ខឹងមេម៉ាយកូន៥ជេរនិងយកកាំបិតប៉័ងតោគប់ជនសង្ស័យរើសបានកាំបិតតាមប្រល័យជីវិត្តឲ្យក្ស័យក្នុងថ្លុកឈាមទីបំផុតជាប់ខ្នោះ!
បន្ទាយមានជ័យ ៖ ឈាមស្រែកស្បែកហៅ មុនស្លាប់ជនរងគ្រោះបានជនរងគ្រោះលួចខ្សឹបប្រាប់ឈ្មោះឃាតករ ទើបសមត្ថកិច្ចអាចបំបែកសំណុំរឿងយ៉ាងឆាប់រហ័ស ដូចផ្លេកបន្ទោល។ក្រោយពីមានករណីស្ត្រីមេម៉ាយម្នាក់ ត្រូវឃាតករកាប់ជាច្រើនកាំបិត យ៉ាងព្រៃផ្សៃ នៅក្នុងផ្ទះ ស្ថិតក្នុងភូមិចំការគរ ឃុំនិងស្រុកស្វាយចេក ខេត្តបន្ទាយមានជ័យ ដោយពុំទាន់ដឹងមូលហេតុ កាលពីវេលាម៉ោងជាង ១២រំលងអាធ្រាត្រ ឈានចូលព្រឹក ថ្ងៃទី១៨ ខែសីហា ឆ្នាំ២០១៧នេះ ហើយត្រូវបានគេបញ្ជូនទៅមណ្ឌលសុខភាពក្នុងឃុំ និងបញ្ជូនបន្ត ទៅមន្ទីរពេទ្យបាត់ដំបង តែអកុសលស្លាប់តាមផ្លូវ រួចក៏បញ្ជូនត្រឡប់មកវិញ នោះរួចមក នៅវេលាព្រឹកព្រលឹម ថ្ងៃខែដដែល ជនសង្ស័យម្នាក់ ជាជនដៃដល់ ត្រូវសមត្ថកិច្ចស្រាវជ្រាវ ឃាត់ខ្លួនបានភ្លាមៗ ។
លោក ភឿងម៉ាន់សឹង្ហ នាយការិយាល័យ កំរិតធ្ងន់នៃស្នងការដ្ឋាន ខេត្តបន្ទាយមានជ័យ។បានប្រាប់ឲ្យដឹងថានៅមុនដាច់ខ្យល់ជនរងគ្រោះឈ្មោះ ឡុង សាលឿន អាយុ៤០ឆ្នាំ ជាស្ត្រីមេម៉ាយកូន៥នាក់នោះបានលួច
ខ្សឹបប្រាប់សមត្ថកិច្ចថាឃាតុករឈ្មោះ អាធំ ពេលនោះសមត្ថកិច្ចកិច្ចក៏បាន
ស្រាវជ្រាវលុះដល់វេលាម៉ោង១១ព្រឹក ថ្ងៃខែឆ្នាំដដែល ជនសង្ស័យម្នាក់ទៀត ជាបក្ខពួក ដែលជិះម៉ូតូទៅពួននៅចំការដំឡូង ត្រូវសមត្ថកិច្ចចាប់បានបន្ថែមទៀត បន្ទាប់ពីជនសង្ស័យរូបនោះ ទូរស័ព្ទទៅសាច់ញាតិឲ្យជួយទិញបាយនិងសាំងឲ្យខ្លួន ប៉ុន្តែត្រូវសមត្ថកិច្ចចាប់ទូរស័ព្ទដឹងរឿង ក៏ទិញបាយនិងសាំង យកទៅឲ្យជំនួសបានញាំ១ចំអែតក្រពះ ហើយក៏ចាប់ញាត់ ចូលរថយន្ត បញ្ជូនទៅសួរនាំតែម្តង ។
