ពលករខ្មែរ ត្រូវបានអាជ្ញាធរថៃ ចាប់បញ្ជូនមក ដោយសារតែក្រុមហ៊ុនបោកប្រាស់

បន្ទាយមានជ័យៈ ចាប់តាំងពីថ្ងៃទី ២៨ ខែ មិថុនា ឆ្នាំ ២០១៧ ពលករខ្មែ ដែលធ្វើការនៅប្រទេស ថៃ ត្រូវបានអាជ្ញាធរថៃ បានចាប់បញ្ជូនមកប្រទេសកម្ពុជាវិញ ដោយសារតែកម្មករទាំងអស់ ចូល ទៅធ្វើការនៅប្រទេសថៃខុសច្បាប់ ។

កម្មករដែលត្រូវបានចាប់បញ្ជូនមកកម្ពុជាវិញ ចាប់ថ្ងៃទី ២៨ ខែ មិថុនា រហូតដល់ថ្ងៃទី ០៣ ខែ កក្កដា ឆ្នាំ២០១៧ មានចំនួន ៤១៦៦នាក់ហើយ នេះបើតាមទិន្នន័យដែលសារព័ត៌មានខ្មែរជាយ ដែន ទទួលបានពីកន្លែងទទួលពលករ ។

ពលករដែលត្រូវបានថៃចាប់បញ្ជូនមកកម្ពុជា បានផ្តល់បទសំភាសន៍ជាមួយ សារព័ត៌មានខ្មែរ ជាយដែនថាៈ ខ្ញុំបានទៅធ្វើការនៅប្រទេសថៃ តាមរយៈក្រុមហ៊ុន តែមិនចាំឈ្មោះក្រុមហ៊ុនទេ គេយកឲ្យទៅធ្វើសំណង់ ។ ខ្ញុំបានចំណាយលុយរហូតដល់៣០០០០ម៉ឺនបាត សំរាប់ធ្វើប៉ាស្ព័រ តែ ទិដ្ឋាការរបស់ខ្ញុំបាទ គេដាក់ជាអ្នកទេសចរណ៍ តែនៅពេលចូលដល់ប្រទេសថៃ ខាងក្រុមហ៊ុន បានដកយកប៉ាស័្ពររបស់ខ្ញុំបាទ ហើយខ្ញុំបាទមិនអាចទៅធ្វើការកន្លែងណាបានទេ មានតែធ្វើការ មួយកន្លែង ទោះជាមានការលំបាកយ៉ាងណាក៏ដោយ ។

កម្មករទាំងអស់ត្រូវបានអាជ្ញាធរថៃ ចាប់បញ្ជូនមក អោយបំពេញបែបបទត្រឹមត្រូវ ទៅធ្វើការឲ្យ ស្របវិញ ។ តែគ្រាន់មកដល់កន្លែងទទួលពលករខ្មែរភ្លាម មានរយន្តកាមរី ជាច្រើន បានចាប់ ម៉ូយ ប្រញាយគ្នា នាំពលករចូលរថយន្ត ហើយពលករខ្លះគ្មានលុយកាក់ ត្រូវការជួលរថយន្តទៅដល់ លំនៅដ្ឋាន ទើបអោយថ្លៃតាកស៊ី ហើយមានខាងសមាជិកក្រុមផ្សេងៗ បានបង្កប់ខ្លួន ដើម្បីទាក់ ទងពលករ ឲ្យពឹងពាក់លើសេវាកម្ម របស់ក្រុមហ៊ុន របស់ខ្លួន ។

ក្នុងពេលប្រជាពលរដ្ឋ ជាពលករខ្មែរ ត្រូវបានអាជ្ញាធរថៃ បានចាប់បញ្ជូនមកនោះ ឃើញមានចំ ណាត់ការពីរៈ

១. ខាងក្រសួងមហាផ្ទៃ បានចំណាត់ការបិទច្រករបៀង នៅតាមខ្សែបន្ទាត់ព្រំដែន ។

២. ខាងក្រសួងការងារបណ្តុះបណ្តាលវិជ្ជាជីវៈ មានយន្តការ បង្រៀននូវជំនាញផ្សេងៗដល់ប្រ ជាពលរដ្ឋ ដើម្បីឲ្យស្របទៅតាមប្រទេសដែលកំពុងតែរីកចំរើនផ្នែកខាងបច្ចេកវិជ្ជា នៅលើពិភព លោក ។

តាមពិតយន្តការទាំងពីរនេះ មិនអាចជាដំណោះស្រាយ ដើម្បីឲ្យប្រជាពលរដ្ឋ មានជីវភាពរស់ នៅបានសមរម្យនោះទេ លុះត្រាតែរដ្ឋាភិបាលកម្ពុជា ចាប់ផ្តើមរៀបចំនូវយន្តការដែលប្រកប ដោយនិរន្តភាព ដូចជាៈ ត្រូវមានទីផ្សារកំលាំងពលកម្ម នៅក្នុងស្រុក មានទីផ្សារកសិផល មានការធានានូវ តម្លៃកសិផល ....ជាដើម ៕