មន្ត្រីរដ្ឋាភិបាលរត់រកការចរចា ក្រោយពីអាមេរិករឹតបន្តឹងទិដ្ឋាការដល់មន្ត្រីធំៗរបស់ខ្មែរ
ភ្នំពេញៈ ទីភ្នាក់ងារព័ត៌មានAP ដែលមានស្នាក់ការនៅសហរដ្ឋអាមេរិក បានចេញផ្សាយកាលពីថ្ងៃព្រហស្បតិ៍ម្សិលមិញថា រដ្ឋបាលរបស់លោកប្រជាធិបតីអាមេរិក ដូណាល់ ត្រាំ កំពុងត្រៀមខ្លួនរឹតបន្តឹងការផ្តល់ទិដ្ឋាការដល់ពលរដ្ឋប្រទេសកម្ពុជា ប្រទេសអេរីត្រេ (Eritrea) ប្រទេសហ្គីណេ (Guinea) និងប្រទេសសេរ៉ាឡេអូន (Sera Leone) ដែលមិនព្រមយកប្រជាជនរបស់ពួកគេដែលត្រូវបាននិរទេសចេញពីសហរដ្ឋអាមេរិក ក្រោយរងការកាត់ទោសពាក់ព័ន្ធនឹង ការប្រព្រឹត្តបទល្មើស។
ទីភ្នាក់ងារព័ត៌មាន AP ដែលបានចេញផ្សាយកាលពីថ្ងៃទី២៤ ខែសីហា បានស្រង់សម្តីរបស់ក្រុមមន្រ្តីនៃក្រសួងការបរទេសអាមេរិក ដែលថ្លែងដោយមិនបញ្ចេញឈ្មោះថា ប្រទេសទាំងបួននេះនឹងត្រូវដាក់ទណ្ឌកម្មឆាប់ៗនេះ ដើម្បីឲ្យប្រទេសទាំងនោះយកចិត្តទុកដាក់ក្នុងការទទួលយកប្រជាជន ដែលត្រូវបានអាមេរិកនិរទេសចេញ ទៅប្រទេសពួកគេវិញ។
លោកនាយឧត្តមសេនីយ៍ ខៀវ សុភ័គ អ្នកនាំពាក្យក្រសួងមហាផ្ទៃ បានប្រាប់វីទ្យុបរទេសថាៈ
«សុំឲ្យឈរលើគោលការណ៍ស្ម័គ្រចិត្តបានទេ? ហើយអ្នកខ្លះដែលមកហ្នឹង ដែលមិនអាចធ្វើសមាហរណកម្មចូលពលរដ្ឋបាន សូមឲ្យគាត់ពិនិត្យពិច័យឡើងវិញ។ អ្នកខ្លះមានប្រពន្ធ មានកូននៅឯហ្នឹង។ ថ្វីដ្បិតតែមិនទាន់បានចូលសញ្ជាតិមែន ប៉ុន្តែគាត់មានផ្ទះសម្បែង គាត់មានប្រពន្ធ មានកូនមានអី។ ដល់អីចឹងជំរុញគាត់មក អាហ្នឹងជាការពង្រាត់ពង្រាស់ទៀតហើយ។ អីចឹងយើងគ្រាន់សុំឲ្យគាត់ចរចាគ្នាឡើងវិញមើល MOU ហ្នឹង! ហើយក្នុងពេលចរចាហ្នឹង យើងផ្អាកការទទួលបណ្តោះអាសន្នសិន។ មិនមែនយើងថា មិនទទួលឯណា! តែសុំឲ្យនិយាយគ្នាសិន»។
ចំពោះការរឹតបន្តឹងទិដ្ឋាការនេះ ជាការខាតបង់ខ្លាំងចំពោះមន្ត្រីខ្មែរ ទៅលើការទំនាក់ទំនងការ បរទេសខ្មែរ រវាងសហរដ្ឋអាមេរិក ជាប្រទេសមហាអំណាចមួយនេះ ដែលជាការខាតបង់របស់ កម្ពុជា ពឹងលើជំនួយបរទេស ដើម្បីជាខ្យល់ជួយដកដង្ហើម សម្រាប់អភិវឌ្ឍន៍ជាតិ ។
អ្នកជំនួញធំម្នាក់បាននិយាយថាៈ ការរឹតបន្តឹងទិដ្ឋាការនេះ អ្នកដែលខាតបង់ធំនោះ ប៉ៈពាល់ដល់ អ្នកជំនួញខ្មែរ និង អ្នកមានលុយកាក់ចង់ដើរកំសាន្ត លំហែរកាយ បើសម្រាប់គេអ្នកមានលុយ កាក់ចាយមិនអស់ ៕
![]()
![]()
![]()