មន្ត្រីជំនាញមិនហ៊ានបំបែកឆ្នាំងបាយធ្វើឲ្យការរៀបចំសណ្តាប់ធ្នាប់បរាជ័យ!
បន្ទាយមានជ័យ: ភាព អនាធិបតេយ្យ បានបង្អួត ភ្នែកភ្ញៀវទេសចរណ៍ជាតិនិងអន្តរជាតិ ជាយូរខែឆ្នាំ មកហើយបានធ្វើឲ្យប៉ះពាល់ដល់វិស័យទេសចរណ៍យ៉ាងខ្លាំង។ដោយចង់ឲ្យមានសណ្តាប់ធ្នាប់ល្អ អភិបាល ខេត្តបន្ទាយមានជ័យលោកសួនបវរធ្លាប់បានប្តេជ្ញាថានឹងរៀបចំ សណ្តាប់ធ្នាប់នៅតាមបណ្តោយ ផ្លូវជាតិ លេខ ៥ ចាប់ពីចំណុច ផ្សារកណ្តាល រហូតដល់ រង្វង់មូលច្រកទ្វារ អន្តរជាតិប៉ោយប៉ែត ផងដែរប៉ុន្តែ ហាក់បីដូចជា មិនសូវមានប្រសិទ្ធប៉ុន្មានទេ ព្រោះការ អនុវត្តន៍ ប្រៀបដូចវែកចកដោយសារតែ មន្ត្រីជំនាញខ្លាចបែកឆ្នាំងបាយ។
ប្រភពព័ត៌មាន បានឲ្យដឹងថា មូលហេតុដែលភាព អនាធិបតេយ្យ នៅជុំវិញរង្វង់មូល ច្រកទ្វារអន្តរជាតិ ប៉ោយប៉ែតរហូតដល់ផ្សារកណ្តាលដែលបានបង្ករការកកស្ទះស្ទើរតែរៀងរាល់ថ្ងៃតែម្តង។ ដែលធ្វើឲ្យប្រជាពលរដ្ឋក្រុងប៉ោយប៉ែតមានការធុញទ្រាន់ជាខ្លាំងជាពិសេសគឺប៉ះពាល់ដល់ភ្ញៀវទេសចរណ៍ជាតិនិង អន្តរជាតិ យ៉ាងខ្លាំង។ដោយសារតែមន្ត្រីជំនាញរក្សាទុកភាពអនាធិបតេយ្យនេះទុកជាឆ្នាំងបាយ។ប្រភពបង្ហើបឲ្យដឹងទៀតថា លោកវរសេនិយ៍ទោ ឡាយសាវ័ន្ត ត្រូវបានគេដឹងថា កំពុងតែគ្រប់គ្រងនិងរៀបចំសណ្តាប់ធ្នាប់នៅចំណុច រង្វង់មូលច្រកទ្ធារ អន្តរជាតិប៉ោយប៉ែតតែបែជា ប្រព្រឹត្ត អំពើរពុករលួយយកលុយកាក់ពីក្បាលឡានក្នុងរថយន្ត១គ្រឿង១ជើង៥០០០រៀលហើយនៅចំណុចរង្វង់មូលខាងលើមានរថយន្តមិនតិចជាង៥០គ្រឿងងទេ។ក្រៅពីនោះក៏លេចលឺថាលោកឡាយសាវ័ន្តក៏បានលាភសង្ការ:ពីការលក់សំបុត្ររថយន្តក្រុងចំនួន១០កន្លែង ដែលដាក់លក់តាមចិញ្ចើមថ្នល់ត្រូវបង់ជូនក្នុង១ខែ ចំនួន១កន្លែងៗ១ខែ ១០ម៉ឺនរៀល ។ហើយអ្វីដែលគួរឲ្យកោតសសើរនោះសូម្បីតែគយក៏ត្រូវបង់លុយជូនលោកឡាយសាវ័ន្ត ដែរដោយគេគិតក្នុងរថយន្តដឹកទំនិញថៃក្នុង១គ្រឿងតំលៃ១០០បាតហើយមួយៗថ្ងៃមិនក្រោមពីរថយន្ត១៥០គ្រឿងនោះទេ។ដោយសារតែបានផលប្រយោជន៍ពីភាពអនាធិបតេយ្យនេះទើបសមត្ថកិច្ចជំនាញមិនហ៊ានបំបែកឆ្នាំងឡើយហើយធ្វើការប្តេជ្ញារបស់លោកអភិបាលខេត្តបន្ទាយមានជ័យដែលចង់រៀបចំសណ្តាប់ចាប់ពីរង្វង់មូលច្រកទ្វារ អន្តរជាតិប៉ោយប៉ែតនេះត្រូវបរាជ័យម្តងជាពីដងមកហើយ។ទោះជាយ៉ាងណា មជ្ឈដ្ឋាន នានាបានលើកឡើងថាអង្គភាព ប្រឆាំងអំពើរពុករលួយគួរតែបើកការស៊ើប អង្កេតជុំវិញការប្រព្រឹត្ត អំពើរពុករលួយដែលគេជឿថា លោកឡាយសាវ័ន្ត មិនមែនថ្លើមធំហ៊ានស៊ីលុយកាក់នេះតែឯងបានទេច្បាស់ជាមានការចែករំលែកជាមួយមេកើយដូចជាអធិការរងទទួលផែនសណ្តាប់ធ្នាប់ឬក៏អធិការប៉ោយប៉ែតផងដែរទើបអាចធ្វើទៅបាន៕
