ជំនូន បាតុកម្មអហិង្សា លើកទី ១០០ ជូនលោកចៅហ្វាយក្រុងប៉ោយប៉ែត មុនចាកចេញទៅឡើងជា អភិបាលរងខេត្ត

បន្ទាយមានជ័យៈ កាលពីថ្ងៃទី ១៨ ខែ សីហា ឆ្នាំ២០១៧ សហគមន៍ផ្លូវរថភ្លើង នៅចំណុចផ្សារកណ្តាល ក្រុងប៉ោយប៉ែត បានធ្វើបាតុកម្មអហិង្សា តវ៉ានៅមុខសាលាក្រុងប៉ោយប៉ែត ដើម្បី ឲ្យ អាជ្ញាធរដែនដីដោះស្រាយសំណង ជូនដល់ពួកគាត់ ដែលជាប្រជាពលរដ្ឋខ្មែរ ឈាមជ័រជាខ្មែរ ត្រូវការដីធ្លីជាចាំបាច់ សម្រាប់រស់នៅ ។ 

ក្នុងការធ្វើបាតុកម្មអហិង្សារហូតដល់លើកទី ១០០ នេះ ជាជំនូនដ៏ធំធេង ជូនលោកអភិបាល ក្រុងប៉ោយប៉ែត ដែលអត់ធ្មត់ បិទភ្នែកដើររំលង រង់ចាំចាំថ្ងៃ នឹងប្រកាសឡើងជាអភិបាលរង ខេត្ត​បន្ទាយមានជ័យ ឲ្យបានឆាប់ ដើម្បីឲ្យរួច ពីការទទួលខុសត្រូវ ។

ជម្ងឺរាំរ៉ៃ ជាជម្ងឺសង្គមនៅក្នុងក្រុងប៉ោយប៉ែត ទូទាំងពិភពលោកគេស្គាល់ក្រុងប៉ោយប៉ែត ស្ទើរតាម រយៈបាតុកម្មអហិង្សានេះ កែវភ្នែកអ្នកស្រឡាញ់យុត្តិធម៌ និង ប្រទេសគោរពសិទ្ធិមនុស្ស បាន សម្លឹងមកលើខេត្តបន្ទាយមានជ័យ ចំណុចក្រុងប៉ោយប៉ែត ។

ក្នុងការធ្វើបាតុកម្មអហិង្សារហូតដល់ ១០០លើកនេះ តំណាងសហគមន៍ បាននិយាយថាៈ ខ្ញុំធ្វើ បាតុកម្មអហិង្សាមិនមែនបញ្ចើចបញ្ចើរទេ ជាការពិតខ្ញុំស្រែក ខ្ញុំតវ៉ា ដើម្បីឲ្យមានដំណោះស្រាយ ជូនពួកយើងខ្ញុំ តែអាជ្ញាធរ បែរមិនយកភ្នែកមើលពួកខ្ញុំទេ ចាត់ទុកពួកខ្ញុំជាសំរាម ដោយអាជ្ញាធរ មិនទទួលខុសត្រូវសោះ ។ ខ្ញុំជាខ្មែរ មិនមែនជាអ្នកមកពីណាទេ ត្រូវការដីសម្រាប់សាងសង់លំ នៅដ្ឋាន តែត្រូវការចាំបាច់លោកធំជាអ្នកបំរើរាស្ត្រ ដោះស្រាយជូន ស្របទៅតាមយន្តការជាតិ និង អន្តរជាតិ  ព្រោះប្រទេសកម្ពុជាគោលនូវកតិការសញ្ញា សន្ធិសញ្ញាអន្តរជាតិ ក៏ដូចប្រទេស ផ្សេងៗនៅលើពិភពលោក ដែរ តែខុសគេត្រង់ថា ពួកខ្ញុំ ស្រែកតវ៉ា នឹងត្រចៀក លោកបែរធ្វើមិន ដឹងមិនឭ ទៀតនោះ ។

ប្រជាពលរដ្ឋ អ្នកលក់គ្រឿងទេស នៅផ្សារកណ្តាល បានមាននិយាយទាំងអស់សំណើចថាៈ ខ្ញុំហួសចិត្តមិនដឹងលោកចៅហ្វាយក្រុងប៉ោយប៉ែត ហេតុអ្វីមិនដោះស្រាយបញ្ហាជូនប្រជាពលរដ្ឋ ទៅ ព្រោះដីនៅចំណុចក្រោយវត្តផ្សារកណ្តាលនៅសល់ច្រើនតើ ដោះស្រាយជូនពួកគាត់ទៅ ។ អ្នក ធ្វើការតវ៉ាច្រើនលើក មានទាំងស្រែកទាមទារ និងការដាក់បណ្តាសារផង មិនដឹងមន្ត្រីអសកម្ម ដែលបានទទួលមុខតំណែងអង្គុយកៅអីរដ្ឋនោះ ក្នុងអាណត្តិរបស់ ខ្លួនមិនទទួលបណ្តាសារពី ប្រជាពលរដ្ឋប៉ុន្មានឡានកង់ទីន័រនោះទេ ។

បញ្ហាកើតឡើងក្នុងដែន សមត្ថកិច្ច របស់ខ្លួន មិនព្រមដោះស្រាយ ក្លាយជាជម្ងឺសង្គម  ហើយត្រូវ បានមតិជាតិ  និង អន្តរជាតិ លើកឡើងថា “ មន្ត្រីអសកម្ម គ្មានចំណេះដឹងក្នុងការគ្រប់គ្រង” ។ ចំណែកសម្តេចនាយករដ្ឋមន្ត្រី លោកថាមន្ត្រីគ្រាប់ល្ពៅ បើមិនយកឲ្យដំរីជាន់ទេ គួរតែបោះឲ្យក្រ ពើស៊ី ៕