លោកភឿងម៉ាន់សឹង្ហ បញ្ជាក់ថាការឃាត់ខ្លួននេះគឺ ប៉ូលីស ឃាត់ខ្លួនជនសង្ស័យចំនួន២នាក់ព្រោះតែឈ្មោះធំដូចគ្នា។ តែជនទី០១ឈ្មោះ រឿន ធំ ភេទប្រុស អាយុ២០ឆ្នាំ មានទីលំនៅក្នុងភូមិកើតហេតុ (ជនដៃដល់) ចាប់បានទាំងព្រលឹម នោះជាឃាតុករពិត។
រីឯឈ្មោះ ឈឿត វិន(ហៅធំ) ភេទប្រុស អាយុ៣០ឆ្នាំ មកពីភូមិរបើកខ្យា ឃុំនគរភាស ស្រុកអង្គរជុំ ខេត្តសៀមរាប ស្នាក់នៅក្នុងភូមិកើតហេតុ(ចាប់បានម៉ោង១១ព្រឹកដដែល) នើមិនមែនជាឃាតករទេតែដោយសារតែសាច់ញាតិ
ប្រាប់ថាប៉ូលីសកំពុងរកមុខឈ្មោះធំដែលសង្ស័យសម្លាប់មនុស្សទើបគេគេចទៅសម្ងំលាក់ខ្លួននៅក្នុងចំការដំឡូង។
លោកភឿងម៉ាន់សឹង្ហ បន្តឲ្យដឹងទៀតថា ក្រោយពីឃាត់ខ្លួនមកសាកសួរជនសង្ស័យបានសារភាពថា មូលហេតុដែលរូបគេសម្លាប់ជនរងគ្រោះមកពីមានគំនុំព្រោះតែជនរងគ្រោះបានជេរតិះដៀល ប្រទេចផ្តសារូបគេជាប្រចាំ
ឲ្យជួបមុខជេរ ហើយនៅថ្ងៃកើតហេតុពោលគឺ វេលាម៉ោង១២រំលងអាធ្រាតរូបគេបានត្រឡប់មកពីលេងបុកប៊ីយ៉ា ស្រាប់តែស្រ្តីរងគ្រោះបានជេររូបគេថាអាជក់ម៉ា ដើរតែចុយគេចោល អាកូនអត់ពូជ ពេលនោះកឳមានការប្រតាយប្ថតប់គ្នា ហើយជនរងគ្រោះក៏បានខ្វាចរួចមិនអស់ចិត្តរត់ទៅយកកាំបិតគប់មកលើរូបជនសង្ស័យពេលនោះបានធ្វើឲ្យរូបគេជាជនសង្ស័យខឹងកាន់តែខ្លាំងក៏បានចាប់រើសកាំបិតប៉័ងតោនោះមកដេញកាប់ទាល់តែស្លាប់ក៏រត់ទៅសម្ងំដេកធ្វើដូចមិនដឹងរឿងអីក្រោយមកក៏ត្រូវបានសមត្ថកិច្ចក្របួចជាប់តែម្តង។
ហើយបច្ចុប្បន្ន ដោយសារតែរឿងភាន់ច្រឡំសមត្ថកិច្ចក៏បានដោះលែងឲ្យឈ្មោះ ឈឿត វិន(ហៅធំ) ភេទប្រុស អាយុ៣០ឆ្នាំ មកពីភូមិរបើកខ្យា ឃុំនគរភាស ស្រុកអង្គរជុំ ខេត្តសៀមរាបអោយត្រឡប់ទៅវិញ ចំណែករឿន ធំ ភេទប្រុស អាយុ២០ឆ្នាំ មានទីលំនៅក្នុងភូមិកើតហេតុ (ជនដៃដល់) ចាប់បានទាំងព្រលឹម នោះជាឃាតុករពិតនោះ។ត្រូវបានសមត្ថកិច្ចកសាងសំណុំរឿងបញ្ជូនទៅកាន់តុលាការដើម្បីចាត់ការទៅតាមផ្លូវច្បាប់៕
