លោក គឹម សុខ អ្នកឃ្លាំមើលបញ្ហាសង្គម ត្រូវបានសាលាដំបូង រាជធានីភ្នំពេញបើកសវនាការ សម្រេចផ្តន្ទាទោស នៅថ្ងៃនេះ !

ភ្នំពេញៈ នៅថ្ងៃទី ១០ ខែ សីហា ឆ្នាំ២០១៧ លោក គឹម សុខ ជាអ្នកឃ្លាំមើលបញ្ហាសង្គម ដែលនិ យាយមិនសំចៃមាត់ វិទ្យុបរទេសនិយាយភាសាខ្មែរ ត្រូវបាន សាលាដំបូងរាជធានីភ្នំពេញបើក សវនាការ ដោយបានផ្តន្ទាទោសលោក ឲ្យអនុវត្តទោសគុក រយៈពេល ១ ឆ្នាំ កន្លះ និងពិន័យជា ប្រាក់ចំនួន ៨ លានរៀល និង សងជម្ងឺចិត្តដល់ដើម បណ្តឹងចំនួន ៨០០ លានរៀល ក្រោមបទ ចោទ” ញុះញ៉ង់ ឲ្យប្រព្រឹត្តបទឧក្រិដ្ឋជាអាទិ៍ និងបទបរិហាកេរ្តិ៍សាធារៈ ។

ក្នុងសេចក្តីសម្រេចនេះ សាលាដំបូងរាជធានីភ្នំពេញ បានបើកផ្លូវឲ្យភាគីជនត្រូវចោទប្តឹងទាស់ តាមនីតិវិធីច្បាប់ ។

នៅក្នុងសវនាការ មានលោកព្រះរាជអាជ្ញាអមសាលាដំបូងរាជធានី មេធាវី និង លោកចៅក្រម បានសាកសួរលោក តែលោកមិនឆ្លើយតបតអ្វីទាំងអស់ នៅស្ងៀមមិននិយាយស្តីអ្វីសោះ ហើយ ក៏មិនយកអ្វីមកខ្ទប់ត្រចៀកដែរ ។

ក្រុមអ្នកច្បាប់បាននិយាយថាៈ ជាធម្មតាទេ ជនត្រូវចោទមានសិទ្ធិគ្រប់គ្រាន់ ចង់និយាយដោះ សារក៏បាន ឬ មិនចង់និយាយក៏បាន តែតុលាការមានភស្តុតាង និងសាក្សីគ្រប់គ្រាន់ តុលាការ អាចសម្រេចបានហើយ មិនមែនទល់តែនិយាយបានរួចខ្លួននោះទេ ។

កន្លងឯកឧត្តម លី ឡាយស្រេង ធ្លាប់បានផ្តល់បទសម្ភាសន៍ជាមួយវិទ្យុបរទេស ដោយនិយាយថា តុលាការនៅកម្ពុជា មិនឯករាជទេ ជាតុលាការតេលេ លោកបានអំពាវនាវឲ្យឈប់ប្រើប្រាស់យន្ត ការតុលាការបែបបញ្ជានេះទៅ បើចង់ឲ្យប្រទេសកម្ពុជា ជាប្រទេសក្លាយទៅជានីតិរដ្ឋ ៕