ល្បីទៀតហើយឧកញ៉ា ឌីឌុក និងក្រុមហ៊ុន សំ អឿន សុវណ្ណ កំពុងសហការគ្នាបំផ្លាញព្រៃឈើនៅប្រទេសកម្ពុជា ដោយចំហរជាសាធារណៈ តើមាននណានៅក្រោយខ្នង ?
ព្រះវិហារ៖ប្រភពពីប្រជាពលរដ្ឋនៅស្រុកជ័យសែន និងស្រុកឆែប បានរាយការណ៍មកថា លោកឧកញ្ញ៉ា ឌីឌុក និងក្រុមហ៊ុន សំអឿនសុវណ្ណ កំពុងតែប្រមូលទិញឈើយ៉ាងច្រើនពីខាងក្រៅ ដើម្បីដឹកចូលទៅអារច្រៀក យ៉ាងទ្រហឹងលឺសម្លេងអឹងកងពេញស្រុកឆែប រូចដាក់គរគំនរដូចភ្នំ សម្រាប់ដឹកចេញបន្ត យកទៅលក់នៅតាមដេប៉ូឈើនានាជាច្រើនកន្លែង និងមួយចំនួនទៀតដឹកចេញទៅក្រៅប្រទេសស្ទើរជារៀងរាល់ថ្ងៃ ហើយទទួលបានលុយទាំងដុំៗ ជ្រកក្រោមរូបភាព ក្រុមហ៊ុនស្របច្បាប់។
ប្រមុខរាជរដ្ឋាភិបាល នាពេលកន្លងទៅក៏បានចេញបទបញ្ជាឲ្យបង្រ្កាបនិងទប់ ស្កាត់នូវបទល្មើសព្រៃឈើ គ្រប់រូបភាពឲ្យខានតែបាន ក៏ប៉ុន្តែអនុសាស្រ្តនេះមិនត្រូវបាន ក្រុមហ៊ុនសំ អឿន សុវណ្ណ និងឧកញ្ញា ឌីឌុក គោរពនិងអនុវត្តន៍តាមនោះទេ បច្ចុប្បន្នកំពុងតែរួមដៃគ្នាដំឡើងរោងចក្រអារឈើខ្នាតយក្ស និងម៉ាសិុនធំៗ មួយកន្លែងដែលមានទីតាំងស្ថិតនៅភូមិអូរស្នៀត ឃុំតស៊ូ ស្រុកជ័យសែន ខេត្តព្រះវិហារ សកម្មភាពកាប់បំផ្លាញព្រៃឈើឲ្យវិនាសហិនហោចទាំងនេះ នៅមិនទាន់មានថ្នាក់ដឹកនាំណាម្នាក់ដឹងលឺនៅឡើងទេ ឬក៍ធ្វើមិនដឹង? ។
ប្រភពមជ្ឈដ្ឋានពលរដ្ឋរិះគន់ថា ក្រុមហ៊ុនមួយនេះថែមទាំងហ៊ានប្រកាសជាសាធារណៈ ឲ្យប្រជាពលរដ្ឋ រស់នៅក្នុងតំបន់ក្បែរព្រៃនោះ នាំគ្នាចូលទៅកាប់ឈើខុសច្បាប់យកទៅលក់ឲ្យដល់ក្នុងរោងចក្រអារឈើរបស់ពួកគេ ដោយបើកចំហរទាំងយប់ទាំងថ្ងៃដោយគ្មានញញើតច្បាប់ ក្នុងនោះមានសមត្ថកិច្ចជំនាញរដ្ឋបាលព្រៃឈើ ប៉ូលិស អាវុធហត្ថ ដាក់ពង្រាយនៅតាម តូបក្រោមដើមឈើ រង់ចាំរាប់ចំនួនគោយន្តដឹកឈើ និងរថន្តយីឌុបធំៗ និងនៅជួយចាំការពារ សុវត្ថិភាពអ្នកដឹកឈើ ព្រមទាំងគេកត់ត្រា លេខរថយន្តណាចម្លែក រាយការណ៍តាមទូរស័ព្ទ ទៅគ្នីគ្នារបស់ពួកគេ ដើម្បីឲ្យតាមឃ្លាំមើលអ្នកចម្លែកចូលទៅក្នុងទឹកដីនៃអាណាចក្រ រោងចក្រអារឈើរបស់ពួកគេ។
ប្រមុខរាជរដ្ឋាភិបាលកម្ពុជា ដឹកនាំដោយសម្ដេចតេជោនាយករដ្ឋមន្ត្រី ហ៊ុន សែន បានដាក់បញ្ជា និងឲ្យបង្កើតឲ្យមានគណៈកម្មការទប់ស្កាត់និងបង្ក្រាបបទល្មើសព្រៃឈើ ដោយអនុញ្ញាត ឲ្យប្រើឧទ្ធម្ភាគចក្រ យោធា២គ្រឿង សម្រាប់ប្រតិបត្តិការ តែបែរជាលោកឧកញ៉ា ឌី ឌុក នៅតែហ៊ាន ធ្វើសកម្មភាពប្រព្រិត្តបទល្មើសព្រៃឈើដោយបើកចំហរ ហើយថែមទាំងបានដំឡើងម៉ាស៊ីនអារឈើខ្នាតយក្ស អារច្រៀកឈើធំៗកងរំពងពេញព្រៃ និងដឹកជញ្ជូនឈើប្រណិត ឈើលេខ២ស្ទើរខ្ទេចផ្លូវ នៅក្នុងស្រុកឆែប ជាប់ព្រំប្រទល់ ស្រុកជ័យសែន ខេត្តព្រះវិហារ សកម្មភាពនេះធ្វើឲ្យប្រជាពលរដ្ឋនៅតែមើលឃើញ រូបភាពដដែលៗថា បទបញ្ជារបស់សម្ដេចនាយករដ្ឋមន្ត្រី ហាក់បីដូចជាមិនមានប្រសិទ្ធភាពល្អចំពោះ ឧកញ៉ាគ្រាក់ៗ ដែលចូលចិត្តរកស៊ីកាប់បំផ្លាញព្រៃឈើនៅក្នុងប្រទេសកម្ពុជា នោះឡើយ។
