថ្ងៃប្រជាពលរដ្ឋអ្នករកស៊ីដឹកត្រីប្រានាំចូលពីប្រទេសថៃកមកម្ពុជាតាមច្រកអន្តរជាតិប៉ោយប៉ែតខេត្តបន្ទាយមានជ័យបានសម្តែងនូវការមិនសប្បាយចិត្តចំពោះមន្ត្រីជំនាញផ្នែកជលផលប្រចាំការនៅក្រុងប៉ោយប៉ែតដែលបានធ្វើការគាបសង្កត់ឲ្យពួកគាត់បង់ប្រាក់ថ្លៃក្បាលឡានប្រចាំថ្ងៃហួសហេតុ ។ ប្រជាពលរដ្ឋអ្នកដឹកត្រីទាំងនោះបានឲ្យដឹងទៀតថា:ត្រី១ឡានកាមរីត្រូវមន្ត្រីជំនាញទារប្រាក់៤ម៉ឺនរៀល ទៅ៦ម៉ឺនរៀល។បើដឹកតាមឡាននីសាន់តម្រូវឲ្យបង់ក្បាលឡាន១០ម៉ឺនរៀលក្នុង១ឡាន តែអ្វីដែលជាការចាប់អារម្មណ៍នោះគឺការបង់ប្រាក់ខាងលើនេះមន្ត្រីជំនាញមិនបានចេញវិក័យបត្រ័ឲ្យទេ ដែលគេជឿថាវាជាសកម្មភាពទារលុយខុសច្បាប់ពុករលួយ។

 

បើតាមអ្នរកស៊ីដឹកត្រីចេញពីប៉ោយប៉ែតនៅតាមផ្លូវពីប៉ោយប៉ែតរហូតដល់ក្រុងភ្នំពេញពួកគាត់ត្រូវចំណាយប្រាក់សរុបអស់១៥ម៉ឺនរៀលសម្រាប់រថយន្តធុនតូច ។ ប្រភពបានលើកឡើងទៀតថា:មន្ត្រីជំនាញដែលដើរទារលុយពួកគាត់ប្រចាំថ្ងៃនោះត្រូវបានគេស្គាល់ឈ្មោះ នូវ លាង ប្រធានការិយាល័យសង្កាត់រដ្ឋបាលជលផលក្រុងប៉ោយប៉ែត។ ពួកគេថាក្នុង១ថ្ងៃប្រាក់ដែលមន្ត្រីខាងលើទារបានពីពួកគាត់សរុបមិនក្រោមពី៧០ម៉ឺនរៀលទេ ដូច្នេះក្នុង១ខែមន្ត្រីរូបនេះអាចរកចំណូលបានគិតជាធម្យមភាគគឺស្មើនិង២១លានប្រាក់រៀល ។ សំនួរថាតើប្រាក់ដែលមន្ត្រីជំនាញឈ្មោះនូវលាង យកទៅណាខ្លះ ក្រៅពីចំណាយលើថ្លៃជួលផ្ទះធើ្វស្នាក់ការចំនួន៦០ម៉ឺនរៀលក្នុងខែ សល់ប៉ុន្មានពួកគេអាចចែកគ្នាចាយក្នុងម្នាក់មិនក្រោមពី៤២០០០០០រៀល( បួនលានពីរសែនរៀល)ឡើយ ។ ប្រភពពីក្រុមអ្នករកស៊ីដឹកត្រីបានឲ្យដឹងថា:ទីតាំងដែលក្រុមមន្ត្រីជំនាញដើរប្រមូលលុយពីឈ្មួញដឹកត្រីនៅក្រុងប៉ោយប៉ែតរួមមាន ប្លុកផ្សាររ៉ាថ្មី ផ្សារមង្គល ផ្ទះសំណាក់លីហួត និងក្រោយផ្កាយបី ។ ពាក់ពន្ធ័និងការចោទប្រកាន់ខាងលើ នៅព្រឹកថ្ងៃទី១៩ខែកុម្ភះឆ្នាំ២០១៧ នេះ លោកនូវ លាង អ្នកសារព័ត៏មានយើងមិនអាចសុំការអធិប្បាយបាននូវឡើយទេជុំវិញការចោទប្រកាន់របស់ក្រុមឈ្មួញត្រីខាងលើនោះ ។ 

 

ទោះជាយ៉ាងណាប្រជាពលរដ្ឋសំណូមពរ  ឲ្យអង្គភាព ប្រឆាំងអំពើរពុករលួយបើកការស៊ើបអង្កេតលើករណី មន្ត្រីជលផល ម្នាក់ ឈ្មោះនូវលាង ដែលត្រូវបានអ្នករកស៊ីដឹកត្រី នៅក្រុងប៉ោយប៉ែត ចោទ កំពុងប្រព្រឹត្ត អំពើរពុករលួយពេញបន្ទុកខណៈទារប្រាក់ ក្រៅផ្លូវការពីពួកគាត់ច្រើន ហួសហេតុដោយមិនបានចេញវិក័យបត្រ័ត្រឹមត្រូវនេះផងទាន!។