ស្នងការខេត្តបន្ទាយមានជ័យប្រតិកម្មម្ចាស់អាខោនហ្វេសប៊ុក មួយដែលលើកឡើងថាលោកស្នងកាអាត់ខែមនិងអធិការធិនស៊ិនដេតមិនយកច្បាប់ក្រសួង មហាផ្ទៃភូមិមានសុវត្ថភាពមកអនុវត្តន៍!
បន្ទាយមានជ័យ:ស្របពេលដែលប្រជាពលរដ្ឋ រិះគន់មេបញ្ជាការនិងអធិការក្រុងប៉ោយប៉ែតថាបង្ក្រាបបានតែល្បែងតាមដុបចេក តែប៉ះអនឡាញមានខ្នងមិនហ៊ានទៅជិតខណៈ ល្បែង អនឡាញ ២កន្លែង ស្ថិតក្នុងភូមិ ក្បាលស្ពាន២ សង្កាត់ ប៉ោយប៉ែត ក្រុងប៉ោយប៉ែត ខេត្ត បន្ទាយមានជ័យ។ដែលគេសង្ស័យថាមានមន្ត្រីកងរាជអាវុធហត្ថគ្រាក់ៗដែលមានឥទ្ធិពលក្នុងខេត្តនេះមានភាគហ៊ុនក្នុងការបើកនោះហើយពេលនេះបានកំពុងតែ បើកលេងយ៉ាង រំភើយ ប្រកបដោយសុវត្ថភាពគ្មានសមត្ថកិច្ចណាហ៊ាន បង្ក្រាបហើយមានទាំងអ្នកខ្លះបង្ហោះហ្វេសប៊ុកព្រោងព្រាតនោះបានធ្វើអោយ លោកឧត្តមសេនិយ៍ទោ អាត់ខែម ស្នងការខេត្ត បន្ទាយមានជ័យក្តៅស្លឹកត្រចៀក និងបានខមិនឆ្លើយតប មកកាន់ម្ចាស់ អាខោន ហ្វេសប៊ុក ឈ្មោះណារ៉ុងកៅ
ដែលបញ្ចេញមតិថាលោកស្នងអាត់ខែមនិងអធិការធិនស៊ិនដេតមិនយកច្បាប់ក្រសួង មហាផ្ទៃភូមិមានសុវត្ថភាពទាំងប្រាំបួនចំណុចទេព្រោះល្បែងអនឡាញទាំង២ចំណុចនៅភូមិក្បាលស្ពាន២សង្កាត់ប៉ោយប៉ែតក្រុងប៉ោយប៉ែតដែលពលរដ្ឋថាមិនបង្ក្រាបព្រោះហេតុអ្វី២០.០២.២០១៧ ?
ឆ្លើយតបក្នុង ខមិននោះលោកស្នងការបានលើកឡើងថា គ្មានអ្នកណាគេមិនយកចិត្តទុកដាក់ទេ អគុណណាស់អោយស្នងការរងទទួល ព្រ,ទ ត្រួតពិនិត្យតាមរបាយការណ៍។
ក្នុងនោះដែរមានអាខោនហ្វេសប៊ុកឈ្មោះ bunthon phoបានបញ្ចេញមតិថា ខ្ញុំយល់ឃើញថាវាជារឿងតូចតាចទេគួរកុំយករឿងតូចតាចមកធ្វើជារឿងស្មុកស្មាញសមត្ថកិច្ចបានបង្ក្រាបរឿងធំច្រើនណាស់កុំនិយាយដូចមិននិយាយ។
ហើយក៏មានមតិផ្ទុយពីអាខោនbunthon pho ដោយបានបញ្ចេញមតិថារឿងតូចមែនតែបើមិនយកចិត្តទុកវាអាចកើតជារឿងធំ។សូម្បីតែកំទេចភ្លើងតូចក៏ឆេះព្រៃដ៏ធំមួយបានដែរបើគ្មានការប្រុងប្រយ័ត្ននោះ។ទោះជាយ៉ាងណាប្រជារដ្ឋនិងចាំមើលចំណាត់ការរបស់លោកស្នងការក្នុងការបង្ក្រាបទីតាំងខាងលើនេះសង្ឃឹមថាមិនអោយពួកគាត់ខកបំណងទៀតឡើយ៕
