មន្ត្រីកាំកុងត្រូលរងការរិះគន់ថានៅពីមុខបង្ក្រាបតែនៅក្រោយខ្នងយកលុយ!

បន្ទាយមានជ័យ: បែកធ្លាយ រឿងអាស្រូវមន្ត្រី កាំកុងត្រូល ខេត្តបន្ទាយមានជ័យ ក្រោមការ គ្រប់គ្រង របស់លោកសានវិជ្ជាសារាវុធកំពុងតែប្រព្រឹត្តអំពើរពុករលួយ យ៉ាងពេញបន្ទុក បើកដៃឲ្យឈ្មួញ លួចដឹក សាច់មាន់ ឆ្អឹងមាន់និង ប្រហិតហួសការបរិច្ឆេត (ខូចគុណភាព)គ្រប់ ប្រភេទចូលពីប្រទេសថៃ មកបំផ្លាញសុខភាព ពលរដ្ឋខ្មែរយ៉ាងធ្ងន់ធ្ងរជាថ្នូរនិងលុយ។

ទោះបីជានៅលើកញ្ចក់ទូរទស្សន៍លើទំព័រកាសែតនិងគេហទំព័រក្នុងស្រុកមួយចំនួនបានផ្សាយពីសកម្មភាពរបស់មន្ត្រីជំនាញកាំកុងត្រូលដែលបានចុះសហការណ៍ជាមួយនឹងសមត្ថកិច្ចពាក់ព័ន្ធមួយចំនួនទៀតធ្វើការផ្សព្វផ្សាយ អបរំ និងត្រួតពិនិត្យ ទៅលើចំណីអាហារនៅលើទីផ្សារនានាតាំងពី ទីប្រជុំជនដល់ជនបទ ចុងកាត់មាត់ញក ដើម្បី បង្ហាញថា សមត្ថកិច្ច ជំនាញបាន កំពុងតែ ប្រឹងប្រែង គិតគូរដល់សុខភាព ប្រជាពលរដ្ឋ ខ្មែរគ្រប់ទីកន្លែង។តែធាតុពិត គ្រាន់តែជាការ សម្តែងប៉ុណ្ណោះ! ព្រោះការចុះផ្សព្វផ្សាយនេះយូរៗគេធ្វើម្តងដើម្បីអោយមេកើយបានឃើញ។ ចំណែកប្រសិទ្ធភាពវិញគឺសេរ៉ូតែម្តង។ក្រោយខ្នងមក លួចឃុបឃិត ជាមួយ ឈ្មួញខិលខូចលួច បង្ហូរចូលនូវ អាហារខូចគុណភាព ដូចជា សាច់មាន់ ឆ្អឹងមាន់និងប្រហិតគ្រប់ប្រភេទចូលមកបំផ្លាញសុខភាពប្រជាពលរដ្ឋខ្មែរយ៉ាងពេញបន្ទុកដោយសារតែស្រលាញ់លុយជាងសុខភាព ប្រជាពលរដ្ឋ។

ប្រភព ព័ត៌មាន ដែលបែកធ្លាយ បានបញ្ជាក់ថា លោក ហុងលៀងដែលជាអនុប្រធានផ្នែកទីផ្សាបានបង្កើត កូនចៅដើម្បី ដើរជំរិត ទារ ប្រាក់ ពី ក្រុមអ្នក បើក រថយន្ត ដឹកសាច់មាន់និងឆ្អឹងមាន់ រួមទាំងប្រហិត គ្រប់ប្រភេទ (ដែលខូចគុណភាព)  ដែលត្រូវបានឈ្មួញ ដឹកតាមរទេះ ចេញពីប្រទេសថៃមកផ្ទេរ ដាក់រថយន្ត នៅចំណុចផ្សាររ៉ាថ្មីនិងផ្សារមង្គលប៉ោយប៉ែតដើម្បីដឹកចែកចាយទៅកាន់បណ្តាខេត្តផ្សេងៗទៀតក្នុង១ថ្ងៃៗរាប់តោន។

 ជារៀងរាល់ខែ គេឃើញ ឈ្មោះឆាំងកាដែលជាមេក្រុមរទេះជនពិការជាអ្នកដើរ ល្បាតនិងប្រមូលលុយ កាក់ពីរថយន្តចំនួន៥គ្រឿងដែលដឹកសាច់ខូចគុណភាពទាំងនេះក្នុង១គ្រឿងក្នុង១ជើងចំនួន៨០០០០រៀល។ និងពីរទេះជនពិការមួយចំនូនទៀតមកឡើងអោយលោកហុងលៀងចំណែក រថយន្តចំនួន២គ្រឿងទៀត រួមមាន ១ / ២A ០៧៤៤      ២ /  ២ A ៣២០៧ គឺលោក ហុងលៀង យកមួយគ្រឿង ១ខែ តែ ១៥០០០០រៀល ប៉ុណ្ណោះតែចំពើរថយន្តក្រុងនិងរថយន្តកូរ៉េប្រហែលជាលោកគិតជាជើង។គិតទៅលោកសានវិជ្ជាសារាវុធពិតជាមានសំណាងមែនទែនដែលលោកស៊ានស៉ីណាត បន្សល់កូនចៅឆ្នើមដែលពូកែរកលុយចិញ្ចឹមមេដូចជាលោកហុងលៀងនេះអោយព្រោះលោកហុងលៀងនេះមិនត្រឹមតែដាក់ខែរថយន្តនិងរទេះដឹកសាច់មាន់ខូចគុណភាពទេសូម្បីតែច្រករបៀងអូរបីជាន់ក៏លោកឆ្លៀតដាក់កុងត្រូលជជុះដោយយកមនុស្សម្នាក់ឈ្មោះរេនដែលមិនមែនជាក្របខណ្ណ មន្ត្រីកាំកុងត្រូលមកជំរិតទារប្រាក់ពីរថយន្តឬម៉ូតូដឹកមាន់ទារនិងទនិញផ្សេងៗដែលចេញតាមច្រករបៀងផងដែរ។

 

ទោះជាយ៉ាងមជ្ឈដ្ឋាននានា បានលើកឡើងថា ពួកគាត់ពិតជាហួសចិត្តមែនទែនមិនគួរណាមន្ត្រីជំនាញលេងល្បែងឆ្អិនភ្នែកបែបនេះសោះអញ្ចឹងបានជានៅលើទីផ្សារនៅតែមានអាហារខូចគុណភាព និងការប្រើប្រាស់ សារជាតិគីមី មិនបានថមថយសោះ ជាពិសេសសាច់មាន់ឆ្អឹងមាន់ខូច និង ប្រហិតគុណភាព នៅតែហូរចូលប្រទេសកម្ពុជាមិនចេះឈប់សោះនេះព្រោះតែអំពើរពុករលួយតែម្តង។

គួរតែឯកឧត្តម ម៉ក់ពេជរិទ្ធ អគ្គនាយកដ្ឋានកាំកុងត្រូលនិងលោក ឯកឧត្តម ឱម យ៉ិនទៀង ប្រធានអង្គភាពប្រឆាំងអំពើរពុករលួយមេត្តាបើកការស៊ើបអង្កេតនិងដុលក្អែលលើមន្ត្រីរបស់ខ្លួនឲ្យគិតគូរស្រលាញ់សុខភាពប្រជាពលរដ្ឋផងទាន!៕