ប៉ូលីសស្រុកក្រឡាញ់សហការជាមួយនគរបាលក្រុងប៉ោយប៉ែតឃាត់ខ្លួនជនសង្ស័យជាបក្ខពួកចោរនឹងរឹបអូសបានម៉ូតូ២គ្រឿង!

 

ខេត្តបន្ទាយមានជ័យ៖លោក វរសេនីយ៍ទោ ធិន ស៊ិនដេត អធិការក្រុងប៉ោយប៉ែត សហការជាមួយកម្លាំងនគរបាលស្រុកក្រឡាញ់ ខេត្តសៀមរាម ដឹកនាំដោយលោកវរសេនីយ៍ទោ ជី បេងជន អធិការនគរបាលស្រុកក្រឡាញ់
ធ្វើការឃាត់ខ្លួនជនសង្ស័យម្នាក់ដែលទទួលផលចោរកម្ម ដោយរឹបអូសម៉ូតូបានចំនួន២គ្រឿងខណះចោរលួចចេញពីខេត្តសៀមរាមមកលក់នៅខេត្តបន្ទាយមានជ័យ។

ប្រតិបត្រការ នេះបានធ្វើឡើងនៅវេលាម៉ោង ១និង៣០នាទីរសៀល ថ្ងៃទី ២៩ កក្តដា ២០១៧ ស្ថិតនៅភូមិសូរិយា សង្កាត់និមិត្ត ក្រុងប៉ោយប៉ែតខេត្តបន្ទាយមានជ័យ។

ជនសង្ស័យ ដែលត្រូវបានសមត្ថកិច្ចធ្វើការ ឃាត់ខ្លួននោះមានឈ្មោះ រឿន ពៅ ភេទប្រុស អាយុ ៤២ ឆ្នាំ រស់នៅក្នុងភូមិសូរិយា សង្កាត់និមិត្ត ក្រុងប៉ោយប៉ែតខេត្តបន្ទាយមានជ័យ។ដោយសមត្ថកិច្ចរឹបអូសបាន
ម៉ូតូចំនួន២គ្រឿង ម៉ាកឌ្រីម ពណ៍ខ្មៅ សេរីឆ្នាំ ២០១៥ ពាក់ស្លាកលេខ បន្ទាយមានជ័យ1M-4456នៅជាមួយនិងជនសង្ស័យ និង ១គ្រឿងទៀត ម៉ាកឌ្រីម ពណ៍ខ្មៅ សេរីឆ្នាំ ២០១៦ គ្មានស្លាកលេខ ដែលជនសង្ស័យបានយកទៅផ្ញើនៅផ្ទះអ្នកជិតខាង ឈ្មោះ សន បុរី ភេទស្រី អាយុ២៦ឆ្នាំ។

លោក វរសេនីយ៍ទោ ធិន ស៊ីនដេត អធិការក្រុងប៉ោយប៉ែតបានអោយដឹងថា ជនសង្ស័យឈ្មោះរឿន ពៅ ខាងលើនេះជាបក្សពួកចោរដែលសមត្ថកិច្ចខាងខេត្តសៀមរាបចាប់បាន ដែលបានលួចម៉ូតូពីខេត្តសៀមរាបយកអោយជនសង្ស័យខាងលើលក់ចេញ ទើបថ្ងៃនេះលោកបានសហការជាមួយ កម្លាំងនគរបាលស្រុកក្រឡាញ់ ខេត្តសៀមរាប ចុះមកឃាត់ខ្លួនតែម្តង។រីឯម៉ូតូត្រូវបានយកទៅរក្សាទុកនៅអធិការដ្ឋានក្រុងប៉ោយប៉ែតដើម្បីស្រាវជា្រវរកម្ចាស់មកយកទៅវិញ។ចំណែកជនសង្ស័យ ត្រូវបានសមត្ថកិច្ចកសាងសំណុំរឿងបញ្ជូនទៅស្នងការខេត្តដើម្បីចាត់ការបន្តតាមនិតិវិធី៕