ស្ថានការណ៍នយោបាយតានតឹងនៅកម្ពុជា នៅក្នុងខែសីហា !

ភ្នំពេញៈ នៅក្នុងខែ សីហា ឆ្នាំ២០១៧ ស្ថានការណ៍តានតឹងខ្លាំង ក្នុងពេលការកែប្រែរបត់នយោ បានលឿនខ្លាំង ស្ទើតាមដានស្ថានការណ៍មិនទាន់ផង ។

ការកើតឡើងផ្ទួនគ្នា ចាប់ពីលោក សុខ ទូច បានទទួលដំណែងជាបណ្ឌិត សភាចារ្យ និងជា ប្រធានរាជ បណ្ឌិតសភា មក ដែលលោកធ្លាប់បាននិយាយថាៈ ដីភូមិសម្តេចពញាចក្រីហេង សំរិន នៅក្នុងទឹកដីវៀតណាម មិនមែនវៀតណាមចូលមកយកទឹកដី របស់កម្ពុជាទេ តែកម្ពុជា ទៅវិញ ទេ ជាអ្នកយកដីវៀតណាម (យួន) ។ ក្នុងវីដេអូឃ្លីប ត្រូវបានបង្ហោះសម្លេងនេះតៗគ្នា ហើយត្រូវ​បានប្រជាពលរដ្ឋខ្មែរ មិនសូវពេញចិត្តទេ ដោយមានទាំង Comment ជេរប្រទេចទៀតផង   ហើយក៏មានសារព័ត៌មានខ្លះ បានសំភាសន៍អ្នកនាំពាក្យ រាជរដ្ឋាភិបាល តែអ្នកនាំពាក្យរបស់រាជ រដ្ឋាភិបាល បានបញ្ជូនឲ្យ អ្នកសារព័ត៌មានសួរ លោកប្រធានរាជបណ្ឌិតសភា ដោយផ្ទាល់វិញ ។

ស្ថានភាពតានតឹងកាន់តែ ឡើងកំដៅជាបន្តបន្ទាប់ ក្នុងខណៈពេល រាជរដ្ឋាភិបាលកម្ពុជា បានរឹត បន្តឹងដល់អង្គការអន្តរជាតិ ចំនួន ៣ មាន អង្គការ NDI អង្គការ IRI និង អង្គការ NED  ដោយបាន ចោទប្រកាន់ថាអង្គការទាំង ៣ ជាអង្គការសកម្មភាពបំរើឲ្យគណបក្សសង្គ្រោះជាតិ (គណបក្សប្រ ឆាំង) ជាដៃគូប្រគួតប្រជែងជាមូយគណបក្សប្រជាជនកម្ពុជា នៅពេលបោះឆ្នោតខាងមុខ ។

ក្នុងនោះដែរមានខាងអគ្គនាយកដ្ឋានពន្ធដា បានចេញព្រោងព្រាត ដើម្បីចុះពិនិត្យទៅលើអង្គការ សមាគម មិនមែនរដ្ឋាភិបាល ព្រមទាំងស្ថាប័នសារព័ត៌មានផងដែរ ។ ក្នុងការចុះធ្វើសវនកម្ម នេះ មានខាង កាសែត  The Cambodia Daily ខាងពន្ធដាបានត្រូវឲ្យបង់ពន្ធ ចំនួនជាង ៦ លានដុល្លារ ដែលផ្តល់រយៈពេលត្រឹមមួយខែ នៅថ្ងៃទី ០៤ ខែ កញ្ញា ឆ្នាំ២០១៧ ខាងមុខ នឹងដល់ថ្ងៃហើយ បើ មិនមានលុយបង់ទេ ប្រឈមមុខនឹងការបិទទ្ធារ ។ កាសែតជានេះជាកាសែតមានឈ្មោះល្បី ដែលសរសេរជាភាសាអង់គ្លេសផង និង ខ្មែរផង ។ ចំណែកអង្គការ សមាគម មិនមែនរដ្ឋាភិបាល ក៏ត្រូវបានរកឃើញអំពីការជាប់ពន្ធនេះផងដែរ ។

អ្នកឃ្លាំមើលបញ្ហាសង្គម និង អង្គការសង្គមស៊ីវិល បាននិយាយថាៈ ការអនុវត្តច្បាប់ ប្រមូលពន្ធ មិនមានអ្នកណាមួយបដិសេធន៍ទេ ឲ្យខាងពន្ធដាចុះធ្វើសវកម្ម ទៅអង្គការ ស្ថាប័ន សហគ្រាស ឲ្យបានស្មើគ្នា មិនមែនធ្វើអ្វីតាមអារម្មណ៍ នៅពេលខ្លួននឹកឃើញ ធ្វើភ្លាមតាមអារម្មណ៍មួយភ្លែតៗ នោះទេ គួរតែចាប់ផ្តើមអនុវត្តតាមច្បាប់ ថាតើចាប់អនុវត្តពីចំណុចណា ? ពេលណា ? ឲ្យបាន ជាក់លាក់ ។

ក្នុងការព្រឹត្តិការណ៍ដែលកំពុងកើតឡើងនេះ ខាងស្ថានទូតអាមេរិក និងរដ្ឋាភិបាលអាមេរិក ហាក់ ដូចជាមិនបានគាំទ្រ នូវទង្វើរដ្ឋាភិបាលកម្ពុជាឡើយ ដោយមានសំណួរជាច្រើន បានបង្ហោះនៅ ក្នុងបណ្តាញសង្គមទំនាក់ទំនងសង្គម  FACEBOOK  ។

 ចំណែកអ្នកវិទ្យាសាស្ត្រនយោបាយវិញ ​បានមានប្រសាសន៍ថាៈ ការវិវត្តន៍ស្ថានភាពនយោបាយ   ជាការបញ្ចេញយ៉ាងច្បាស់ទាក់ទងទៅលើរឿងនយោបាយ ច្រើនជាងការសម្លឹងមើលទៅលើ ផល

ប្រជាសង្គម និងប្រជាពលរដ្ឋរបស់ខ្លួន ។ យើងឃើញបរិបទនៃគណបក្សនេះ ចាប់ផ្តើមចេញមុខ ចេញមាត់ហើយ ជាដំណើរនៃលទ្ធិប្រជាធិបតេយ្យថយក្រោយ ដែលគេហៅថាប្រជាធិបតេយ្យ ចងមុង ។ ចំពោះគណបក្សប្រជាជនកម្ពុជា មានការព្រួយបារម្ភ ខ្លាចចាញ់ឆ្នោតនៅពេលខាងមុខ បើមានអង្គការណាមួយដែលនិយាយអំពីរបបប្រជាធិបតេយ្យ ឬ កាសែតណាមួយមិនសូវនិយម សរសេរបែបទំនោរទៅខាងបក្សរបស់ខ្លួន ចាត់ទុកថាអង្គការ ឬ កាសែតនោះមាននិន្នាការគណ បក្សប្រឆាំងហើយ ។ ចំណែកគណបក្សសង្គ្រោះជាតិ នៅសម្ងំស្ងៀម មិនតប មិនត ឬឆ្លើយឆ្លង ឡើយ នៅក្នុង បរិបទនយោបាយថ្មីៗនេះ ដោយទុកឱកាសឲ្យប្រជាពលរដ្ឋ និង អន្តរជាតិជាអ្នក មានប្រតិកម្មវិញ ៕