ប្រជាពលរដ្ឋថា ឡឥដ្ឋ៣ក្នុងឃុំកំពង់ថ្កូវ បំផ្លាញបរិស្ថានដោយយកឈើរស្រស់មកដុតដូចបំផ្លាញព្រៃ!
សៀមរាប: ប្រជាពលរដ្ឋ រស់នៅក្បែរជើងភ្នំទ្រង់បាត្រ បានរាយការណ៍ ឲ្យដឹងថា ឡឥដ្ឋ ចំនួន ៣ កំពុងតែ បំផ្លាញ បរិស្ថាន យ៉ាងធ្ងន់ធ្ងរ ដោយកាយដី ធ្វើឥដ្ឋ បង្ហូរទឹកកង្វក់ និងបង្ហុយផ្សែង ប៉ះពាល់មកលើផ្ទះសម្បែងរបស់ពួកគាត់និងសំណូមពរឲ្យមន្ត្រីជំនាញត្រួតពិនិត្យលើការដែលឡទាំងនេះបានយកឈើរស្រស់មកដុតដែលកំពុងបំផ្លាញព្រៃឈើរទៀតផង។
ប្រជាពលរដ្ឋ រស់នៅភូមិ តូរ្យតន្ត្រី ឃុំ កំពង់ថ្កូវ ស្រុក ក្រឡាញ់ ខេត្តសៀមរាប បាន លួចខ្សឹបប្រាប់ថា អស់រយះពេលជាច្រើនឆ្នាំ មកហើយ ដែល ឡ ឥដ្ឋ ចំនួន៣ រួមមាន ១ឈ្មោះ តាំងសេងកោ ២ឈ្មោះ អួនសារ៉ន ៣ឈ្មោះ អឿនរ៉ាវុធ បានធ្វើអាជីវកម្ម ដុតឥដ្ឋ លក់ ។ដែលបានធ្វើឲ្យប៉ះពាល់ដល់ការរស់នៅ របស់ពួកគាត់ ដែលរស់នៅក្បែរនោះដោយសារតែការកាយដី និងការបង្ហូរទឹកកខ្វក់ ហើយនិងបង្ហុយផ្សែងចេញពីឡទាំងនោះធ្វើឲ្យប៉ះពាល់ដល់សុខភាពពួកគាត់យ៉ាងខ្លាំង។
ពួកគាត់បន្តឲ្យដឹងទៀតថា កន្លងមកពួកគាត់ធ្លាប់បានរាយការណ៍ប្រាប់អភិបាលស្រុក និង មន្ត្រី បរិស្ថានដើម្បីឲ្យជួយអន្តរាគមន៍ លើ បញ្ហានេះដែរតែបែជាស្ងាត់ឈឹងមិនឃើញមានដំណោះស្រាយសោះនៅតែដដែលធ្វើឲ្យពួកគាត់អស់សង្ឃឹមយ៉ាងខ្លាំង។
ពាក់ព័ន្ធរឿងនេះ អ្នកស្រី ស៊ឹមសឿត មន្ត្រី បរិស្ថាន ស្រុកក្រឡាញ់ បានប្រាប់ថា ករណីដែលឡឥដ្ឋ ទាំង៣ នៅក្នុងឃុំកំពង់ថ្កូវ កំពង់តែធ្វើ អាជីវកម្មនេះគឺពិតជាមានការប៉ះពាល់ដល់ បរិស្ថាន យ៉ាងខ្លាំងហើយប្រជាពលរដ្ឋក៏បានរាយការណ៍ប្រាប់អំពីបញ្ហា បង្ហូរទឹកកង្វក់និងបង្ហុយផ្សែងប៉ះពាល់ទៅលើអ្នកក្បែរខាងទៀតផង។ហើយម្យ៉ាងវិញទៀតការដុតនោះគឺយកឈើរស្រស់ៗមកធ្វើអុសដុតទៀតផងទោះបីជាគាត់ទិញគេក៏វាប្រៀបដូចបំផ្លាញព្រៃដែរព្រោះគ្រាន់តែការស្តុបទុកគរដូចភ្នំអញ្ចឹង។
អ្នកស្រីបញ្ជាក់ថាកន្លងមក អ្នកស្រីធ្លាប់ ចុះទៅណែនាំអំពីការបង្ហូរទឹកកង្វក់ និងបង្ហុយផ្សែងដែលធ្វើឲ្យប៉ះពាល់ដល់អ្នកជិតខាងដែរតែគេមិនព្រមស្តាប់សោះ។
ជុំវិញ បញ្ហានេះអ្នកសារព័ត៌មានយើងមិនអាចសុំការបកស្រាយពីម្ចាស់ឡឥដ្ឋ ទាំង៣បានទេជាពិសេសលោកអឿន
រ៉ាវុធដែលគេស្គាល់ថាជាមន្ត្រីPMខេត្តសៀបរាបផង។
ទោះជាយ៉ាងណា មជ្ឈដ្ឋាន នានាលើកឡើងថាមន្ត្រីជំនាញគួរ តែដោះស្រាយ បញ្ហា ជូនប្រជាពលរដ្ឋហើយមិនគួរបណ្តែត បណ្តោយ ឲ្យ ឡឥដ្ឋ យកឈើរស្រស់មកធ្វើអុតដុតឥដ្ឋ តាមទំនើងបែបនេះទេ។ទោះបីជា ទិញគេក៏មិនខុសពីការបំផ្លាញព្រៃឈើរដោយប្រយោលដែរ៕
